|
بخصوص ملف التعيين ارجو الافاده ضرورى ؟
السلام عليكم ورحمه الله وبركاته لو سمحتوا ياجماعه ملف التعيين اللى مطلوب منا انا اشتريته بس قالولى فى الاداره لازم يتمضى من رئيس العمل اللى هو مدير المدرسه ياريت اللى خلص الملف وسلمه يقولى ايه الورق بالظبط اللى مضى عليه مدير المدرسه لان مش كل الورق مطلوب مننا امضاء مدير المدرسه ارجو الافاده ضرورى |
ياجماعه مفيش حد عايز يساعدنى ليه ارجو الرد من الناس اللى اتعينوا
|
بص ياعم فيه افادة هتمضيها من المدرسة وكمان استمارة 103 هتمضيها وتكتب فيها المدة من تاريخ المعلم المساعد حتى 21/2/2001 لو كنت القرار 53 وهتكتبها لغاية 1/3/2011 لو كنت القرار 74 وتمضى اتنين من الموظفين وتكتب ماهية اخر شهر بس كده والباقى حجات تملاها انت يعنى بياناتك
|
معلش لوحة المفاتيح ضيعت حروف منى زى كلمة حاجات وزى 2011
|
اقتباس:
جزاك الله خير طيب بالنسبه لاقرار الذمه الماليه ظروفه ايه بيتمضى من المدرسه برده ولا ايه ؟ |
والله قرار الذمة المالية انا مليته بنفسى وبعدين عندنا ماكنوش بيبصوا فى حاجة خدوا الملف وسلموا لنا الجوابات انت من محافظة ايه
|
محتويات الملف اللى جبته كلاتى 1- اقرار الحاله الاجتماعيه 2-بطاقه بيان اجمالى الاجور المتغيره للتامينات والمعاشات 3- اقرار (كنظام )نموذج تعيين من تصرف اليه منحه ثلاثه شهور المقرره بقانون رقم 1 لسنه 62 4- تقرير طبى 5- استماره رقم 134 مكرر 6- اقرار بعدم سبق الفصل بقرار جمهورى او حكم تاديبى 7 - نموذج استماره 167 8- استماره 27 9- استماره 103 10- شهاده حسن سير وسلوك 11- استماره 6 تامين 12- اقرار بيانات البطاقه الشخصيه والعائليه 13- اقرا بعدم سبق العمل 14- اقرار بعدم تقاضى اى معاش 15- استماره استطلاع راى ياجماعه حد يفهمنى وينصحنى ارجوك هو ده الملف الصح ولا ايه ؟ ولو كان هو الصح بيتملى ازاى ؟ |
اقتباس:
انا محافظه الشرقيه ؟ ارجوكم فيدونى ضرورى |
ياجماعه الخير انتوا فين افيدونى
|
اخي الكريم أ ادم:
اي ورقة مكتوب فيها من تحت الرئيس المباشر يبقى هتمضيها وتختمها من المدير وفيه ورقة مهمة جداااا هتضيف المدد اللي اشتغلتها قبل كدة والمدير يمضيها ويختمها لك ... وبالتوفيق بإذن الله |
اقتباس:
طيب والورقه ده اسمها ايه ارجوك فهمنى يااستاذ على وموجوده فين ؟ |
بص طيب ان هنزل المسجد عشان العشاء ... ولما اجي بإذن الله هقولك اسمها ايه الورق عشان تعرفها ..ز ماشي؟
|
اقتباس:
انا فى انتظارك |
اقتباس:
|
السلام عليكم
محتويات ملف التعيين ( طلب استخدام _ استمارة 6 تامين ومعاشات _ استمارة 105 تامين ومعاشات_ اقرار حالة اجتماعية _ كشف بيانات البطاقة الشخصية _ اقرار منحة ال 3 شهور _ ورقة بها مجموعة اقرارات بمحل الاقامة و عدم سابقة الفصل من الخدمة واقرار بالقانون 193 و انك لا تعمل اى عمل اخر ) المطلوب ان مدير مدرستك يمضى ويختم عليه هو اقرار الحالة الاجتماعية واستمارة 6 واستمارة 105 و اقرار منحة ال 3 شهور واستمارة 103 كمان استمارة 103 لضم مدة الخدمة السابقة المفروض يمضى عليها 2 موظفين انا عن نفسى كنت عامل الورق بختم الشعار من الادارة لكن مدير ش ع الادارة رفضه وقالى ارجع لمدرستك خلى المدير يمضى و يختم بختم المدرسة ع الورق هاته تانى و كمان قالى ان استمارة 6 هما مش ف حاجة ليها ف الملف بس لو عاوز تسيبها ف ورقك يبقى ع راحتك اما بالنسبة لاقرار الذمة المالية فحضرتك بتحط عليه طابع فئة 45 قرش و ف كل خانة كتبت فيها لا يوجد تمضى باسمك تحتها كتوثيق لانك فعلا لا تمتلك الشئ ده اتمنى اكون افدتك |
| جميع الأوقات بتوقيت GMT +2. الساعة الآن 03:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.