|
جـــــــــــــــــــدتى ليلة الامتحان....الهدف هو رسم ابتسامة على وجه الاعضاء فقط
دى قصه واحد قعد مع جدته ليله الامتحان: الله أكبر الله أكبر..أذان الظهر.. الجدة : يارب.. يارب بحق ده الآدان تنجح يا نون يابن ابنى وأشوفك دكتور أد الدنيا الحفيد : ياستى بس أنا فى تجارة الجدة : - وماله يابنى هو يكتر على ربنا...... ده ربنا قادر على كل شئ الحفيد : ياستى ونعم بالله بس اللى بيطلع دكتور لازم يكون فى كلية الطب مش التجارة- الجدة : ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا- الحفيد : ياستى التجارة اللى فى الوكالة حاجة واللى فى الكلية حاجة تانية- الجدة : ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق- الحفيد : جدى إيه اللى هايخدنى معاه .....ده جدى مات من زمان ياستى- الجدة : يامصيبتى عبد الواحد مات..ياحبيبى ياأخويا..مكنش يومك ياسبعى- الحفيد : ياستى ده ميت من تلتين سنة- الجدة : تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة الحفيد : ياستى حرااام عليكى عايز أذاكر بقى- الجدة : يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون- الحفيد : ياستى دبلون إيه..أسمه البكالوريوس- الجدة : أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون- الحفيد : خلاص دبلوم دبلوم ياستى ..سيبينى بقى عشان أذاكر - الجدة : -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان الحفيد : ياستى عبير دى معاها أعدادية- الجدة : -وماله يابنى ...الراجل مايعبهوش إلا جيبه الحفيد : راجل ...راجل مين ياستى...عبير دى بنت - الجدة : -عبير ...عبير مين ياوله..أنته بتعرف بنات من ورانا الحفيد : لا إله إلا الله....أبوس رجلك ياستى أرحمينى بقه - الجدة : -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى الحفيد : -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات الجدة : صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان- الحفيد : حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره - الجدة : لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى- الحفيد : خلاص روحى المطبخ ...أهو زمان أمى خلصت الرز- الجدة : رز...رز إيه يابنى....هوأنا ليه سنان للمكرونه...أناهطلع البلكونه أحسن- الحفيد : طب أبقى خلى بالك م الهوى ياستى- الجدة : هوى لما يلطشك يا وله - ***** الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها ياترى أنا كان إسمى إيه؟؟ ياترى كان إسمى إيه؟؟ انا مين انا ليييييييه انا ازااااااى |
هههههههه حلوة المسكين مش عارف يعمل ايه بس جدته عسولة اوي :d مرسي عالموضوع الظريف بس الموضوع مخالف اعتقد ^_^ |
بجد قصة روعة ومضحكة جدا:d دايما موضوعاتك مميزة شكرا ليك |
اقتباس:
من جهة مخاالف فهو مخالف دايماااا سباقة بالخيررر ههههـ بهزررر والله شكرررا لوجودك الرائع:d اقتباس:
ودائما حضورك مميز ورائع شكرررا للمشاركة الجميلة:d |
ههههههههههههههههههههههه والله انا كمان حيرتنى بخفة دمها... هخرج من الموضوع زيه اقول: انا مين انا ليييييييه انا ازااااااى شكرااااااااااااا على القصة الجميلة .. :d:d:d |
اقتباس:
منورررة الموضوع شكررا للمشاركة المميزة:d |
اقتباس:
ههههههههههههههههههه طول عمر مواضيعك دمها خفيف جداً :d:d الواحد بالشكل دا يذاكر بره البيت أحسن حتي لو كان في الشارع :(:( تقبل مروري . |
[QUOTE]
اقتباس:
هههه الاعتراف بالحق فضيلة :p بس لا خلاص براءة أ/ علي دخل و رد :d وشكلكو هتطردوني قريب من المنتدى :d:( |
ههههههههههههههههههههههههههههههههههههههههه
جميلة قوووى فعلا واحسن حتة بتاعة عبير يلا . دايما مواضيعك متميزة بجد بدون مبالغة والله |
اقتباس:
طيب وهيعمل ايه فى الواد الحليوة ابو شعر مسبسب ممكن يجوزها ويخلص منهااااااا:022yb4: شكرررا للمشاركة الرائعة:d |
فى الحقيقة الجدة دمها زى العسل وبتفكرنى بجدتى ربنا يشفيها ويطول عمرها يا رب
رجعتنى لأيام المذاكرة والامتحانات على أد ما الأيام كانت عصيبة بس الواحد نفسه يرجع طالب تانى |
[quote=نقاء الروح;3210172]
اقتباس:
هههههههههه لا يا نقاء ردي في الموضوع ليس له أي علاقه بنقله إلي القسم المناسب ومحمود متفهم لهذا الأمر جيداً والحمد لله . محدش يقدر يطرد نقاء الروح ( حد يطرد الذوق والأخلاق العالية ؟ ) |
[quote=نقاء الروح;3210172] اقتباس:
ليه بس ده حضرتك انشط عضوة فى المنتدى كله دايمااا بشوفك اول وحدة تردى:d مش بحسدك شكررا للمرور مرة تانية اقتباس:
ههههـ فاااكرة:d بهزر وحضرتك دايما وجودك رائع ومميز شكرررا للمشاركة الجميلة:d |
:av4056bb7jp3::av4056bb7jp3::av4056bb7jp3::av4056b b7jp3::av4056bb7jp3::av4056bb7jp3::av4056bb7jp3:
:av4056bb7jp3::av4056bb7jp3::av4056bb7jp3::av4056b b7jp3: :av4056bb7jp3::av4056bb7jp3::av4056bb7jp3: :av4056bb7jp3::av4056bb7jp3: بجد الجدة دمها زى العسل حوار ممتع ومسلى حد يطول جدة كدة ضحكتنى من قلبى شكرا جزيلا |
خلاص بقى المسامح كريم
كنا لسة متعرفناش وادينا اتعرفنا على انشط عضووو بس بردو انت بتنافق هههههههههههههههه بهزر |
| جميع الأوقات بتوقيت GMT +2. الساعة الآن 07:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.