|
=====بلطجى يقتحم مدرسة اعدادى وضرب المعلمين احدهم فى حالة خطرة =====
لاول مرة فى ارياف الدقهلية بالأخص بقرية مبارك وتحديدا بمدرسة مبارك الإعدادية تمكن بلطجى يوم الثلاثاء 8-3-2011 من العائدين من ليبيا وقبل انتهاء اليوم الدراسى من اقتحام المدرسة بالقفز من على السور والتعدى على أربعة معلمين بالضرب المبرح احدهم بحالة خطرة والآخرون كدمات فى الراس والعين الحادثة حقيقية واحد المعلمين مصاب وفى حالة خطرة فقد اغمى عليه من الإعياء نتيجة الضرب المبرح بلا هواده او رحمة ولما شاهد الزملاء الموقف قامو بمحاولة الدفاع عنه فتركه البلطجى واتجه اليهم ايضا ولم ينجو الا بتدخل اهالى القرية وقامو بالدفاع عنهم قام المدرسون بنقل المدرس المصاب الى مستشفى دكرنس وقال ابوه ان اصابة ابنه نتيجة وقوعه من على الدراجة البخارية والحركة السريعة الموضوع حقيقى ويحتاج لتدخل المسؤليين |
المعلم المصاب امين مكتبه (ج.ا.ج)
وهو حاليا رقيد الفراش |
أقولك إيه بس دى حاجة تحزن والموضوع مش جديد كل يوم بيحصل للمدرسين أفظع من كده سواء فى القرى أو المدن
خللى الأستاذ المحترم وزير التعليم يشوف بقى كرامة المدرس تساوى إيه فى نظره ولا يمكن برضه يمكن المدرس هو اللى ضرب نفسه اللى عمرنا ما سمعنا طالب واحد اتعاقب عشان معلم ولا فيه جدوى من الأمن فى المدارس المدارس سبيل لأى حد يدخل يخرج زى ماهو عايز وما تقوليش عشان دلوقتى فيه انفلات أمنى الموضوع ده من زمان وكلنا عارفين بس كأننا مش شايفين ولا سامعين ولاحد واخد باله ولا إيه ربنا يحفظنا ويحسن ختامنا آمين |
لا حول ولا قوة الا بالله
إلي متي تظل قوات الشرطة قابعة في البيوت ؟!! هل شاهدت هذه الواقعة بنفسك ؟ |
لا حول ولاقوة الا بالله .. ربنا يشفيه يارب ويقوم بالسلامة وياريت الشرطة تنزل بئا الدنيا باظت اوي ! |
الدقهليه يالهوى يالهوى
دا الجامعات هتفتح السبت طب البلطجه حصلتنا كمان ربنا يسترها ياااااااااااارب |
لا حول ولا قوة الا بالله
|
اقتباس:
الحادثة وقعت الساعه 1 يوم الثلاثاء وانا كان عندى فترتين وخرجت من المدرسة الساعه 12 ويوم الأربعاء بكون منتدب فى مدرسة اخرى اليوم عملنا اضراب وامتنعنا عن دخول الفصول واعلمت وكيل الوزارة بالدقهلية عن طريق زملاء بالمديرية بالواقعه فحضر عمدة القرية ومعه بعض المثقفين حاولو يصالحو المعلمين الأمور معلقة لحين ان يجد اى امور اخرى |
ربنا يستر
المدارس محتاجة لتظافر كل مجهودات المجتمع فى تلك الفترة الحرجة فهيئات التدريس فى كل مكان مسالمة والبلطجية بستغلون غياب الشرعية ويجب ان نقابل اعمال البلطجة على المدارس بعنف وقد لمست هذه البلطجة بنفسى واجهت محاولات للسرقات ليلا وامسكت ببعض اللصوص متلبسا ونسأل الله السلامة لنا ولابنائنا الطلاب ولمجتمعنا الطيب . |
ولسه ربنا يستر
|
بلاش القلق ده يا جماعة وايه يعني الوزير امبارح قال دي حالات فردية يعني مش مشكلة
وكمان طالب اننا نجمد قلبنا عشان الوضع يعدي مينفعش ياجل الدراسة اكتر من كده حسبي الله ونعم الوكيل في ده وزير |
اقتباس:
مدرس بقوله ما صورتوش ليه البلطجى ده وهو داخل يضرب المدرس قالى احنا كنا فى حالة زهول وهو نازل ضرب فى امين المكتبة بكل قوة وسرعة حتى طرحه ارضا وافتكرناه مات لانه ما كانش بيتحرك نهائى والعجيبه انهم عاوزين يصفو الموضوع ودى قلتلهم هو اللى ضرب بوش بالجزمة لو اعتذر له 100 سنة هيرد له كرامته؟ الى حصل مع زميلى النهارده ممكن يحصل معى بكره نداء لوزير التربية والتعليم اعتبروها شكوى رسمية منى شخصيا يلزم تلبية النداء بكل سرعة والرد بقوة على البلطجية |
أنا باعتبر الفرد مثل الكل المسئولية واحدة والاثنين هيتحاسب بذنبهم الحكام وهيكون الحساب عسير بإذن واحد أحد
لو كل مسئول يعلم بثقل ووزر ما حمل ما قبل منصبه وه غير قادر عليه:040vk0: |
لا حول ولا قوة الا بالله
المفروض ياخدو الخريجين ويدربوهم وينزلوا مكااان الجبنااااء شكرررا على الخبرررر |
ولماذا كذب ابوه وقال ان اصابة ابنه نتيجة وقوعه من على الدراجة البخارية والحركة السريعة
|
| جميع الأوقات بتوقيت GMT +2. الساعة الآن 09:02 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.