|
إحنا شعب هلاس
بسم الله الرحمن الرحيم السلام عليكم ورحمه الله وبركاته الموضوع بمنتهى البساطه هو إننا شعب ( هلاس )إحنا شعبالإشاعات أحلا شعب يكذب الكذبه ويصدقها ويعيش فيها كمان أحلا شعب ينقل الكلمه 2 وال 2 ماشء الله 4 كل حاجه بتزيد فى إيد الإنسان المصرى :) يسمع الحكايه ولما يجيى يحكيها يحكيها مع الزيادات اللطيفه اللى هو بيجبها من عنده :(لو شاف بنت وهى ماشيه ابتسمت لزملتها اللى ماشيه وراه رغم إنه عارف إنه مش له وعمار يا مصرقالو الريس مات بقدره قادر طلع من 75 مليون مصرى وشويه الفكه على فكره ده كلام على الهاميش ميجيش 1% من الحقيقه اللى كلنا عرفنها بس السؤال دلوقتى يا ترى أنا بتكلم صح ؟؟!! ياترى ليه إحنا كده ؟؟!! أنا بقول إننا شعب نكته بنكذب على بعض وبنصدق بعض ونشتغل بعض عشان ننسى الهموم:( |
وبعدين يعني المواضيع السلبيه دي هنستفاد ايه يعني لما نعرف وبعدين الناس كلها عارفه
الموضوع دا كان لازم يدي حل او حتي اقتراح .. علشان يبقي فيه نوع من الاجابيه انما ايه دا يعني انت عاوز ايه من الموضوع الناس تخش وتقولك الله الله هايل هايل ولا يقلك ايوا ويفضل يحكيلك علي حجات انت اصلا لسه قايلها انها كدب ومش حصلت وبتقول ان المنتدي في النازل يلا يلا حرقت دمي علي الصبح حسبي الله ونعم الوكيل |
بص يا محمد ترويج الاشعات ده موجود فى كل العالم مش بس فى مصر بس فيه اللى نفسه بتكون ضعيفه ممكن يصدق اللى قاله زى ما انا كاتب فعلا وبيعيش الدور وفيه اللى عمره ما بيصدق اى حاجه الا اذا كانت حصلت فعلا قدام عنيه يعنى مش كله وشكرا للموضوع |
بص من تعارف ولا سلامات
ايوة احنا شعب كده انت مش غلطان بس احنا بقينا ليه كده؟؟؟؟؟؟؟؟؟؟؟؟؟؟ علشان كل واحد فينا بيشوف ويعرف الغلط بتاعه ويبقى مصر عليه اانت لو عايز تصحح ده كنت كتبت حل للمشكله دى اى حل مهما يكون صغير او كبير المهم ان احنا نلاقى الحل كان ممككن تقول الحل للمشكله دى ان احنا نبداء بتغير نفسنا الاول بمعنى اخر انك لو قاعد وسط قاعده وواحد قال اشاعه او كدبه مهما كانت صغيرة تقف وتقولوه غلط محصلش تطلعه كداب مرة واتنين وتلاته ومتشوفش الغلط وتسكت عليه وبعد كده تقول ده غلط |
اقتباس:
أنا كل اللى أنا بعمله يا حج محمد إنى بشوف المشكله وبطرحها هنه على هيئه موضوع وبنقشه معاكم وفى ردودى عليكم بقول أنا كمان رأى فيها أنا مش بجبلكم السلبيات وبس ولا أنا عالم نفس عشان أديك حلول ولا أفتى أنا الحكايه وما فيها إنى بقول يمكن رد من ردود حضرتكم يكون كويس أستفاد منه وده فعلاً اللى بيحصل لكن بدام إنت مش فاهم أنا قصدى إيه ولا منزل الموضوع ليه يبقى مش تدخل تتكلم بمذاجك وتخرج سلام عليكم |
اقتباس:
بس يا استاذ حسام مفيش شعب زينا بيكذب الكذبه وبعد كده يعيش فيها على إنها حقيقه |
اقتباس:
أنا بناقش معاكم الموضوع عشان اوصل للحقيقه واتعلم وأستفيد منكم سلام عليم وشكراً لرد وإقتراح حضرتك |
شعب هلاس و كن قليل الادب
الموضوع التالت هيكون ايه ....... هاتلنا حاجة والنبي عن تذاكر الماتشات والسوق السودا |
اقتباس:
ما قولتلك يابني رد عدل و في نطاق الموضوع انت شكلك بتحب الكلام و الرغي كتير علي العموم ليك احلي مشاركه سيئه تاني مرة يالا بينا :D |
لا حياه لمن تنادي... يا دودي واحنا مش هنتغير الفشر في طبعنا ....بيمشى في دمنا اه مش كلنا طبعا ....بس معظمنا ومحمد لو اعد يقول المفروض والمفروض ده مش يبقي الحل هو بيلقي الضوء علي مشكله من مشاكلنا اللي مبتخلصش وانا رايي لا حياه لمن تنادي شكرا يا محمد......(bosy)
|
إحنا معروف عننا إننا شعب طيب
أو النسبة الغالبة ، ناس بسيطة ناس مطحونة ، وراضية وساكتة ناس مش فاهمة ، ودايرة في ساقية الله ده طلع شعر بس بالنسبة لحكاية موت السيد الرئيس دي حاجة من اللاوعي يعني إحنا عايزين نصدق الموضوع وخلاص |
ايه يعنى لما نكون شعب هلاس
ده حتى احلى حاجة فى الحياة انك تهلس عارف ليه؟ عشان تهرب من الواقع المؤلم اللى انتا عايشه |
ع فكرة دى حاجة بتعجبنى فينا
بنضيف للكلام الممل.... جو !!!! |
اقتباس:
المصري عمره ما كان تافه وعمره ما نسي هو عايز يعمل ايه انا بجد مستغربة يعني احنا نفسنا - المصريين - مش مؤمنين بنفسنا وقدراتنا وطموحاتنا وقد اييييييه لو صممنا اننا نعمل حاجة بنعملها يبقى مش من حقنا اننا نلوم ع الغريب اللي يشتم ويهزا فينا وف رموزنا واعظمها رسولنا (صلى الله عليه وسلم) لان احنا السبب ف دة ماشي يا جماعة صدقوني دة مش كلام هجص ولا انا عايشة ف الماضي كفاية بقى يا مصريين لازم تعرفو قيمة نفسكم من صغيركم لكبيركم يمكن احنا محبطين او فاقدين الامل لكن عمرنا ما كنا تافهين ولا مش عارفين هنكون ايه احنا ليه دايما بنبص على نص الكباية الفاضي لغاية ما اعتقدنا ان الكباية كلها فاضية لا فيه نص كباية مليان |
........
ايوة احنا عندنا ناس كتير بتهلس بس بارضوا في ناس لأ . عندنا ناس ملهاش هدف وناس لأ بس عندنا حاجة مهمة بس احنا مش مهتميين بيها وهي العقل . بس مش عايزين نشغله لية لأن احنا زهقانييييييين . مخنوقين
من كل حاجة بس و بعدين هما مش هيفيدونا بحاجة وطبعا انتوا فاهمين انا اقصد مين.هما في وادي واحنا في وادي . احنا مالناش اي قيمة عندهم يبقى لازم نطنشلهم احنا كمان ولازم نهتم بنفسنا. وبالنسبة لموضوع التهليس و الألش مش مشكلة خلي الي يهلس يهلس بس لازم منصدقهوش. ريحوا دماغكم في حجات كتييييييييييييير أهم و أصعب |
| جميع الأوقات بتوقيت GMT +2. الساعة الآن 09:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.