بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)

- إبداعات ونقاشات هادفة (https://www.thanwya.com/vb/forumdisplay.php?f=59)

- - عربجى مؤهلات عليا (https://www.thanwya.com/vb/showthread.php?t=298862)

عربجى مؤهلات عليا

عربجى مؤهلات عليا

شمحوت جايب لزبون ميت طوبة علي متر رمل
في عز الشتاء والعوصة والبرد
والدنيا عتمة كحل
...وكل شوية العربية تغرز فى الوحل
ينزل عم شمحوت يزق
وعيشة غلب فى غلب
وأنا جي من البلد بأقولة
بعد السلام والتحية
إية اللي رماك علي المر ؟
قلى الأمر
قلتلة العيب في الفقر ؟
قلى الفقر عمرة ما كان عيب
وزي ما فية ناس فقيرة في ناس غنية
وزي ما فية بشوات فية عربجية
المشكلة مش فيا
المشكلة في إبني
اللي حنى ضهري لحد ما خد الكلية
هايلف يلف ومش هايلاقي
غير الحمار والعربية

ضحكت وقلتلة وهو عربجي شوية؟؟؟؟؟؟
قلى هو فية حد مغروز في الطين
علشان جوز جينهات إلا العربجية
هو فية حد كل راس مالة حمار وعربية
قلتلة ياعم شمحوت ربنا يهون عليك وعليا

الشاعر
عبد الحميد بدوى

شكرا على التوبيك

اعتقد مصر فى خطواتها لاحسن وربنا هيعدل حال عم شمحوت ان شاء الله :d

هوا فيه حجات كتير مش فاهماها .. لكن ضحكني بجد

تقبل مروري :)

ربنا يكون فى عون كل العربجية
كلمات جميلة أستاذ بدوى

جميل اوى اوى

اقتباس:

ضحكت وقلتلة وهو عربجي شوية؟؟؟؟؟؟
قلى هو فية حد مغروز في الطين
علشان جوز جينهات إلا العربجية
هو فية حد كل راس مالة حمار وعربية
قلتلة ياعم شمحوت ربنا يهون عليك وعليا

دى عجبتنى اكتر
تقبل مرورى

اشكركم الواقع مر فيه كتير ناس شايفة الغلب