بوابة الثانوية العامة المصرية - اغلاق جرس الفسحه او فتحه

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - اغلاق جرس الفسحه او فتحه (https://www.thanwya.com/vb/showthread.php?t=30297)

اغلاق جرس الفسحه او فتحه

سلام عليكم ورحمة الله وبركاته

انا عمله الموضوع ده الأول عشان اللى عايز جرس الفسحه يفضل مفتوح يقول واللى مش عايز يقول وليه

وكمان عشان اقول انى متنازله عن الأشراف مدام من وجهة نظر المشرف الأدارى السادات ان القسم ملوش لزمه معنى كده المشرف ملوش لزمه

ورساله للسادات ده مش مجرد رآيك بس يا سادات عشان لو ده مجرد رآيك بس مكنتش قفلت القسم لأن مش من حق اى حد انه يقفل القسم من غير الرجوع للمشرف
وشكراً

والله في اقسام كتير مالهاش لازمه
زي منتدي الرجاله

والقسم الرياضي

و الاذكياء

فلو عايزين تقفلوا جرس الفسحه علشان الامتحانات

اقفلوا كمان كل المنتديات بلا استثناء علشان المذاكره
وسيبم القسم التعليمي والديني بس

وانا مش موافق علي اغلاق جرس الفسحه لوحده
لازم يبقي كل المنتديات البعيده عن التعليم

اه علي فكره جرس الفسحه كان شغال ايام امتحانات الثانويه العامه الاخيره

يمكن امتحانات التيرم اولي ثانوي اهم من امتحانات الثانويه العامه

مش عرفه ممكن برضو يا احمد:d

ياجماعه لازم بس يفهمو إن اللي داخل موقع زي ده مش داخل يلعب
وأنا جت لي رسايل على الإيميل منبعض الأعضاء قايلين إن هم حيسيبو المنتدى بسبب قفل جرس الفسحه.....والله العظيم خسارة الوقت اللي كتبت فيه مواضيعي هناك وتعبت نفسي وفي الآخر يتقفل

طيب يا حسام انت بقى حط نفسك مكانى انا برضو تعبت

وفى الأخر يقفلولى القسم

من غير لا احم ولا دستور فى الاخر يقولو المصلحه لو على المصلحه الجهاز ميتفتحش اصلا

صح إن كان على الإستفاده فالإستفاده لما التلميذ يقعد على كتابه مش على كمبيوتر ...كل أبهاتنا وأجدادنا بيذاكرو كده وهي دي الطريقه الصح للمذاكره...وأحب أقول إن النت كله ترفيهي

اقتباس:

المشاركة الأصلية كتبت بواسطة حـــH0samـــسام (المشاركة 324037)

ياراجل انت كدة بتقول ان المنتدي لم يقدم شيء لطلاب وليس للقسم التعليمي فائدة
عموما الموضوع كدة اخذ مسار اخر

طيب انا هقول بق الأقسام اللى المفروض تتقفل بقى عشان القسم التعليمى ينشط

العام

والأقسام الأدبيه

والأقسام الدينيه يعنى باختصار كل المنتدى ده له عشان التعليمى

والله حضرتك لو قرأتى الموضوع ده كويس
وفهمتى اللى فيه
http://thanwya.com/vb/showthread.php?t=30299

صح أكيد رأيك هتغير إقرأى الموضوع صح
وحاولى توصلى لمعناه

قريت يا محمد

بس انا ليا وجهة نظر ان اللى عايز يذاكر هيذاكر واللى عايز يلعب يلعب واحنا مش مسئولين

كل واحد عارف مصلحته

اقتباس:

المشاركة الأصلية كتبت بواسطة MohammeD el_SadaT (المشاركة 324030)

وده يا جماعه لأن ربنا سبحانه وتعالى قال فى كتابه العزيز
‏ ‏{‏ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون‏}‏‏.‏ ‏[‏آل عمران‏:‏ 104‏]‏

وكمان رسول الله صلى الله عليه وسلم قال
فى حديثه الشريف
‏ ‏"‏من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان‏"‏‏.
وكمان رسول الله صلى الله عليه وسلم قال
فى حديثه الشريف
‏ ‏"‏إن الناس إذا رأوا المنكر فلم يغيروا أوشك أن يعمهم الله بعذاب‏.
‏ وكمان رسول الله صلى الله عليه وسلم قال
فى حديثه الشريف
‏ ‏"‏لتأمرون بالمعروف ولتنهون عن المنكر، أو ليسلطن الله شراركم على خياركم فيدعو خياركم فلا يستجاب لهم‏"‏‏.

السلام عليكم ورحمه الله وبركاته

يا ريت تقرأى الحته دى كويس قبل ردك
لأن ده سبب قفلى للقسم

قبل أى حاجه تانيه