بوابة الثانوية العامة المصرية - ايه رايكوا مظاهرة سلمية للعوده الانتساب

بسم الله الرحمن الرحيم

ازايكوا يا شباب الثانوية العامة احنا من حقنا برضوا اننا نطالب من حقوقنا

اللى اتلغت من النظام الفاسد التابع للمصالح الاخرى و الايادى الخفية

انا قررت و فكرت و نفسى حد يساعدنى ف اننا نعمل مظاهــرة سلمية

و اكرر سلمية ادام مبنى وزارة التربية و التعليم بشارع القصر العينى

او ف ميدان التحرير عشان الكل يشوفنا .

و الفكره هيا اننا نطالب بعودة الانتساب عشان من حق كل طالب او

اى طالب لم يحصل على الكلية التى كان يرغب بها يحصلها ان شاء الله

ف الانتساب و هو ارخص من التعليم المفتوح .

و اللى عمل كده طبعا الوزير المخلوع السابق أ.ز.ب ربنا يسهله حاله

ويسامحه على اللى عمله فينا . بس طبعا كلنا عارفين انه لغى الانتساب

و سمح بالمفتوح عشان اغلى و يدخل للدولة و الحكومة المخلوعة الفاسده

التى لم ترحم ابنائها دخل لها .

فا اعتقد انه من حقنا اننا نتظاهر سلميا بعودة الانتساب كحق لنا

و فى مصلحتنا و معتقدش حد ممكن يوقف ادام مصلحتنا .

ها مين هيتشجع و نجمع بعض و نتقابل ادام الوزارة او ف الميدان على حسب

ما نتفق بس ياريت نلاقى ناس كتير عشان يعملونا حساب ؟؟؟؟؟