اكذوبة التعيين
 

نحن معلمين بادارة نقادة التعلمية محافظة قنا بعد ان تم تعيينا في وظيفة معلم قام الاداري بتحرير المرتب الجديد
علي اساس اننا اتثبتا وزينا وزي اي معم ثابت
فوجئنا ان الحسابات رجعت استمارة المرتبات تاني وقالت ان يتحرر لهم بدل الاعتماد فقط بدون بدل نقدي اوبدل اقامة
يعني لا نتساوي مع المعلمين الثبتين وشئون العاملين قالولوا لو كان تعيين رسمي كنت خدنوة كل الاحقوق زي الثابتين القدامي
يا معلمي الصعيد لو كان الكلان دة غير صحيح حد يبعتلنا مفردات المرتب

ازاي ده استهبال دولي

يا نهاااااااااااار ابيض .. الكلام دة صحيح؟

بلاش اشاعات كفاية اثارة لمشاعر الناس وتخلونا نخبط والبلد مش ناقصة ارحمونا اللى عنده كلمة حلوة يقولها واللى معندوش يسكت احسن

نفس الكلام فى سوهاج تم تحرير المرتب على القديم وقال الموظف انه سيتم الزيادة من اول 7 وتاخدوها بأثر رجعى

اعتقد التثبيت كدبه كبيرة ولو كان حقيقي يبقي ازاي يطبق في محافظة دون الاخري

الكلام ده ميتسكتش عليه

وياريت الناس تتحقق لا ربما يكون موضوع الاثر الرجعي للتهدئة فقط

العب غيرها التعيين حقيقي يا بيه

اين الدليل ياباشا

يا اخونا التعيين حقيقى لمن استوفى الشروط والتعيين تم بامر ادارى ، ولكن المساواة المادية ستتم مع السنة المالية الجديدة والفرق هيتاخد بأثر رجعى علشان لازم يكون فى اعتماد مالى جديد للوزارة فى الموازنة العامة

اما بخصوص انة تم فى محافظة دون الاخرى فهذا غير صحيح فالتعيين سيتم فى كل المحافظات بلا استثناء ولكن التاخير من محافظة الى اخرى يرجع الى تباطأ بعض المحافظين فى اعتماد الكشوف

والف مبروك للجميع

يا جماعة موضوع شهر 7 دا عادى احنا ممكن نستنى ل 7 زى ما حصل مع المدرسين المثبتين ما اخدوش البدل النقدى الا بعدها بسنة مع السنة المالة الجديدة