مهزلة منطقة سوهاج.....شاركوا
 

اتصل بي صديق النهاده وقال لى الحق روح المنطقة قلت له ليه قال لى الكشف الطبي لازم تجيبه من المنطقة وزميل ليه راح امبارح وبيقول انى الورق مرمى على الارض ومتبهدل وبالفعل رحت النهاده ولقيت سوق وواحد بينده الاسماء من المدرسين ودورنا فى اكثر من 2000 شهادة وملقيتش شهادتى.


شفتوا الازهر وعمايله ارجو اللى من سوهاج وميلاقيش الكشف الطبى بتاعه نرفع شكوى ونبعت فاكس لشيخ الازهر بشكوى الموظف المهمل ده اللى كان حاططهم فى شوال وكل المراكز مع بعض وكل التخصصات مع بعض ناهيك عن الورق المقطوع والصور المخلوعة ........................مش هنسكت ابدا


ميعاد اقرب كشف طبي فى سوهاج 5/4/2011

منطقة سوهاج الازهرية العاملون بها والله ما يفهمون شئ او يظنون انهم من كوكب تانى وهم اجهل ناس بصدق
بيكفى انهم ضيعونا قبل ذلك فى امتحانات الكادر للاساسيين
الهيكل كله عاوز يتغير بجد فى منطقة سوهاج

انا معاك قلبا وقالبا

اناكنت واحد من الناس اللى بتنده على الاسماء امبارح مهزلة بجد والله اغلب الكشوف مش موجوده حسبى الله ونعم الوكيل
والله لقينا وسط هذه الكشوف كشوف بعض الزملاء المثبتين
وهناك فى التعيينات واحد اسمه حمود ه اعوز بالله منه

ياجماعه الخير موقف مثل ذلك الذهاب فورا لمدير المنطقة وتقديم شكوى جماعيه
واعتقد فى مثل هذه الظروف سوف يحاسب فورا

معلش يا اخي
هو في ورق للتامين الصحي غير نموذج 111 الي هنروح نكشف بيه
انا حجزت بالتليفون وهكشف يوم 28 / 3 /
ولا في غير كده نرجو الإفادة العاجلة وجزاكم الله عنا خيرا

فعلا أوافك الرأي
 

فعلا أستاذي الفاضل ، فأنا أوافقك الرأي في تقديم شكوى جماعية وتسجيلها برقم صادر كذلك حتى نتابع الشكوى ونأخذ حقنا في هذا الاهمال.
أنا لي صديق كان في المنطقة بالصدفة وأحضر لي استمارة الكشف الطبي الخاصة بي، وأنا معي بطاقة التأمين الصحي سأصورها وأتقدم بشكوى للشئون القانونية أتهمهم فيه بضياع الورق.

منطقة أسيوط الأزهرية بها نفس الأمر الموظفون رموا كل الأوراق خارج مقرهم وأغلقوا الأبواب .......... وفي الحقيقة تسألت لماذا كل هذا التعسف أمامنا حتى في أبسط الحقوق لا ننالها حسبي الله ونعم الوكيل

لا احنا بنتكلم على اللى كشف قبل كده مش اللى هيكشف اول مرة

شكرا استاذ عبدالكريم على رد حضرتك