|
البيت بيتك مع تيمو
السلام عليكم ازيكوا يا شباب ازيكوا يا بنات ندخل فى الموضوع عشان الوقت ضيق اكيد كلنا متابعين برنامج* البيت بيتك* واكيد اول ما بدأ يتزاع عالتليفزيون المصرى كان معاهم المذيع الكبير تامر امين واللى اول ما بدأ كان مثال للاحترام والثقافة وخفة الدم ومن فترة وبالظبط اول حوار لتامر مع المغنية شرين عبد الوهاب لاحظنا انو متغير خااااااااااااالص فى كل حاجة الحوار طريقة الكلام وكل حاجة عديناها وقلنا عادى اهو بيحب شيرين انما بعد كدا يمسك هوا فقرة الحوار مع الفنانين ساعات هوا ومنى(ست البيت) وبعد كدا جاى النهاردا عامل حوا مع الفنان الكبير اللى ماشفتوش قبل كدا (عمرو مصطفى) ومعاه البنت المجرية اللى عملت معاه الكليب المهم مش موضوعنا موضوعنا باه ان الاستاذ المبجل تامر امين لخبط كل حاجة على بعضها بيقول للباش مهندس عمرو ( سمعنا يا مولانا ) اى اللى خلى مستوى الحوار يوصل لكدا مع العلم ان البيت بيتك دا فى الاول كان حاجة لخدمة الشعب دلوقتى باه كلو واحد مافش فرق بين البيت بيتك وستار ميكر ياريت نتحاور وتشاركونى الحوار |
طيب مافي ايام اللي بيكون فيها محمود سعد بيناقش الموضوع دا اللي بتكلمي فيه
وبعدين كمان ي فقره واحده يعني للترفيه الناس بتزهق من المشاكل انا شايف ان دا صح ومتزعليش من تامر دا جميل ودمه خفيف وفوق كل دا زملكاوي كمان وانا زعلت اوي ان مني مشيت كانت زملكاويه بردوا اهيء اهيء لا لا بعيد عن انهم زملكاويين بس هما عندهم ثقافه عاليه واعلاميين وليهم مكانه بردوا وبعدين انا عن نفسي مشفتش حاجه وحشه خالص وانا مش متابع غير البرنامج دا ولا شبابيك ولا 10 مساء ولا اي برنامج بس لو كان عندي قناه اليوم كنت تبعت عمرو اديب يلا بقي انا اسف اني طولت عليكي وبعدين متزعليش مني انا حاسس اني اتكلمت وحش اوي اهيء اهيء |
اقتباس:
لابجد نورتنا وشكرا لمرورك لا مش وحش ولا حاجة |
ههههههههههه ماشي بس علي فكره انا حاسس انك مقتنعتيش
ليه انتي مش مقتنعه يعني علشان يقدموا فقره ترفيهيه يقوم يجبوني انا اقدمها يعني ولا ايه لا عادي ممكن تامر يقدمها وهو مش اكفء واحد ولا حاجه في ناس كتير اوي احسن منه واه انا قصدي علي فقره محمود بتاعه المشاكل وانا مشفتش فقره عمرو مصطفي دي ومتزعليش نفسك بكره الحال يتعدل دا كفايه محمود سعد دا سيد الحوار العربي يعني سوبر ستار مذيع دا بياخد بالدولار زيي كدا ههههههها |
انا صحيح بردوا مش عندي دش عندي التلفزيون المصري اللي بيجيب السل دا
شلل والله وعليه ناس يموتوظي علي روحك من الضحك |
والله كل حاجة بتتغير من حولينا اشمعنا ده يعنى اللى هيفضل ثابت عى موقفه كل حاجة فى البلد اتغيرت شكرا لموضوعك |
هههههههههههههه اكل العيش بقه هتقولي ايه
يعني يضرب علي قفاه و ميشتغلش لاء ياكل عيش احسن انا مسمعتش الكلام اللي بتقوليه ده عشان مش بتفرج علي تليفجن بس انا من اشد المعجبين بتامر هبدأ اتابعه من جديد و ابقي اقولك رأيي في القريب العاجل |
دنيا ملهاش أمان أهو أنا لهتخرج فى يوم من الكليه ولا فيه حاجه هتفضل على حالها كان من يوم دينى النهارده بقى أغانى كان جامع وبقى ........ الحياه بتتغير كل يوم للأسوء وهتفضل على كده كتير طول ما إحنا ساكتين وبنقول وإحنا مالنا كلنا بنشارك فى الفساد يا جماعه الساكت عن الحق شيطان أخرص إصحو فوقو |
اقتباس:
راجل بليغ في في كلامه ماشاء الله انا معرفش تامر دا اصلا والبيت بيتك كل فين وفين لما بشوف حته منه والطبيعي انهم في الاول حبوا يفرحوا الشعب ببرانامج يناقش قضاياهم بس كفايه علي الشعب كدا هو هينهب ربا يستر بقي شكرا محبة الله علي الموضوع |
( سمعنا يا مولانا )
صحيح يا أصاله ممكن يكون بيتريق عليه او بيهزر او من غير ما يقصد جل من لا يسهو :D |
انا شايفة انة ممكن يكون قالها بنوع من السخرية شوية
وحتى لو قالها من غير سخرية ممكن يكون نسى مش خد باله اصل تامر بصراحة مذيع محترم وممتاز جدا وممكن مكنش يقصد اما بالنسبة لتقديمة للفقرات مع الفنانين والمطربين دة نوع من الترفيفة زى ما قال ساد انجل (رغم انة ممكن يكون ترفيفة مرفوض) بس دة اللى يقدروا علية وحكاية ان البرنامج مستواه نزل فدة ممكن يكون تدخل من سلطات عليا لان البرنامج كان بيثير وبيطرح قضايا ومشاكل كبيرة واحنا عارفين ان القناة الاولى تبع الحكومة انما لو قناة فضائية مكنش هيحصل دة كله ففى كل الاحوال الامور بتزداد سوء وزى ما قال السادات احنا بنشارك فى الفساد دة والساكت عن الحق شيطان اخرس وشكرا اصالة لموضوعك |
شكرا لمروركوا كلكوا يا جماعة
بس احب اقول حاجة مااعتقدش ان تامر هوا اللى يغلط ويهرج بحاجة زى دى او يتريق على حد دا بالزات واحد عارف الكلمة رايحة فين وجاية منين والا ماكنش وصل لمكانتو دى والنهاردا كان فى تقدم كبير جدا جدا جدا فى البيت بيتك شارك الاستاذ تامر امين فى الحوار سيدة من اهم سيدات المجتمع الضايع الان واكثرهن احتراما وبلاش نجيب فى سيرة الناس الست كارول سماحة كانت بتشاركو فى التقديم يعنى ماهياش فقرة ترفيهية زى ما حاولنا نبرر لا دى بتقدم وبعد كدا عمل معاها لقاء دلوقت يلا كلنا نقول وعلى المبادىء السلام |
مش شرط يا أصاله تحكمي علي الراجل من شوية ظروف ممكن تكون مفروضه عليه
يعني عشان كارول سماحه قدمت معايا في برنامج اقول لا ء ياعم مش شغال اظن حكايه ميبقبلهاش العقل تامر محترم جدا علي فكرة و انا زي ما قولتلك هبدأ اتابعه تاني و اشوف بقه ايه |
معلش انا فى حاجة مفروضة عليا مااعملهاش
واللى شغلنى فى البيت بيتك هيشغلنى فى احسن منو وانا عارفة ان تامر محترم جدا وانا من اكتر الشخصيات اللى معجبة بيه عشان كدا شىء محزن انو يتخلى عن المبادىء دى بلاش تتابعو عشان الضغط والسكر انتشروا وسط الشباب بجد |
والله انتي جبتي لنفسك وجع القلب بجد
|
| جميع الأوقات بتوقيت GMT +2. الساعة الآن 12:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.