تعالو نساعد بعض = التعديلات الدستوريه فى الميزان =
 

اخوانى واخواتى الاعزاء نحن كمعلمين جزء مهم من هذا الوطن ونحن على اعتاب الاستفتاء على التعديلات الدستوريه
البعض بل الاغلب موافق والبعض الاخر غير موافق
هيا بنا نساعد بعضنا البعض والجميع يذكر من وجهه نظره سلبيات وايجابيات التعديلات حتى نكون فكره واضحه ونقود ابناءنا واهلنا نحو الخير لمصر

نعم للتعديلات الدستورية

اتالتعديلات مفيهاش المادة الخاصة بالغاء حالة الطوارئ

وسايبة الباب الخامس اللي فيه صلاحيات مطلقة للرئيس واللي خلت حسني مبارك يتفرعن

مثلا البعض يعترض على ضرورة نقاء الجنسيه بمعنى لايكون الرئيس متزوج من غير مصريه وبصراحه انا مع نقاء الجنسيه

لا لا ومليون لا لا

لا لترقيع الدستور ومدام كلها كام شهر وكده كده هيتغير يبقي من دلوقتي احسن مش ضامنين الرئيس ده شكله ايه وكمان من حق رئيس الجمهورية فقط اختيار النائب عايزنا نرجع زي زمان ولامؤاخذة ....... لانهم مشترطوش ان الشعب يختاره ولا البرلمان افرضوا الرئيس اختار واحد نص كم ومات والاعمار بيد الله ننزل تاني الميدان وبدل مالامور تهدي نبدا من اول وجديد وعجبي دي بس نقطة واحده المفروض كانوا يكلفوا نفسهم شوية ويتعبوا المربعات معانا شوية ويحط قدام كل مادة مربعين صغيرين واحد نعم وواحد للا لكن موافقة بالكوم دي متنفعش واختلاف الوز لايفسد للبط صينية

لا للتعديلات الدستورية لعدة أسباب
ولكن اهم هذه الاسباب هي ان الدكتور يحيى الجمل قال ان اذا الشعب قال لا يسقط الدستور بالكامل ويتم وضع دستور جديد وهو المطلوب
لان الثورة قامت في الاساس واهم مطالبها هو اسقاط الدستور والا كنا رضينا بالتعديلات اللي قال عليها حسني قبل موقعة الجمل ووفرنا دم الشهداء
قانونيون كثيرون قالوا ان حرام تكون الترقيعات دي هي ثمن ثورة عظيمة بهذا القدر
من أجل ذلك لا والف لا للدستور المشوه الذي يريدون احياؤه
ونعم لدولة بها دستور جديد يضمن لمصر ان تكون حرة ديمقراطية مثل البلاد المتقدمة
لا تنسوا دم الشهداء
ولا لانصاف الحلول
مطلب الشعب واضح
نريد دستور جديد