|
ممكن افهم الحاجات دى!
السلام عليكم ورحمه الله وبركاته
انا كونت عايزه اعرف شويه حاجات كدا على الماشى امته اقول البيانات ثابته ومتغيره وامته اقول انواع البيانات اللى هى البيان المنطقى والحروف وهكذا؟! وعايزه افهم الكلام دا تسمح كل لغات البرمجه بأعطاء اسماء للخلايا التى سيتم البيانات بها حتى يسهل تتبعها والتعامل معها ؟ يعطى اسم واحد لكل خليه او مجموعه من الخلايا مادامت تحمل قيمه واحده؟! هو ايه الفرق بين char و string? عارفه ان char حرف انما الثانيه سلسله حروف بس فى سؤال بيقول اعلن عن المتغير schoolname على انه متغير حرفى انا عملت كدا Dim schoolname as ...... ومش عارفه بعد as احط ايه ؟!؟!؟! مع انى عارفه ان بعد dim يجى اسم المتغير وبعد as يجى نوع المتغير؟ يعنى نحط مكان النقط srting ولا cahr ?? ويارب تكونوا مزهقتوش مينى وشكرا ليكوا جداا وجزاكم الله كل خير |
شكل كدا مفيش اجابات
|
السلام عليكم
اولا نقدر نقول ان البيانات متغيرة اذا كانت تتغير اثناء تشغيل البرنامج او تعتمد علي قيمة يقوم بادخاله المستخدم و الثوابت تكون ثابتة عند انشاء البرنامج و لا يمكن تغييرها ثانيا بالنسبة للذاكرة فهي مقسمة لخلايا و كل خلية لها عنوان عباره عن رقم ولاننا يصعب علينا التعامل مع هذه العناوين لصعوبة حفظ ارقامها فيمكننا تسمية هذه الخلايا باسماء من اختيارناوهي اسماء المتغيرات و لان انواع المتغيرات تختلف في الحجم فان كل متغير يمكن ان يشغل اكثر من خلية ثالثا ال Char يحجز مكان لحرف واحد و String سلسة نصية اي انه اي عدد من الحروف و لان schoolname هو اسم المدرسة فلا يمكن ان يكون حرف واحد و لهذا نختار نوعه String بكتابة dim schoolname as string و يا رب اكون افدتك |
بارك الله فيكى
|
بالنسبة للسؤال
امته اقول البيانات ثابته ومتغيره وامته اقول انواع البيانات اللى هى البيان المنطقى والحروف وهكذا؟! أقول أن عندما يتم الاعلان عن متغير في ذاكرة الكمبيوتر فإن قيمة هذا المتغير أثناء تشغيل البرنامج وتبعا للتعليمات المقدمة من المبرمج لهذا المتغير . اما تكون البيانات ثانته إذا تم الاعلان عنها في ثابت وليس متغير . أما بالنسبة للبيان المنطقي وهو Boolean فهو نوع لا يخزن فيه إلا قيمتين وهي true او False فقط . ويستخدم في عمليات المقارنة بمعنى لو أن x مثلا قيمتها true ينفذ تعليمه معينه او العكس . |
بالنسبة للاستفسار وعايزه افهم الكلام دا
تسمح كل لغات البرمجه بأعطاء اسماء للخلايا التى سيتم البيانات بها حتى يسهل تتبعها والتعامل معها ؟ يعطى اسم واحد لكل خليه او مجموعه من الخلايا مادامت تحمل قيمه واحده؟! ان ذاكرة الكمبيوتر مقسمة إلى شكل صناديق صغيرة وتبدأ من رقم 0 وتنهي عند نهاية ذاكرة الكمبيوتر مع ملاحظة أن عدد هذه الصناديق ( الخلايا ) تختلف من جهاز كمبيوتر إلى أخر وعندما نقول مثلا Dim x as decimal فإننا نقوم بحجز 16 مكان في ذاكرة الكمبيوتر لمتغير اسمه x ونوعه decimal |
هو ايه الفرق بين char و string? عارفه ان char حرف انما الثانيه سلسله حروف
بس فى سؤال بيقول اعلن عن المتغير schoolname على انه متغير حرفى الفرق بين الاثنين أن الأول يخزن حرف واحد على مساحة 2 بايت وبالتالي فهو يأخذ مساحة كبيرة مع امكانية تخزين ضعيفة أو النوع الثاني فهو عملاق التعامل مع الحروف ويكون مفتوح لتكتب ما تريده بداخله أما الاعلان عن المتغير schoolname يجب أن تكون String (راجع الجدول الموجود بالكتاب حول اختيار النوع المناسب لكل نوع من أنواع البيانات) |
اذن الجملة تكون بهذا الشكل
Dim schoonam as string |
عاطف حسان_رد _ إجابة
اقتباس:
أنا مين مبرمج و مصمم للبرنامج و لا مستخدم بأشغل البرنامج أكيد كل الكلام بالنسبة لك أنت المبرمج اللى بيصمم البرنامج هو اللى بيحدد حا يخصص مربع الكتابة داهوت اللى فى النموذج اللى قدامى لما بأشغل البرنامج بعد كده عشاد أكتب فيه إيه == حا أكتب حاجات كل مرة بأشغل البرنامج بأكتب نفس القيمة الأرقام أو الحروف لو كده تبقى بيانات ثابته == و لا بيانات ممكن أكتب قيم تختلف من وقت للتانى و لا لأ == مثلا لو صممت برنامج لإيجاد مساحة الدائرة كلنا عارفين ان مساحتها 2ط نق2 لو كنا مبتدئين شوية حا نخصص مربع كتابة مطلوب من المستخدم يكتب فيه نصف القطر و مربع كتابة مطلوب نكتب فيه قيمة ط وهى 3.14 و لما نضغط على ال Button اللى متخزن فيه المعادلة عشان يبدل كل ثابت و متغير بقيمته و يجرى العمليات الحسابية و يخزن القيمة فى المتغير المخصص للمساحة و نظهرها بعد كده على label مثلاً أو صندوق رسالة MsgBox == فبنقول يا مبرمج خلى بالك وفر على نفسك تحط مربع كتابة على النموذج عشان تطلب من المستخدم إنه يكتب فيه قيمة ثابته زى ط لأن ط ثابتة 3.14 مش ممكن أكتبها أى حاجة غير كده و إلا النتيجة حا تبقى خطأ – أمال نعمل إيه – اعلن عن الثابت فى جمله إعلان بقيمته و خلاص و اكتب إسمه فى الكود الإسم اللى حددته فى جمله الإعلان و الربنامج حا يعوض بنفسه – بس اتعب نفسك شويه صغيره و حط مربع كتابة للبرنامج ده خاص بنصف القطر فقط لأنه هو الوحيد اللى ممكن يتغير من دائرة لأخرى –و كده تبقى ريحت المستخدم بدل ما يكتب كل مره عايز يجيب مساحة كرة لازم يكتب 3.14 – و كل ما قللت جهد المستخدم و وقته يبقى إنت أمهر من اللى ما عملش كده نقدر نقول بعد كل ده انت المتغيرات هى الأماكن المخصصة لقيم ممكن تتغير أثناء تشغيل البرنامج و العكس بالنسبة للثوابت قيم لا تتغير ================================ يعطى اسم واحد لكل خليه او مجموعه من الخلايا مادامت تحمل قيمه واحده؟! لما بأعلن عن متغير أو ثابت بيكون له إسم فى جمله الإعلان أنا إللى بأحدده حسب قواعد تكوين الأسماء و بيكون لنوع أى بيان حجم إذا كان هذا البيان يحتاح Byte واحد ( أى خلية واحده ) لما بأكتب إسم المتغير فأنا بأشير للقيمة الموجودة فى الخلية الواحدة اللى إسمها حددته فى جملة الإعلان == لكن لو كان حجم هذا البيان أكثر من Byte ( أى أكثر من خلية أى مجموعة من الخلايا) لما نشير فى البرنامج للبيان ده و هو اسمه مثلا X فلو كان هذا البيان يستغل اكثر من خلية فا X هو يشير لإسم مجموعة هذه الخلايا اللى بتحمل بيان واحد بإسم واحد متخزن فى مجموعة خلايا و لما بأقول X بأشير للقيمة اللى متخزنة فى كل الخلايا اللى تحت نفس الإسم ================================= هو ايه الفرق بين char و string? عارفه ان char حرف انما الثانيه سلسله حروف Char بيان حرفى يستخدم لتخزين حرف واحد فقط و حجمه خليتين (أى أو 2 بايت ) == String بيان حرفى يمكن تخزين فيه نظريا أى عدد من الحروف يصل ل 2 بليون حرف – و حسب عدد الحروف يكون حجم الذاكرة أو عدد الخلايا التى يحتاجها . Dim إسم المتغير as نوع المتغير = القيمة علامة = و القيمة إختيارية لو لم يتم كتابتها و كان متغير حرفى يعطى قيمة افتراضية سلسلة حرفية فارغة "" و إن كان بيان رقمى يعطى قيمة إبتدائية صفر================================ Dim SchoolName As String ما ينفعش Char لأنه مش معقول إسم مدرسة حرف واحد فقط ! ==================================== عاطف حسان / ميت موسى الاعدادية/ شبين الكوم |
بجد مش عارفه اشكر حضراتكم ازاى :) شكرا استاذ زياد_عاطف وشكرا استاذ عاطف جوده
جزاكم الله كل خير ونفع بكم :) |
اقتباس:
|
| جميع الأوقات بتوقيت GMT +2. الساعة الآن 01:42 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.