مـــــــــــــــــــش بطولـــــــــــة ..!!!
 

التصويت ب " لا" مش بطوله..
و التصويت ب " نعم" مش خيانه..
التصويت ب" نعم" هوة الحكمه ..
والتصويت ب"لا" هتبقى الفوضي...
افعل ما تراه مناسبا لوطنك و ضميرك.انت لسه ما نزلتش شاركت انزل لأقرب لجنه لك وبالرقم القومى وقول رأيك

والتصويت ب"لا" هتبقى الفوضي...
ده راي حضرتك الشخصي فقط ولا يجب الاعلان عنه لان كل فرد حر في اختياره

التصويت ب نعم هايخلق دكتاتورا
لانة بيدى صالحيات اكتر لرئيس الجمهورية اكتر من الاول
ياناس فوقوا بقى دستور 71 ماينفعش دلوقتى احنا مش عايزين ترقيع للدستور وحقوق الناس الغلابة يضيع ومايعرفوس ياخدوا حقوقهم
احنا عايزين دستور جديد يراعى حق الغلبان قبل الغنى يبقى عملنا الثورة لية ياناس ما تضيعوش دم شهداء الثورة على الفاضى والله حراااااااااااام

ليه لا يجب الاعلان عنه؟!!.. أفهم..
اعتقد ان كل واحد من حقة يقول رأيه بكل صراحة.. زمن الحجر على الاراء خلاص انتهي..وبعدين انا بقول وجهة نظري ..من حق حضرتك تتفقي او تختلفي .دي وجهة نظرك .. وكل واحد اكيد حر في اختيارة

[quote=ramy12;3237663]التصويت ب نعم هايخلق دكتاتورا
لانة بيدى صالحيات اكتر لرئيس الجمهورية اكتر من الاول
ياناس فوقوا بقى دستور 71 ماينفعش دلوقتى احنا مش عايزين ترقيع للدستور وحقوق الناس الغلابة يضيع ومايعرفوس ياخدوا حقوقهم
احنا عايزين دستور جديد يراعى حق الغلبان قبل الغنى يبقى عملنا الثورة لية ياناس ما تضيعوش دم شهداء الثورة على الفاضى والله حراااااااااااام[/quote]

مع احترامي ل رامي.. الكلام مش منطقي بالمرة .. عارف ليه؟
لاني هسألك سؤال: حضرتك عن نفسك لو فيه حاجة مش عجباك في البلد هتسكت عليها؟.. متهيألى لأ؟
وكل الشباب زي كدة.. يعني فكرة ان هيجي ديكتاتور جديد .. مش موافقك عليها ودة رأيي..لان ميدان التحرير قاعد مامشيش ...ولو مش عجبنا الرئيس الجديد تاني يوم هنخلعة..بس عايزين حبة استقرار بقى
معلش بقى فيه حاجة تانية .. الي بيقول عايزين دستور جديد .. الكل عارف همه عايزين ايه بالظبط.. والمادة التانية اللي ممكن تولع الدنيا للي بيطالب بدستور جديد ..ومش عايز أوضح اكنر من كدة

ان شاء الله هنزل بعد شوية

واقول نعم

ده رايك؟
عارف اللى مش بطولة ايه ؟
ان الناس بتفرض ارائها على بعض
وانا قاعدة فى البيت عربيات ماشية فى الشارع واحدة تقول قولوا نعم وواحدة تقول لا ؟
هى دى بقا البطولة ؟
ما الثورة قامت عشان كده .. عشان رايك يبقى نابع من جواك ولا اللى شايف ان رايه صح يقنع الناس بيه ما يسيبونا احنا اللى نستنتج الصح والغلط ولا الوصاية بعد ما كانت من واحد دلوقتى كلنا بقينا اوصياء على بعض

لك حرية في رأيك
انا رأيي
نعم للاستقرار
نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم نعم

يا اللي بتقول رايك ومحدش يأثر عليه انت بزمتك مش رايح علشان ده تعليمات الكنيسة .
ياجماعة المادة الثانية ليس فيها اي ظلم لحد بل بالعكس النصاري حين تتأزم الامور بيلجأوا للشريعة الاسلامية علشان يحلوا امورهم بينهم وبين بعض وانا اعرف ناس كتييركدة
انا لسة جايوقلت نعم نعم للتعديلات نعم للمادة الثانية

التصويت بنعم بيدى صلاحيات لرئيس الجمهورية اكتر من الاول يتحكم ويزل فى الشعب براحتة
ثم انت بتقول ان ميدان التحرير قاعد يبقى فين الاستقرار الى انت بتقول علية لما كل يوم والتانى ننزل ميدان التحرير يبقى كدة اقتصاد مصر هايبقة صفر بلاش تبص تحت رجليك
شوف الثورة قامت بعد كام سنة 30 سنة من الذل والمهانة لكل الشعب المصرى دة حتى انت ياخ على ما اتثبتش غير لما الثورة قامت مطالبتش بحقك لية قبل كدة مدام بتقول انك مستعد تنزل ميدان التحرير ما نزلتش لية قبل ال30 سنة دول فوقوا بقى وبلاش شعارات لما فى ايدينا الفرصة اننا نغير الدستور لية لا وبكدة نستقر البلد ويبدا اقتصادها
ثم مفيش غير اثنين موافقين على التعديلات دة غير 1-الاخوان طبعا لتحقيق مكاسبهم لما واحد خريج سجون يمسك البلد تبقى خربت والناس الى بتحاول تكسب تعاطفكم ويقولكم ان المادة التانية هاتتشال دول بيلعبوا بعقولكم علشان يخليكوا تقولوا نعم وبكدة يبقى بيعملولكوا غسيل مخ وانتوا مش فاهمين
لو فى خطر على المادة التانية مكنش كل المثقفين قالوا لا لتعديل الدستور ياجماعة بلاش تنساقوا وتخلوا قلة يلعبوا بعقولكم
2-والوطنى الى سرق ونهب البلدانتوا عرفتوا عمل اية فى البلد ومش عايز اوضح اكتر من كدة

الشيخ محمد حسان يقول نعم للتعديلات
إذن ....انا اقول نعم للتعديلات
النصاري جميعا من مصلحتهم ان يقولو لا ...لأنهم يريدوا الغاء المادة الثانية نهائيا...ده في الحلم يا حبايبي وعلي رقبتي
مصر إلي الأبد دولة إسلامية والدين الإسلامي الشريف هو المصدر الرئيسي للتشريع.....ياريت نفهم اللي عاوزينه النصاري جيدا

وانت قلت كدة علشان الاخوان والسلفين قالولك قول كدة صح
ثم مفيش غير اثنين موافقين على التعديلات دة غير 1-الاخوان طبعا لتحقيق مكاسبهم لما واحد خريج سجون يمسك البلد تبقى خربت والناس الى بتحاول تكسب تعاطفكم ويقولكم ان المادة التانية هاتتشال دول بيلعبوا بعقولكم علشان يخليكوا تقولوا نعم وبكدة يبقى بيعملولكوا غسيل مخ وانتوا مش فاهمين
لو فى خطر على المادة التانية مكنش كل المثقفين قالوا لا لتعديل الدستور ياجماعة بلاش تنساقوا وتخلوا قلة يلعبوا بعقولكم
2-والوطنى الى سرق ونهب البلدانتوا عرفتوا عمل اية فى البلد ومش عايز اوضح اكتر من كدة