|
دعوه للنقاش ....الممرضات والمريض
السلام عليكم ورحمه الله وبركاته صباحكم /مساءكم فل وياسمين أسعد الله أوقاتكم بكل خير ورزقكم الصحه والسعاده فى الدنيا والأخره اليوم أريد ان أناقش معكم موضوع فى غايه ألاهميه التمريض والممرضات التمريض: هو عمل انساني يقوم به الممرض لخدمة الفرد والمجتمع ككل .. والتمريض واجب انساني قد يقوم به من لايحمل شهادة لأن مبدأه الأساسي هو مساعدة المصاب في التخلص من إصابته والعلاج منها وبداية التمريض كانت بسيطة جداً حيث في السابق يوظف في هذا المجال من يحمل الشهادة الإبتدائية ودوراتها سابقا لم تكن إلا بضعة أشهر فقط وكان التعليم بدائي نوعاً ما حيث يتعلمون طرق وأساليب بدائيه ,, ويطلقون على الممرضات ملائكه الرحمه وعلى الرغم من اهميه الممرضات فى حياتنا الا ان هناك من أساء للمهنه حيث هناك فئه من الممرضات لاتؤدى واجبها على أكمل وجه ولا تمارس مهنتها بأخلاص كنت فى إحدى المستشفيات ورأيت أم تجرى وعلى كتفيها طفل صغير ودرجه حرارته مرتفعه جدااااا طلبت من الممرضه تدخلها للدكتور بسرعه قالتلها استنى لما أكمل كوبايه الشاى :bosyht9: ردت عليها /كوبايه شاى ايه ياحاجه؟! ابنى هيموت قالتلها /بدل مستعجله خديه اى عياده خارجيه فى حين لو اى شخص تانى وحالته كويسه ودفع رشوه او عارفاه يدخلوه ويكون أول واحد يدخل وكل لما تزود فلوس أكتر كل لما الخدمه تكون أحسن رغم ان ده من حق المريض ولو مادفعتش خلى ابنك يموت ويتوجع ولا أى حد يحن عليه فياريت عاوزه اعرف وجهه نظركم فى الموضوع ده مع العلم لاأنكر مدى أهميه هذه المهنه ويوجد فيها من يستحق الاحترام وعاوزه أعرف اى موقف حصل لاى حد من الاعضاء تحياتى لكم جميعا |
بس فى نماذج كويسة .. انا لما كنت فى المستشفى الممرضات كانوا كويسين جداً و كانوا مبيتأخروش فى المحاليل دقيقة .. و كناو بيدونى المحاليل فى الكانولة من غير ما يصحونى حتى ... قمة فى الرحمة بصراحة ... لدرجة انى كنت مش عايز اسيب المستشفى :(
|
اقتباس:
بسم الله ماشاء الله الحمد لله ان حضرتك قمت بالسلامه واكيد فيه فى كل مكان الحلو والوحش بس الموقف ده حصل قدامى فقلت أجى أخد رأيكم فيه احترامى وتقديرى لرأى حضرتك |
الموضوع عام على كل الوظائف مش بس الممرضات .. بس عشان المهنة انسانية بحتة بتبقى وقعها اصعب وفعلا زي ماقلتي فيه نماذج مش كويسة وبتنسى انها مسئولة عن روح وانها انسانة قبل ماتكون وحدة بتشتغل ودكتور عندنا بيحكيلنا مواقف ربنا بيستر فبعضها والتاني .... مثلا بيحكيلنا مرة بيقول : فيه حقنة شهرية لازم يتعملها اختبار حساسية الاول ولازم فكل مرة مش مرة وخلاص .. وللاسف الممرضة عشان تخلص نفسها قالت للام : بنتك بتاخدها من اد ايه ؟ قالتلها بقالها سنتين .. فالممرضة استسهلت وراحت عاطية الحقنة من غير الاختبار هي خلصت من هنا والبنت الصغيرة بعدها بدقيقة كانت روحها طلعت !!! :( وفيه غيرها من القصص المؤسفة ! بس اكيد فيه نماذج كويسة لأن التعميم خطأ وربنا يحفظنا ويهدينا .. شكرا عالموضوع الرائع ياقمر .. |
ابنتى الفاضلة اعلمى أن الخير والشر موجودان منذ بداية الخلق وإلى يوم القيامة فلن تجدى مجتمع من المجتمعات يخلو من الشر وواجبنا هو عدم السكوت عليه بل محاربته :slap1qk6: |
موضوع جميل ورررائع
بس بصررراحة حتى فى العيادات الخاااصة يعنى لما كناا مع مرات خالى وهى بتولد مفيش ممرضة بتعمل حااااجة غير لما تاااخد بقشيش وكمااان بتتامر وتطلب المبلع اللى عوزاه ربنا يهدينا جميعاااااا شكرررا على الموضوع المهم |
اقتباس:
يسلملى مرورك الجميل ده يادكتوره وربنا يخليكى لينا وللمجتمع يارب ويرفع من شأنك فى الدنيا والاخره احترامى وتقديرى |
اقتباس:
عند حضرتك حق فى كل كلمه بس الاهم ان احنا منشفش الغلط ونسكت عليه لازم نوقف الفساد بقا لان ده واجب علينا كلنا نورت الموضوع بمرورك استاذ محسن بتمنى لحضرتك دوام الصحه والعافيه ولجميع الاسره الكريمه احترامى وتقديرى |
اقتباس:
جزيت خيرا على مرورك العطر احترامى وتقديرى لحضرتك |
التمريض والممرضات ..... موضوع غاية في الأهمية يا شيماء .
الحمد لله والشكر له فحتي الأن لم أدخل أي مستشفي حكومي أو خاص كمريض ولكني دخلتهما كزائر , وشتان بينهما في كل شئ وخاصة الممرضات المعروف للجميع بأن المريض يعاني من الألم العضوي والنفسي أيضاً بسبب المرض , ولهذا فهو يكون في أشد الحاجة إلي الرفق في التعامل معه والعناية به وهنا يأتي دور الممرضة الهام جداً . في المستشفيات الحكومية رأيت ممرضات أشكال وأنواع والغالبية منهن لا يصلحن رأيت ممرضات كمال أجسام إذا رأها المريض أعتقد بأن المرض سيزيد :( رأيت ممرضات إذا طلب منهم المريض شيئاً أو استدعاهن , ينهرنه ويصحن في وجهه بصورة غاية في السوء :angry2: رأيت ممرضات زيهن يُجلب المرض ويزيده :o من كثرة سوء العناية بنظافته . ورأيت القليل منهن يؤدين عملهن بصورة مقبولة وتشعر بالفعل بأنها ملاك رحمة . أما في المستشفيات الخاصة ( وخاصة الاستثمارية ) فتقريباً هن جميعاً ملائكة رحمة الزي غاية في النظافة ورائحته عطرة ( عكس الحكومي ) كل ممرضة تعي تماماً المطلوب العمل منها وتؤديه بمنتهي الجدية والنشاط وبدون أن يطلب أحداً منها ذلك أو يذكرها بأمر ما . حتي الشكل للممرضة هناك ( سبحان الله ) حاجة تساعد المريض علي الشفاء السريع , ولكن في نفس الوقت بيصعب عليه يفارق هذا الوجه الحسن البشوش :d:d حتي الجسم تلاقيه متناسق بشكل يساعدها علي أداء عملها وواجبها بحيوية ونشاط وخفة في الحركة ( في الحكومي فيه ممرضات لما يمشوا بس , المبني بيهتز ) طبعاً فارق المرتب بين هذا وذاك لا يقارن , ولكن المرض واحد بالنسبة إلي المريض أتمني أن نري تغييراً ايجابياً في كل المستشفيات الحكومية ومن ضمن هذا التغيير حسن اختيار الممرضات . مشكورة علي هذا الموضوع الرائع . تقبلي مروري . |
اقتباس:
|
اقتباس:
راى حضرتك عاجبنى جدا يا مستر بس ياترى هو احنا بنروح نزور المرضى و لا بنشوف الممرضيييييييين ؟:blush: |
اقتباس:
جزيت خيرا على المرور العطر مستر على احترامى وتقديرى لرأى حضرتك دمت فى أحسن صحه وأفضل حال |
| جميع الأوقات بتوقيت GMT +2. الساعة الآن 07:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.