ارجو المساعدة
 

انا الحمد لله خلاص لقيت اسمى فى كشوف المعينين

بس الاستمارات التى هتتملى بياناتها كتير


- الاستمارات ( 103 - 167 ) ايه البيانات الى هتتكتب فيهم
- واقرار الذمة المالية بردة مكتوب تملا البيانات بمعرفة الموظف المختص ( مين الموظف المختص ده )
- واستمارة 103 مكتوب ان في 2 يمضوا كشهود وبيانات كتير تانية

يا ريت يا جماعة الى كتب الورق ده وسلمه يفيدنى احسن انا متلخبطة خالص

بالنسبة 103 احنا كتبنا فيها الاسم والمدرسة والوظيفة معلم
ومضناها من 2 مدرسين اساسين وختمناها بشعار الجمهورية وسلمناها كدة فاضية

الزمة المالية بتكتب الاسم والوظيفة في الصفحة الاولي
ويتم التوقيع في اخر صفحة والجداول لايوحد اوتترك فارغة

والتانية البينات الاساسية فقط

الف مبروووك على التعيين يا ايمي

1 - اقرار الذمة بيتكتب فيه الاسم والعنوان بس ويلصق علية طابع ب 40 قرش ..والمدرسة تختمة
2 - بالنسبة ال 2 شهود دى عادي اكتبي اسم اي اتنين مدرسين اساسيين من المدرسة .. وعشان ميقلقوش متقوليش لحد واكتبيهم انتى وامضي بدالهم كمان .. كلنا عملنا كدة.. لان بعض الاساسيين ممكن يقلق ويوقلك ممضيش .. فانتي ريحي نفسك وامضي مكانهم باساميهم
3 - اي بيانات مكتوب فيها ىالموظف المختص متجيش عندهاااا ...مش انتي اللي هتمليها

وبالتوفيق للجميع بإذن الله

شكرا يا ريمون
بجد لانى كنت متلخبطة انما دلوقتى خلاص كده تمام

الله يبارك فيك يا استاذ على

ان شاء الله بكره هكمل البيانات واختم الورق

هههههههههههههههه
كلمة تزوير دي كبيرة . كلة ورق في الملف ملوش عازة . روتين
وانشاء اللة خير وهتستلمي والف مبروك

استاذ تامر .. معاذ الله ان يكون كلامي تشجيع على التزوير ..
ودي ورقة لاثبات المدة الي اشتغلتها الاستاذة قبل كدة .. وبعدين ايه التوزير اللي في كدة.. دي هتكتب المدة الحقيقية اللي اشتغلتها بالفعل والمدير هيمضي كمان وهيختم ..
وبعدين في الادارة والله ما بيبصو في الورق..

استاذ تامر اكيد استاذ على ميقصدش كده

متزعلش يا استاذ على

بس ممكن اسال مدة ايه الى بتتكتب انتم قلتوا ان الى بيتكتب الاسم والوظيفة والمدرسة بس

معلش انا بسال كتير بس انا محتارة وسايبة الورق فاضى وخايفة اكتب اى بيانات فيه

زعل ايه احنا اسرة واحدة بس حبيت اوضح ليكون حد فهم كلامي غلط..

المهم فيه ورقة في مسوغات التعيين الوحيدة اللي عايزة امضاء اتنين موظفين من المدرسة .. وعنوانها: ضم مدة الخدمة السابقى ) تقريبا على ما اتذكر
هية دي بتكتبي فيها تاريخ أول عقد ليكي و لغاية النهاردة .. وضحت؟

التاريخ الى هيتكتب تاريخ اول عقد مميز والا اول عقد عادى اشتغلنا بيه

معلش انا عارفة ان اسئلتى كتير

هوة حضرتك اشتغلتي عقد عادي قبل المميز؟

متهيألى المميز لان احنا عملنا كدة ومحدش جاب سيرة العقد العادي

احنا في حلوان كتبنا تاريخ اول عقد عادي وكان 16/9/2006 حتي 1/3/2011

ايوه يا استاذ على انا اشتغلت عقد عادى قبل العقد المميز

وان شاء الله هكتب المدة من اول عقد

شكرا يا استاذ تامر على المعلومة وانا هكتب اول عقد ليه ان شاء الله

اللة ينوررررررررررررررررررررررررررررررر