|
*`•.¸.•´* شروط مرشح الرئاسة...........*`•.¸.•´*
http://rtoosh.com/up/images/51769528080800719516.gif تأثرا بالاعلان الدستوري الذي أعلنه المجلس الأعلى للقوات المسلحة والذي يحدد الشروط الدستورية التي يجب أن تنطبق على مرشحي الرئاسة في الإنتخابات القادمة، انطلق نشطاء موقع تويتر هم الآخرون في إعلان شروطهم التي يريدون أن تتوفر في الرئيس الجديد المنتظر. وتعكس الشروط المقترحة كم كبير من الأمنيات التي يريدها المصريون في رئيسهم الجديد، فهم يطمحون في رئيس من صنع رغباتهم وأمانيهم، خاصة وأن معظم الذين شاركوا في وضع تلك الشروط هم من أبناء العصر المباركي المخلوع، وهو ما يبرر وجود الكثير الشروط التي تريد ابعاد أي كلمة أو وصف أو تعليق أو حركة أو ايماءه كان يصدرها الرئيس المخلوع! فجاء في الشروط "الشعبية" ألا يكون الرئيس الجديد منوفيا، وألا يستخدم مصطلحات مثل "محدودي الدخل"، "المرحلة المقبلة"، "لا مساس"، وغيرها من العبارات والجمل التي كان تتردد على مسامع الشعب المصري كل أول مايو! وفيما يلي بعض من الشروط التي اقترحها شباب موقع تويتر الاجتماعي حول الرئيس المصري الجديد: كل يوم الصبح يسمع أغنية دامت لمين. ما يعملش زيارات مفاجئة للمصانع يوم السبت الساعة حداشر، احنا اللي حنعمل له زيارات مفاجئة كل تلات ساعات. مايفتكرش انه عشان بقى رئيس انه قائد الثورة مايقولناش الإخوة و الأخوات.. أمي ما خلفتش غيري انا واخواتي الي يقول كلمة بناء علي تعليمات السيد الرئيس يعدمة مباشرة من غير محاكمة يكون بيتكلم و يفهم إنجليزى من غير ما يطرطق ودانه ولو نجح بنسبة اكتر من 60% في الانتخابات يتحاكم يبقى عارف اننا منتخبينه هوه مش هوه ومراته و ابنه و اخواته و امه و عيلته كلها يبقى عنده فيسبوك و تويتر بس معندوش فارم فيل ..ويكتب تويت واحده ف اليوم عشان ميضيعش وقت الشعب ميكونش ف لمعان و بريق حمادة هلال يكون متواضع جدا ...اه طبعا .....لا مش لدرجة يقعد في خيمه دي تبقي فال شؤم مراته لازم تاخد لقب سيدة مصر الأخيرة مايقعدش فى القصر الجمهورى ياخد شقة ايجار جديد احسن لازم كل جمعة بعد الصلاة يزور منطقة ويتكلم مع اهلها ياكل العيش أبو شلن ويشرب من الحنفية ماتكونش البدله بتاعتو مكتوب عليها اسمه.. عايزينه يجيب بدل من عند ابو نسمه المفروض يقعد يفر كل حاجة في البلد ، يا راجل كبر مخك. لازم يبقي عنده ريسيفر وتيلفزيون وبيتفرج علي قناة الجزيرة بيقول الكيان دوله الإحتلال مش دوله إسرائيل مايكونش عمل أي ضربات جوية أو أرضية أو فضائية يذلنا بيها مش كل ما نكلمه يقولنا عيب انا زي ابوكم ميعطلش المرور عشان يروح مشوار يمشي في الشارع زيه زينا ياما يستخدم الطياره الخوف من وجهه نظرى هو نتجيه لخوف الناس من نهايه كل شىء بيعكس اردتهم فيخافو حتى من بدء البدايه لا يبدأ اي جملة بكلمة "سنظل" ما يقولش على منتخبنا كويس ومايتصلش بحسن شحاته ولا يزور اللاعبين في التمرين. لازم مايكونش راعى الرياضة والرياضيين ولا راعى الثقافة والمثقفين ولا راعى الفن والفنانين. ميضحكش علينا ويروح يفتتح نفس الحاجه عشرين مرة. ميكونش بيصلي العيد قبل العيد ما يبدأ و تلاقي صورته ملطوعه عالاهرام يوم الوقفه الساعه اتناشر بليل. يبطل كلمة نشجب و ندين. مايكونش من محبي الاستقرار. منقول من موقع الدستور |
هههههههههههـ الناااس دى نسيت اهم حاااجة انه يكون صعيدى:p شكرررا على الموضوع الجميل |
اقتباس:
يعني ايه ؟ مش هينفع أترشح للرئاسة ؟ :o:o مينفعش , لازم الرئيس يكون منوفي , الشعب اتعود علي كدا خلاص :d:d |
هههههههههههههه عساسيل المصريين دول ضحكتنى جدا حكاية انه لازم يجيب البدل من عند ابو نسمة شكرا مس على الموضوع الجميل |
شكرا على الموضوع الجميل
|
اقتباس:
انا معتقدتشى ان فى ريس فى مصر يكون بالموصفات دى ده شئ محال;) هو ممكن يكون فى حل بسيط:d اننا نروح عند الخياط ونفصل ريس على مقاسنا:p اعتقد ان هو ده الحل الامثل:friendsxs3: |
شكرا لحضرتك
.. |
بدل الشروط دى كلها كان الاحسن ميبقاش فى رئيس للدولة خالص و اى قرار او اى حاجة عاوزين يعملوها يعملوا استفتاء :p
مشكور على الموضوع المضحك و الجميل جدا ^^ MG |
ههههههههههههههههههههه
شكرا على هذه الفكاهة |
هههههههههههههههه
احنا ريس متفصل على مزاجنا |
ما رأي حضرتك لو يكون دمنهوري؟
كان من الافضل عدم السخرية تعديل الشرط { أن يكون شعبيا من شرفاء مصر ولك التحية |
| جميع الأوقات بتوقيت GMT +2. الساعة الآن 10:58 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.