|
عنق الزجاجة ...دعوة لطلاب الثاوية العامة
السلام عليكم ورحمة الله وبركاته احبابى فى الله / عندما تشرق الشمس ويأتى يوم جديد , أقول لكم من الأعماق صباح سعيد , وعمر مديد , نلتقى لا تفرق بيننا المسافات ولا الحدود , نأتى بالمعلومة والطرفة وحكم الجدود عنق الزجــاجة .....أكون أو لا أكون كتير بنسمع عبارات غريبة عن الثانوية العامة زى : عنق الزجاجة , مفترق الطرق , تحديد المصير , ..وغيرهم كل الكلمات دى بالتاكيد لما الطالب يسمعها هايترعب وهايحس بخوف وقلق وتوتر شديد والخوف ده طبيعى مش هايخليه يقدر يركز فى اى حاجة هو بيعملها لانه هايكون بيذاكر وهو مضغوط وحاسس انه فى صراع فيه طلبة كتير وهى داخلة الثانوية العامة فاكرة انها لو ما انتحرتش فى المذاكرة مش هاتجيب مجموع لكن من رأيى انه ده غلط ربنا سبحانه وتعالى لا يكلف نفسا إلا وسعها بمعنى : انا دلوقتى مطلوب منى ايه وانا طالبة فى الثانوية العامة مطلوب منى انى أذاكر لكن أى مذاكرة ؟؟ هل معناها انى اقعد ع الكتاب ما اقمش ! هل معناها انى اتوتر وأقلق نفسى وأعيش سنتين متواصلين فى رعب ! وطبعا القلق ده هايؤدى لحاجات تانية كتير ..أهمها (وهى صلب الموضوع اللى عايزة اتكلم فيه) http://www.allteb.com/vb/images/smil...20%2856%29.gif الحقد والغيرة والكذب طلبة كتيير قووى بيعانو من الأمراض دى والغريب انها بتكون فى الثانوية العامة أكتر طبعا انا مش هافسر لحضراتكم ايه الأعراض لان كلنا عاشرناها فدعوة لك طالب فى الثانوية العامة دلوقتى خلاص شهر 11 قرب يخلص http://www.allteb.com/vb/images/smil...20%2823%29.gif والشهور الجاية هى اساس السنة كلها فيالا بينا نعقد العزم سوا 1 / التوكل على الله 2 / الثقة بالنفس 3 / العزيمة 4 / الإرادة 5 / التحدى 6/ وأهم حاجة ( النيــة الصافية ) وأدعو من الله عز وجل أن يوفقنا جميعا أخكتم فى الله / نبراس ..3ث علمى :) |
اقتباس:
|
لا حول ولا قوة الا بالله ربنا معاكم على فكرة التعليم الجامعى اصعب مليون مرة من الثانوى وبكره تشوفه :D ذل انا خلصت :( للاسف |
الموضوع واقعي جدا
الغيره والحقد والكدب اه انا ياما قابلت انا صحيح تالته ثانوي بس ادبي ادعولي بقي واشكرك كثيرا علي الموضوع |
1 / التوكل على الله
2 / الثقة بالنفس 3 / العزيمة 4 / الإرادة 5 / التحدى 6/ وأهم حاجة ( النيــة الصافية ) علي فكره دول اساس كل حاجه يعني انا لو هعمل مشروع تجاري دول بردوا هما اللي هينجحوني وجزاك الله خيرا mohamed amar |
اقتباس:
موضوعك رائع يا نبراس بس لفت نظرى اوى حكاية شهر 11 دى انا مبداتش مذاكرة فى 3 الا بعد شهر 3 والله الثانوية مش صعبة بل بالعكس سهلة جدا جمب الى هتشفوة فى الجامعة وبعدين ان الله لايضيع اجر من احسن عملا شكرا على الموضوع الرائع وربنا يوفق الجميع واولكم انا فى الترم المرهق دة |
السلام عليكم ورحمة الله وبركاته حقيقى سعيدة جدا بردود حضراتكم واشكركم جميعا basmala ألف شكر بسملة وربنا معاكى شدى حيلك فى الرياضة Guide متشكرة جدا لحضرتك وفعلا الجامعة اصعب بكتير ,, لكن اللى بيخلى الثانوية كده هى الكلام اللى بيتقال عنها زى ما قولت فى بداية الموضوع وهو تحديد المصير فاللى بيفرق الثانوية عن الجامعة هو الأعصاب مش اكتر وربنا يوفقنا جميعا The Sad Angel فعلا حسبنا الله ونعم الوكيل وان شاء الله ربنا يوفقنا بالنية الصافية اهم حاجة وادعو الله لك بالتوفيق gamal saber فعلا ان الله لا يضيع اجر من أحسن عملا وادعو الله لك بالتوفيق ولكم جميعا جزيل الشكـــــــــر |
والله هو موضوع المذاكره ده أهم شىء فيه إنك تكون بتذاكر بمذاجك يعنى قاعد على الكتاب تذاكر عشان إنت عاوز تذاكر مش عشان والدك قايلك ذاكر يعنى إجبار تعرفى إن مذاكره 10 دقائق بمذاجك عشان إنتى عاوزه تذكرى أفضل من مذاكرت 10 ساعات إجبارى يعنى التحصيل فى 10 دقائق بيكون أكبر وبعدين ربنا سبحانه وتعالى قال فى كتابه العزيز إن الله لا يضيع أجر من أحسن عملاً يعنى أهم شىء النيه والتوكل على الله وبعد كده مسأله المجموع دى مش هتفرق بدام إنت حاسس إنك عملت اللى عليك |
على فكرة موضوع الثانوية ده بقه سبح كل بيت مصرى يعنى اللى عنده بنت او ولد فى الثانوية يبقه البيت كله عايش فى قلق دايما مش عارف ليه يعنى لو خدنا السنة دى زى اى سنه عادية ايه اللى هيجرا بس فعلا لو الانسان اتكل على الله وعمل اللى عليه اكيد ربنا هيوفقه فى حياته مش بس فى التعليم وشكرا لموضوع حضرتك |
اقتباس:
اولاانا عاوز اعتذر لما بدر من صديقي علي الميل اتجاه حضرتك هو سابلي كل حاجه في وورد وثانيا بالنسبه للموضوع الناس بتبقي فاكره ان دا حياه او موت تخيل كدا انا ابنك لاقدر الله بين الحياه والموت استحاله هيبقي مفيش توتر لازم يبقي فيه توتر يعني لازم وثقافه الناس هنا متاهلهمش لانهم يديروا مثل هيدا الاشياء وارجوا منك ان تقبل اعتزاري وتوضيحي |
فعلا fares elnet هى دى بالظبط ثقافة الناس عن الثانوية العامة
لكن طبعا احنا مش هانقدر نغيرها فربنا يسترها معانا جميعا وبالتوفيق للجميع |
اولا انا اشكر كل طالب وطالبة ثانوية عامه يذاكر لهدف
وااقول له ربنا يوفقك ويحقق هدفك وثانيا لو ربنا رايد بحاجه فقضائه نافذ فيها وانا اشكر صاحب الموضوع على المشاركة الطيبة انا 3 ث علمى رياضة |
الموضوع جميل جدا، والحمد لله أنا خلصت الثانوية العامة وكنت من أوائل الجمهورية على القسم الادبي هذا العام وبجد عشان تتفوق لازم تخلص النية لله وتحافظ على مواقيت الصلاه وتحدد هدفك و خليك فاكر دايما أن اساس أي نجاح هو رضا الله سبحانه وتعالى وأنا طبقت الكلام ده على نفسي والحمدلله ربنا أكرمني بالمركز الرابع على الجمهورية و ربنا يوفق جميع الطلبة ويحقق آمالهم قولوا ....آمين
|
العفو BeSooSaT وربنا يوفقنا جميعا أمة الرحمن والله بجد انا سعيدة بوجودك معانا ع المنتدى وردك الجميل على الموضوع وربنا يوفقك فى حياتك وماتنسيش تدعى لنا وتقبلى تحياتى الخاصة اختك / المشتاقة إلى الجنة 3 ث علمى علوم |
6/ وأهم حاجة ( النيــة الصافية )
صعععععععب جدا تلاقي النية الصافية دي الخبث ف طلبة الثانوية العامة بقى صفة اساسية ومش هاعمم هاقول البنات يعني عشان هما اللي اعرفهم فيه ناس كتير تحب تاخد كل حاجة اي ورق تقع عينهم عليه اي معلومة دة مش وحش ابدا لكن الوحش انهم بيحسوا ان معاهم كنز مش مفروض حد يطلع عليه فبيخبو ومش بيساعدو زمايلهم ، زمايل ايه دة لو صحابهم الانتيم عارفين الشلة الواحدة يعزو عنهم الحاجة يعني م الاخر صحاب ف الهزار ومرواح الدروس ودمتم اختك تالتة ثانوي علمي علوم :( |
| جميع الأوقات بتوقيت GMT +2. الساعة الآن 06:51 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.