|
يـاريتـه ماصـلي ع النبــى !!!
السلام عليكم ورحمة الله وبركاته طبعا العنوان مستفز جدا انا عارفة وانا فعلا اقصده ابداْ كلامى بخير الكلام والصلاة على خير الانام (إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً) الاحزاب65 (اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ) أوصانا الحبيب عليه افضل الصلاة والسلام ان نكثر من الصلاة عليه ومن صلى عليه صلاة صلى الله بها عليه عشرة جميل ان جدتى لما تحكيلنا حدوتة تقول صلوا على النبى الاول او مثلا وانت ناسى حاجة تصلي على النبى عشان تفتكرها لكن فيه بعض المواقف باشوف الناس بتصلى على النبى واقول ياريته ما صلى عليه :stickjo4: مثلا -واحد بيعاكس واحدة يقوم ماسح مسح جغرافى لكل جسمهاا بعينيه ويقول اللهم صل على جمال النبى ده ينفع؟:( -واحد عاوز يوصل لك رسالة انك لازم تسيب حقك وتاخد على دماغك وتسكت يقوم يقولك ياعم صل على النبى -واحد بيفتح معاك نميمة وانت بتقوله دع الخلق للخالق يقولك صل على النبى ده كيت وكيت وكذا وكذا:bosyht9: -والافظع بقى زفة فى فرح والكل ناسى يلبس هدومه والراقصة بتتمايل وتتدلع والكل يصفق صل على النبى صل على النبى او صلى صلى واللى ما يصلى مش عارفة ابوه ايه وامه ايه ده ينفع:bosyht9: -طيب دول ناس بيئة مثلا وياى منهم. الناس بقى اللى مش بيئة فى اول الفرح (والكل برضو بينسى يلبس هدومه صيف وشتاء) تلاقى هشام عباس يغنى اسماء الله الحسنى والناس آخر خشوع وأول ما يقول اللهم صل على اسعد مخلوقاتك هوببا تلاقى الكل بيتمايل ويصفق والبعض يرقص فيه ايه ياناس واللا اللى بيرقصو على اغانى سامى يوسف واللى برضو بيصلى فيها على النبى ياجماعة لازم ذكر النبى صل الله عليه وسلم له احترامه وآدابه ماينفعش نقرنه بافعال غير مناسبة له. كله الا ذكر النبى((علية الصلاة والسلام)) .. . الصمت الحزين FARH |
عليه أفضل الصلاة وأذكي السلام والله عندك حق فعلا .... الصلاة علي النبي لها أدبها وخشوعها بس الناس بتعمل كدا كعادة ... وفيه ناس مش بتبقي منتبيها لها أصلا ربنا يهدي .... شكراا فروحة:d |
اللهم صل و سلم و بارك على سيدنا محمد
بجد فى حاجات تغيظ جدا و تنرفز أوي .. زي اللى بيعاكس ده .. مش عارف أقول ايه و الله ... ر بنا يهدي الجميع .. تقبلي مروري السريع ^^ |
صلى الله عليه وسلم موضوع جميل بشكرررررك علشان خليتى اللى يقررراه ياااخد حسناات كتيررر وربنااا يهدى الجميع شكرررا على الموضوع القيم:d |
اللهم صل وسلم على سيدنا محمد تعرفى والله الموضوع ده وجعلى قلبلى اوووى للدرجة دى الاستهتار بسيرة النبى عليه الصلاة والسلام يارب اهدينا جميعا بجد تسلمى فرح على الموضوع الجميل |
اقتباس:
بسم الله ما شاء الله . اللهم صل وسلم وبارك علي سيدنا محمد وعلي آله وصحبه وسلم. طيب أعمل فيكي ايه يا فرح ؟ :bosyht9: بجد أنا بفكر أطلب من الادارة تعمل قسم لموضوعاتك انتي :078111rg3: والله الابداع اللي عندك في طريقة عرض الموضوعات مش عارف اوصفه الوصف المناسب :( ربنا يبارك فيكي ويحميكي من العين , واقرأي المعوذتين كل يوم :d |
بإختصار شديد
الصلاة على النبى لا تعنى هذه السطحية المنتشرة والسائدة الله امرنا بالصلاة على النبى ... فكيف نرد نحن ونقول اللهم صل على النبى ... رغم ان الامر موجه لنا نحن ؟؟!! الصلاة ترد فى القرأن بمعانى كثيرة جدا ومنها معنى الدعاء ... وهذا ما يسخدمه المسلمين الان .. وفقط وأظن اننا نحن الذين فى حاجة للدعاء لا النبى مفهوم الصلاة على النبى كما أفهمه هو : الإتصال بالنبى والقيام بدعوته ونصرته وإحترامه فالصلاة تعنى الإلتزام بأمر الله وشرعه |
كمان حاجة مستفزة جدا
لما احب اخلى حد يصلى معايا لما يؤذن المؤذن مثلا واحنا فى الشارع واقوله تيجى نصلى يقولى نصلى مين صل على النبى !!!!! |
اللهم صل و سلم و بارك على سيدنا محمد شكرااااااااااااا على الموضوع الرااااااائع ... اتمنى يستفيد منه الجميع..جزاك الله خيرااا |
اللهم صل وسلم وبارك على خير خلقك
بجد عندك حق فى كلامك جزاكى الله خيرا تسلم اديكى يا فرح |
اقتباس:
عادة.. عادة ؟!!!! عادة عايزة تغيير :bosyht9: والناس مش منتبه للى بتقوله;) دى فى حد ذاتها مشكلة ان الواحد يقول كلام ومش عارف معناه يعنى بيردد زى البغبغان:d ربنا يهدى شكرا يا تسابيح على مرورك ونوتى يا قمراية :) |
اقتباس:
بجد هى حاجة تنرفز وتغيظ:angry2: والمفروض ان الناس تعمل احترام للكلمة دى اكتر من كده وتقدر يعنى ايه ذكر اشرف الخلق فى المواقف اللى زى دى ربنا يهدى شكرا على مرورك :) |
اقتباس:
شكرا على تقييم الموضوع وعلى المرور :) |
اللهم صل علي محمد و سلم تسليما كثيرا ..... وهذه فعلا ملاحظة ذكية و فى محلها ..... و الله الهادى ....و شكرا على الموضوع
|
اقتباس:
فعلا الناس مستهترة جدا بسيرة افضل الخلق ومكانته اكبر من ان الناس تصلى عليه فى المواقف اللى زى دى ربنا يهدى اشكرك على مرورك :) |
| جميع الأوقات بتوقيت GMT +2. الساعة الآن 10:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.