|
السلام عليكم
السلام عليكم ورحمه الله وبركاته بما ان القسم ده مخصص للبنانيت بس شجعني انى اطلب منكم ايه هي بدايه خطوات الالتزام ؟ يعني اللى عايز يقرب من ربنا بعد ما كان بعيد عنه سنين وزعله كتير منه ازاى الانسان اللى مبيصليش يصلى ويدوم عليها ومش يبطلها ؟ ايه هي شروط لبس الاسدال ؟ لو فى راجل مد ايده يسلم على بنت وهو اصلا حرام تعمل ايه ؟ ماهى شروط التوبه ؟ ارجوك الافاده اللهم صل وسلم على سيد الخلق وحبيبنا المصطفى وعلى ال وصحبه اجمعين |
وعليكم السلام ورحمة الله وبركاته
اهلا باسراء حبيبتى موضوعك فرحني اوى دليل على انك بتدورى على الصح والهداية ربنا يثبتني ويهدينى واياكي يارب هرجع مرة تانية باذن الله للرد عليه امتحان انجليزي ادعيلى لى عودة ان شاء الله للرد |
وعليكم السلام ورحمه الله وبركاته
اهلا بيكي اسراء منوره المنتدي يارب يدوم وجودك معانا موضوع راااااااااااااااائع جدا وانا والله عاوزه اللي ينصحني انا نفسي ابعد عن كل الحاجات اللي بتغضب ربنا بس والله غصب عني وكفايه اصحاب السوء انا نفسي البس النقاب بس خايفه اقلعه بعد كده انا باخد بنصايح والله ونفسي ربني يهديني ياااااااااارب تقبلي مروري |
ههههههههه ربنا يجازيكي كل خير غيوره
وربنا يوفقك فى الامتحان وابقى قوليلى جبتى كام متتكسفيش هههههههههههه مستنياكي تردي على الاسئله |
انا لسه موصلتش لمرحله انى افكر فى النقاب
بس هو فى بالى وناويه عليه ان شاء الله بس انا حابه حاليا انى البس الاسدال الاول ومتقوليليش بقه على اصحاب السؤ اللى انا واقعه فيهم طول عمرى صدقيني دي اصعب حاجه انك تتخلصى منها بس مش مستحيل ربنا يهدينا ويبعدنا عنا كل سؤ |
اقتباس:
وباذن الله ادخلى ارد على الاسئلة مرة تانية عشان تعبت من كتر الرد والله |
اقتباس:
انا كدة كدة داخلة تانى عشان ارد على الاسئلة بالتفصيل ان شاء الله بس ايه رأيكم نعمل موضوع نسمية المستشفى الايمانية ونعالج فيه كل القضايا دى وكل واحدة عندنات مشكلة تدخل تتكلم فيه ويكون موضوع شامل يلمنا كلنا ونعين فيه بعض وتبعدى عن اصحابك دول ونكون صحبة صالحة هنا ها ايه رايكم يا بنات؟؟؟ منتظرة ردودكم |
انا موافقكى فى الفكره دى
بس يعني انتى عماله تردى على المواضيع التانيه وتيجي عندى انا وتتعبى اعمل فيكي ايه بس شكلك هتخليني اتهور واطلع الموس ههههههههههههههههههه عموما انا عندى ليكي مفاجأه تانيه بس هعلنها بعد ما اشترى الاسدال |
وعليكم السلام ورحمة الله وبركاته أولا أهنئكى أختي إسراء على خطوة الاسدال ربنا يتقبل منا ومنك صالح الأعمال وأحسبكي على خيرا لأنك بتسألي هذه الأسئلة أولا الصحبة مهمة جدا جدا لأن مرافقة الصالحات تعين على طريق الهداية وتساعد على الثبات وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا [الكهف:28] وبالنسبة للصلاة بإذن الله تكوني من المحافظين عليها فبمجرد سمعاك للآذان اذهبي فتوضأي وتذكري الجنة ونعيمها وإن كل شئ فى الدنيا مهما عظم لا يساوي لحظة في الجنة ففيها ما لا عين رات ولا أذن سمعت ولا خطر على قلب بشر,حاولي الالتزام بالصلاة في مواعيدها لمدة عشرة أيام فقط من المصابرة وبعدها بإذن الله هتلاقي نفسك تلقائيا مواظبة وطبعا مع الدعاء المستمر بالثبات والاستعانة بالله لي عودة مرة أخري بإذن الله للرد على تساؤلاتك |
اقتباس:
ربنا يثبتك وييسر أمورك وأهم شئ الصحبة الصالحة يا ليالي استعيني بالله وانتي هتلاقيهم في كل مكان |
ياجماعه محدش لحد دلوقتي رد على اسئلتى بردو
وعايزين نشجع بعض على الصلاه بمعنى اننا ناخد موبيلات بعض ونرن على بعض فى كل صلاه واللى تصلى ترن للتانيه عشان نتاكد اننا كلنا صلينا ياريت بجد نعملها ويجازينا الله عليها خير |
ياجماااااااااااااااعه حد يعبرنى
|
|
ميرسى يا فراشه
|
| جميع الأوقات بتوقيت GMT +2. الساعة الآن 11:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.