|
كلام في الحب .. بقلم / احمد رضا
السلام عليكم و رحمه الله و بركاته ازيكم يا شباب ؟ ازيكم يا بنانيت ؟ دي أول حاجة ليا بالعاميه يارب تعجبكم و اللي عنده نقد يقوله انا بحب النقد جدا يالا بينا بص و شوف اعمل معروف اسمع مني كلام في الحُب - حُب ايه ياعم ؟ ده وجع قلب لاء اسمعني متتسرعش من غير حُب تموت ما تعييش من غير حُب تخون متصونش من غير حُب تضيع متكونش شيل الحُب تشوف الغابه اسود و نمور .. صقور و ديابه قتل ونصب و سرقه و نهب - تيجي تقولي ده وجع قلب ؟! لكن بالحُب تشوف الجنه اجري و العب عيش و اتهني شوف العشاق ملايين و ألوف حب و اعشق من غير خوف دور ...لِف و شوف و طوف قول انا بحب من غير كسوف مش تيجي تقولي ده وجع قلب بص و شوف اعمل معروف اسمع مني كلام في الحُب دوق الحُب و اعرف طعمه كل فريق ربك جمعه ياتري بالإيه ؟ .. طبعا بالحُب لان عشان الحُب يا صاحبي .... اتوجد القلب .. ها فهمت ولا نقول تاني ؟ - لاء ياعم برده ... ده وجع قلب شوف يا حبيبي .. حب و اعشق دوق الحُب عيش و اتهني ... الحُب حياة ضحك و لعب و جد و حُب مهياش صعبه .. ولا وجع قلب عرفت الحُب ؟ .. - ايوه عرفت... طيب ما تقولي ايه هوا الحب وتعالي نعيد و نقول من تاني نألف شعر .. نقول في اغاني نقول و نقول بص و شوف اعمل معروف عيش و دوب و دوق الحُب أصل عشان الحُب ياصاحبي ... اتوجد القلب .. بقلم / احمد رضا الشهير بـ / عاشق تيتانك ( TiTaNiC lOvEr ) |
أنا مقدرك يابو حميد .. شكلك بتحب يابني :D
شعرك تمام يابني والله ولو اني مليش فيه .. بس من امتى اللي بيألفوا شعر بس هما اللي بيحسوه ويفهموه :) بس انت شكلك اتغيرت اووووي .. يا اما انا اللي ماكنتش فاهمك .. انا كنت متخيلك واقعي وعملي شوية ومش بتاع حب وشعر :confused::D ع العموم استمر واستمر واستمر .. بس ماتكتبلناش اللي انت ألفته كل مرة بأه .. مصر مش ناقصة :D:p:p انا باهزر يابو حميد .. بجد حلو .. تسلم ايدك :) خلي بالك .. انا مستني منك تاني .. ماتكسلش وسيبك من الفوتوشوب شوية :D |
بجد تحفة انت فظيع ياريت اكتر
|
تسلم ايدك والله يا احمد
عجبتنى اوى دى حب و اعشق من غير خوف فعلا الحب والخوف لا يجتمعان |
اقتباس:
بس التنويع واجب برده و علي فكرة انا بقصد الحب بشكل عام مش شرط يعني ان كابلز بيحبوا بعض ;) هههههههههه ربنا يخليك يا باشا و الله مش عارف يا بلال بس زي ما قولتلك بننوع بين الفوتوشوب شوية و شوية شعر و شوية القاء ( عندي بكره مسابقه القاء بقه يا معلم و هظبط و كان مفروض عندي مسرحيه بس اتأجلت هههههه حلو عشان الواحد يتفرغ .. و احلي حاجة اني لسه مراجع 8 وحدات انجلش من اللي قلبك يحبهم .. يعني مظبط الحمد لله من كله عقبالك :p ) ههههههه نورت يا حبيب قلبي |
اقتباس:
ميرسي خالص يا غاده ربنا يحفظك نورتي الموضوع بردك و ان شاء الله هيكون فيه تاني :) |
اقتباس:
ربنا يخليكي يا بسمه و انا مبسوط انها عجبتك نورتي بمرورك |
اقتباس:
ربنا معاك في الإلقاء بكرة يا سيدي :rolleyes::rolleyes: |
هههههههههه يا حبي انا اللي اقصده برده كان الحب بصفه عامه
يعني مش انت مثلا تكون بتحب صاحبك و تلاقيه باعك ولا حاجة ادي وجع قلب برده انا متحرر مليش دعوه باللي بيتقال يابا ههههههههه وبعدين انا مش هلقي دي يا معلم انا هلقي واحده ملهاش حل هبقي ابعتهالك بعدين نورت بنقدك يا حبي اه نسيت حاجة بالنسبه للي هيا حب و اعشق من غير خوف فدي انا حطيتها عشان اظبط الوزن و القافيه بس مش معني ان عامل القصيده الحب يبقي كلها عام برده فيها حته كابلز برده هههههههههه :p و دي يا سيدي انا بعتبرها دعوه للحب الطاهر العفيف قدام الناس كلها مش اللي في الاستخوبث و بالنسبه للي هيا قول انا بحب من غير كسوف عشان فيه ناس بتخاف تقول بحب تلاقي اللي زيك يقولها انا كنت فاكرك واقعي حب ايه يابني و هبل ايه ههههههههه نورت بجد يا بلال |
بص يا عم تيتانك انت ( علي اساس انك رومانسي :D:D) ماشي بص بقي ايه بقي ما علينا ايه ياواد يا احمد الروانسيه دي كلها تقولش احمد بيك شوكت طلع من قبره وكتب شعر لا بجد والله كلامك جامد بس دي خاطره يا احمد مش كدا؟ اصل لو شعر يبقي في ابيات مش ماشيه مع الوزن والقافيه يعني لسعت منك شويه اقتباس:
هي دي ياباشا |
لا يا عادل .. ده شعر عامي .. مش قصيدة جاهلية بتاعت ابي فراس الحمداني
يعني مش لازم كل بيت موزون ع اللي قبله .. ممكن تلاقي بيت اخره ( ان ) .. البيتين اللي بعده .. اخرهم ( ار ) .. البيت اللي بعدهم اخره ( ان ) تاني .. ثانيا .. احمد ما قالش انها قصيدة .. ممكن تكون خاطرة .. عادي مش هتفرق .. اهم حاجة انك تعيش وتدوق الحب :D:D اقتباس:
بنورك يابو حميد والله :rolleyes: |
هههههههههههه يا حبي فيه فرق بين الشعر العامي و الزجل
مش لازم يكون كله نمط واحد و نفس عدد الكلمات و كدا لو اعتبرناها خاطره مش مشكلة يا جميل المهم انها عجبتك نورت يا باشا |
حلوه( ان) و( ار) و(ان) دي يابلال:d:d
|
[quote=واحـد من النــاس;323561]لا يا عادل .. ده شعر عامي .. مش قصيدة جاهلية بتاعت ابي فراس الحمداني
يعني مش لازم كل بيت موزون ع اللي قبله .. ممكن تلاقي بيت اخره ( ان ) .. البيتين اللي بعده .. اخرهم ( ار ) .. البيت اللي بعدهم اخره ( ان ) تاني .. ثانيا .. احمد ما قالش انها قصيدة .. ممكن تكون خاطرة .. عادي مش هتفرق .. اهم حاجة انك تعيش وتدوق الحب :D:D هههههههههههههههههه اه علي التريقه ياعمونا ماشي مقبوله :p:D ههههههههههه :D:p بنورك يابو حميد والله :rolleyes: |
تسلم اديك واحساسك
تسلم اقلامك وكراسك تسلم كلاماتك وافكارك تسلم بوتك واشعارك ههههههههههههههههههههههه انت جميل وخلي بالك انا بكتب عاميه وشكرا ياعم الحبيب |
| جميع الأوقات بتوقيت GMT +2. الساعة الآن 07:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.