بوابة الثانوية العامة المصرية - اتصل بينا او كلمنا او اطلب رقمنا اى حاجه المهم نسمع صوتك

لو عايز تكسب فلوووووس كتييييييييييير كلمنا
لو عايز تعزم اصحابك ومش عارف تروح فين اتصل بينا
لو عايز تعرف حظك احنا فى انتظارك مكالمتك
لو عايز نظام تخسيس هايل ينزلك 100 كيلو فى يومين اطلب رقمنا
لو عايز اى اى اى حاجه كل اللى عليك انك ترفع سماعه التليفون

احب اتناقش معاكم فى موضوع بيستفزنى شخصيا واكيد بيستفز ناس كتييييير غيرى
وهو موضوع الاعلانات اللى بقتت ورانا فى كل قناه
مش قصدى اعلانات المنتجات
لا قصدى اعلانات 0900
يعنى مش معقول يستهزقوا بعقولنا بالدرجه دى
من ضمن الاعلانات دى انهم يكتبوا ايه قرانيه والمطلوب اسم السوره اللى وردت فيها الايه وتخفيفا ع المواطن وتقديرا لضغوط الحياه بيعطوا اختيارات !!!! هل هى سوره ( الاخلاص - الكوثر - الفلق )
للدرجه دى بيسفهوا بعقولنا
ده غير اعلانات تانيه يجيبلك فيها مقطع من فيلم ويقولك ياترى اسم البطل ايـــــه وتقديرا لمعاناه المواطن بيقولوا اسم الفيلم ده بالاضافه للاختيارات كمان
ولو عايز تعرف حظك مش هتلاقى احسن من العلم الفلكى فلان وفلانه , كل اللى مفروض تعمله انك تتصل وتكلمنا

بصراحه الامثله من دى كتييييييييييييير واعلانات اشكال والوان وكانهم مش واخدين بالهم ان الشعب اللى قام بثوره رجت العالم مش فاضى للاعلانات دى