|
موضوع مثير للجدل !!!!!!!!!
بجد انا مش عارفه ابدا منين و لا ازاى بس بجد الموضوع ده
شاغل دماغى جدا و انتشر جدا و اصبح اساس المجتمع عارفه انى طولت عليكوا هخش فى الموضوع على طول الموضوع باختصار بخصوص المستوى التعليمى اوضح اكتر زمان كان الرجل بيتزوج المرأة لاربعة اسباب كلنا نعرفهم او كما يقول الرسول الكريم عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ لكن دلوقتى اصبحت تنحك المرأة لمستواها التعليمى اى ان معظم الشباب و ليس طبعا كلهم يبحثون عن الدكتور و لا المهندسة و لا الصيدلانيه ده بالنسبه للكليات العلمية او ما يعادلها فى الادبيه زى اعلام و اقتصاد و علو سياسية و غيرهم عشان يتجوزها دون التفكير فى اى شئ تانى مع ان الادب فضلوه عن العلم و لكن اصبح المستوى التعليمى هو الارجح و كل واحد اول ما يفكر يتجوز يقول اشوف واحده فى نفس مستوايا التعليمى او اكتر كمان مش عارفه ليـــــــــه ؟؟؟؟؟؟ بجد احترت و يمكن اكون فاهمه غلط و بجد مستنيه ارئكوا فى الموضوع ده بالذات لانى اتعودت انى اشوركوا فى كل حاجه لانكوا زى اخواتى :d |
يا خبر كل ده دخل و مافدنيش بجد زعلانه منكوا اوى .
|
طبعا الدين شىء مهم وده الاساس لكن الكفاءة فى الزواج بشكل علمى او اجتماعى لم ينكره الدين علينا وبعدين معلش يعنى هو التدين مرتبط بس بالمستويات الادنى اللى ممكن متكونش مناسبة لحياتنا لاء طبعا ده موجود فى كل المستويات وبظلال متفاوتة يعنى التوسط مطلوب والالتزام والاكثر التزاما فى كل الاوساط فى الزواج ننظر للشخص ككل تدين طباع وشكل واسرة ومستوى ثقافى وعلمى ومنا من يغلب شيئا على الاخر واخر يفضل ان ياخذ الحد الادنى او الحد المقبول من كل شىء فتواجد كل شىءفى واحد هو امر صعب تماما
وفقك الله وانصحك بان لاتنظرى للامور هكذا فالزواج اولا واخيرا رزق مقدرمن عنده سبحانه ولن يفوت احد رزقه |
اقتباس:
اوكى انا فاهمه حضرتك بس انا شوفت خطوبات كتييييييييييير كلها عشان المستوى التعليمى و بس و لا بصوا و لا للدين و لا للجمال اصلا . |
انا من رايئ الدين اهم حاااااجة وبعدين الجماااااال ويكون مستواااها التعليمى كووويس
لانهااا مش هتكون زوجة وبس لا هتكووون ام لاولاد |
اقتباس:
ده اكيد لكن طبعا المستوى التعليمى مش رقم واحد بمعنى ان الشاب يتجوز مدرسه متدينه افضل من دكتوره ضعيفة الدين و الايمان . |
اقتباس:
|
اعتقد انو المفروض الكل يبص على الدين و الاخلاق والمستوى الديني مهم
|
انا من رايى ان الاخلاق هى اهم حاجة فى الانسان لان ممكن الانسان مستواه التعليمى كويس والاخلاق مش كويسه فلازم يكون فيه توازن ما بين المستوى والاخلاق والمستوى ليس مهما فى كل الاحوال فممكن يكون المستوى التعليمى مادى ليس بالحلو كمثلا ان يكون دكتور او مهندس واخلاقه جدبة لذلك انا ارى ان الاخلاق والدين هما اهم شئ |
اقتباس:
هههههههههههههه لا يا متر مش ده الغرض و لكن ما تدخله من دخل فى البيت هو الى مهم :blush: |
اقتباس:
|
اقتباس:
طبعا بس بجد الزمن اتغير او بمعنى اصح اتدهور . |
اقتباس:
طبعا يا تووته و بجد نورتى . |
اقتباس:
مش معنى انها بتدخل دخل انها بتصرف عليه لكن بتساعده عشان يعيشوا عيشه مرتاح بس والله لو الانسان مكنش هيتجوز البنت الا عشان ذاتها يبقى مينفعش . |
انا شايفة ان الكل مركز على قضية الاخلاق ومعتبرها الشيء الوحيد .. اه الاخلاق اهم حاجة و الدين طبعا لكن فيه مقاييس اخرى تؤخذ بالاعتبار يعني انا اعتقد الموضوع خلط بين حاجتين مش لهم علاقة ببعض لأني ال هعيش معاه ده او ال هيعيش هو معاها مش هيعيش يوم ولا شهر او سنة حتى دا عمر كامل فلازم يكون فيه تكافؤ فالتفكير والمستوى التعليمي وفيه نقطة حابة اوضحها فيه فرق مابين مستوى تعليمي بتدرجاته و التعليم العالي وتدرجاته ال احنا خلقنها ومش عارفة الموضوع بيناقش اي وحدة فيهم .. لأن الاتنين بيختلفوا عن بعض فوجهة نظري ورأيي باختصار فالاتنين الاول مستحيل اقبل بيه واعتقد دا رأي الاغلبية التاني لا فيه كلام .. لأن احنا للاسف عملنا نوع من الطبقية بكليات قمة وكليات قاع ! وهنا بيتوقف على الشخص نفسه بئا ولو اني لا احبذها مش عشاني شايفة نفسي على حد اطلاقا والله .. لكن بتسبب مشاكل كتير انا فغنى عنها وخاصة مع طبيعة تفكيرنا لكن ممكن تحدث فحالة ان الشاب هو ال فكلية اعلى من البنت عشان التفكير الشرقي العتيق بتاعنا !!! وبحب انوه على جزئية مهمة انا مش ضد زواج بنت كلية اعلى وولد كلية اقل زي ماحنا بنصنفها لا ابدا لكن لو الشاب عقليته واعية ومرنة ومش كل الشباب كدا !! وعذرا عالاطالة |
| جميع الأوقات بتوقيت GMT +2. الساعة الآن 05:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.