|
ويكيليكس يكشف عن خلافات بين أمريكا والبرادعي في 2009
ويكيليكس يكشف عن خلافات بين أمريكا والبرادعي في 2009 القاهرة - نشر موقع ويكيليكس، الجمعة، وثيقة أمريكية جديدة كشفت عن خلافات عميقة بين الولايات المتحدة والدكتور محمد البرادعي، عام 2009، بسبب آراءه ومواقفه في قضايا الشرق الأوسط وإيران وسوريا في قبل أشهر من تركه منصبه كمدير للوكالة الدولية للطاقة الذرية. ولفتت الوثيقة، التي كتبت بتاريخ 13 يناير 2009 في 4 صفحات، إلى استمرار حدة التوتر بين الطرفين بعد فشل جهود الإدارة الأمريكية للإطاحة بالبرادعي، مضيفةً أن البرادعي كان مشغولاً بقضية الصراع الإسرائيلي ـ الفلسطيني، ومقتنعاً بضرورة التغيير الديمقراطي في الشرق الأوسط. ونقلت الوثيقة، التي كتبها جريجوري شولت، سفير الولايات المتحدة في الوكالة الدولية، عن البرادعي قوله إن ''الحكومات العربية مثل مصر والخليج تفتقر إلى المصداقية، بسبب اتساع الفجوة بين الأغنياء والفقراء''. كما نقل عن البرادعي قوله إنه إذا أصبح رئيسا لمصر فإنه سيعيد العلاقات الدبلوماسية بين القاهرة وطهران التي قطعت عام 1979، وإنه رفض عملية السلام في الشرق الأوسط ووصفها بالـ ''نكتة سخيفة''. وحسب الوثيقة فإن التعليقين لم يجدا قبولا لدى واشنطن. وتابع شولت: قال البرادعي، أثناء جلسة خاصة بيننا، إن الحكومات العربية بحاجة إلى العمل على الإصلاح الداخلي، وليس فقط التركيز على السياسة الخارجية. |
استاذ محمد مشكور على الموضوع
بالنسبة لخلافات امريكا مع البرادعى فهذا امر مش محتاج لوثيقة ويكيليكس لأنه كان خلاف علنى خصوصا بعد حرب العراق مشكور |
احلى دعايه للبرادعى اللى بيتكتب ويتقال افلام افلام من اول افلام بلال فضل عن اغتيال البرادعى فيصعب علينا لغايه خلافه مع امريكا الذى لم نسمع له صوت اثناء حرب العراق -كان بيقو لا على الورق فى التقارير لماذا لم يقدم الاستقاله علنيا للفت انظار العالم-الى ان نشرت ويكيليكس اخبار خلافه الصامت مع امريكا مثل صمته المطبق عن النووى الاسرائيلى باقول للاعلام ياريت تشوفو طريقه تانيه لتلميع البرادعى
ولكاتب الموضوع شكرا على الطرح |
هههههههههه
يا عمى هو مش عميل ..! ازاى هيعارض أمريكا دا عميل ... ومش عارف ايه كدا وحاجات كتيرة فوق بعضها البرادعى أشرف .. من كل ما قيل ويقال عنه ويوما ستظهر الحقيقة |
اقتباس:
المصيبة تلاقى حد طالع يقولك عميل ومأجور وجاسوس وعايز قطع رقبته طب ايه دليلك عالأقل نشتكيه للنائب العام وياخد جزاءه مع عز وشلة الأنس !!! |
اقتباس:
وادينا بنفكر فى طريقة تانية لتلميعه :d |
اقتباس:
بالأمارة بيتكلم انجليزى http://www.arabhardware.net/forum/im...ilies/ah34.gif |
اقتباس:
هههههههههههههههههه تصدق صح سبب منطقى جتا دا حتى بيتكلم انجليزى احسن منى :stickjo4: ازاى انا مختش بالى :p |
اقتباس:
للدرجة دى محدش فاهم حاجة !!!!! |
اقتباس:
أنا لو من البرادعى كنت ريحت نفسى البرادعى لو بقى رئيس .. مش هيكسب حاجة ... ومصر اللى هتكسب ولو مبقاش .. مش هيخسر حاجة ... ومصر هتخسره |
والله هذا ليس دفاعا عن الرجل بل هو احقاقا للحق الى الاخوة الذين يرددون ان البرادعى عميل لامريكا وانه من ادخل امريكا الى العراق وكلام من هذه الشاكلة برجاء الدخول على جوجل والبحث عن كلمة رئيس الوكالة الدولية للطاقة النووية امام مجلس الامن فى عام 2003 قبل غزو العراق وسيعرف ماذا قال الرجل عن البرنامج النووى العراقى وكيف اكد انه لايوجد اى دليل على وجود اسلحة نووية فى العراق وارجوا من الاخوة قبل ترديد الاقوال عن اى احد التاكد مما يقال اما لمن لا يعرف كيف دخلت امريكا الى العراق من خلال الوكالة الدولية للطاقة الذرية فعليه ان يبحث عن هذا الاسم( هانز بليكس ) وهو مفتش فى الوكالة استرالى الجنسية قدم تقرير مكذوب الى امريكا مباشرة دون المرور بالوكالة الدولية للطاقة الذرية متهما فيه العراق بانها تمللك اسلحة نووية وهى الحجة التى اتخذتها امريكا لضرب العراق والتى تبين بعد ذلك انها اكذوبة كبرى وان هانز بليكس هذا قد قيض الثمن من امريكا . الى جانب ان اكذوبة ان محمد البرادعى هو من سلم العراق الى امريكا فهى لم تظهر الى العلن الا عندما بدا البرادعى فى توجية الانتقادات للنظام الغير ماسوف عليه مبارك . هذا والله اعلم
|
اقتباس:
|
اقتباس:
يا استاذ محمد كبر دماغك الراجل مش محتاج شهادة حد لأنه يكفية مواقفة المشرفة طوال تاريخة بالنسبة لأنه جاسوس بتفكرنى برئيس تحرير جريدة قومية حلف انه هيجيب وثائق تكشف ان البرادعى معاه جنسية تانية ولحد النهاردة مرجعش متعرفش مكانة ؟؟؟ :p بالنسبة للجنسية التانية قبل ما اى عضو يحلف ان الراجل معاه جنسية تانية فالجنسية النمساوية واللى اتقال انها مع البرادعى علشان اى فرد يحملها لازم يتنازل عن كل الجنسيات اللى بيحملها حتى جنسيتة الأم فازاى الراجل هيكون معاه الجنسية دى ومنعرفش يعنى ؟؟؟؟ |
برضه
لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالا حتى لو ضبطناه متلبسا بالصلاة لالالالالالالالالالالالالالالالا |
الخلاف سنه 2009 وفين 2003 من ضرب العراق كنا حبايب
ولما هو مشغول بقضايااسرائيل مطلبش ليه التفتيش على النووى اللى اكيد انه لاغراض غير سلميه وطلب التفتيش على سوريا اللى حتى لو بدات نووى غير سلمى مش هيوصللوله الا بعد عشرين سنه واضربت سوريا بالطائرات وانه لو بقى رئيس مصر هيرجع علا قتنا بطهران وياريته ما هدد احنا كشعب مسلم سنى وبعد اللى اتاكدنا منه لا نريد علاقات مع الشيعه وده دليل انه مش عارف بيهدد بايه اما عن قضيه السلام فهيلغيها سيادته مقلش البديل ماهو ياما الحرب اللى هو مش بيحبها زى ما قال عن التغير الديموقراطى يبقى لا حرب لا اتفاقيات سلام يبقى ايه غير السكوت مش عارف الوثيقه دى ايه اللى عاوز يرشحه يفهم منها اللى عاوزه واللى مش عاوز يفهم النقيض تماما |
| جميع الأوقات بتوقيت GMT +2. الساعة الآن 05:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.