http://r15.imgfast.net/users/1511/58...miles/8450.gif
فين أيام الكادر واللي كنا بنعمله فيها
والله كلما تذكرتها
أظل أضحك حتي أنبطح كرسيا
http://r15.imgfast.net/users/1511/58...les/898330.gif
وكان بعض الزملاء والزميلات
يجوبون أنحاء الكرة الأرضية بحثا عن شيء
يمكن تقديمه للزملاء
وفي خضم حدة توتر الأعصاب
كنت أحاول التخفيف عن تلك الهموم
ببعض كتاباتي مثل موضوع
تخفيفا عن هموم الكادر
الذي قد يكون موجودا بالموقع ولم يحذف
http://r15.imgfast.net/users/1511/58...les/787926.gif
واليوم أقدم موضوعا للتخفيف عن مطحنة المقالات
آملا أن أقدم شيئا بسيطا
ربما يبسط ظل ابتسامة قد تجدد النشاط
وإليكم موضوع
******
حلة المحشي وصنية المفتأة

*****


ياجماعة الست الحاجة حاتعمل لكم حلة محشي
إنما إيه ؟!! محشي بحق ربنا !
لأ . وإيه ؟! محشي من إللي قلبك يحبه !!
حا تعمل لكم صوبع المحشي الواحد بسم الله ما شاء الله
حاجة معتبرة خالص ! وتليق بالمقام !
وتتوصي بيه عا لآخر
وتخليهولك قد السندويتش الفينو
عشان يلكم الواحد ويسد العين الفارغة
وتشبع من أول صوبع !
http://r15.imgfast.net/users/1511/58...les/898330.gif
وعشان الناس بتحب تحلي بعد الأكل
فإن ست الحاجة فكرت انها تعمل صنية مفتأة
إنما إيه !!! صنية مفتأة ما حصلتش
ومتكلفة جامد
وحتكفي العيال وتشبعهم
وحا تخليهم بعد كده ياكلوا صوابعهم وراها
زي ما كانت دايما بتأكد علي كده
http://r15.imgfast.net/users/1511/58...les/927235.gif
طيب والحمد لله أكلنا وشبعنا
والحلة أتمسحت و الصنية اتزلطت
وأكلنا صوابعنا وراها
ياتري حانعمل إيه بعد كده
ست الحاجة عملت إللي عليها!
واحنا أكلنا صوابعنا وما بقاش فينا صوابع
http://r15.imgfast.net/users/1511/58...les/927235.gif
وعايزين حلة تانية
طيب نعمل إيه ؟؟!!
وعشان ست الحاجة بتتعب لما تفكر تعمل أكلة
وما تعرفش إلا المتسبك
ولا قريتش لأبلة نظيرة
أو مني عامر أو حتي طباخ الريس
أو دخلت مطعم مغمور
ولا يعجبها الطبخ الموضة
ولا أكلت وجبة كنتاكي ولا تعرف إيه وجبة ماندي
ولا حتي أكياس الشيبسي
وتقول قُطـْعِتْ حتي البيتسا
مهما ان كانت من أكبر مطعم مشهور
http://r15.imgfast.net/users/1511/58...les/898330.gif
وعشان مابتعرفشي
إن الموضة بتاعة أكل الايام ديه بقت مسلوق
والمتسبك موضة قديمة
قعدت مدة طويلة تفكر
لكن جات لها فكرة خطيرة أخيرا
بعدما بذلت جهد كبير
بعد ما تعبت ست الحاجة من التفكير
قالت حا اعمل ليكوا صنية فتة
علشان نشعر بالتغيير
http://r15.imgfast.net/users/1511/58...les/898330.gif
طبعا صنية الفتة يادوب حاتتمسح ومش حاتكفي
لأن الفتة عايزة لحمة
وبالتالي حناكل الباقي من صوابعنا وراها
ولما نصحي الصبح مش حنلاقي صوابعنا بعد كده
يبقي حانعمل إيه ؟
لازم بقي نفكر أحنا كمان معاها
ونفكر كويس
لأننا أكلنا صوابعنا ومبقاش عندنا صوابع
فنعمل إيه؟!
إوعوا حد يقول لي نجيب حلة محشي جاهزة
أو نجيب واحد صيني ونخليه يعملها
بالله عليكم ماحدش بقي يفكرني بالصين
وبالجماعة الصينيين تاني !!
http://r15.imgfast.net/users/1511/58...les/787926.gif
دول بيطلعوا لحد باب الشقة
ويقولولك مش عايز عروسة حقيقي
وعلي قد فلوسك
ولومن غير فلوس مافيش مانع
ولو عايزها حامل جاهزة مافيش مانع برضُه
إحنا جينا هنا عشان نحقق لك كل أحلامك
انتم فكرتوني ليه بس بالصين
http://r15.imgfast.net/users/1511/58...les/787926.gif
وعشان أكلنا صوابعنا
لازم نجيب حد له صوابع
طبعا الحد إللي له صوابع ده مش أي حد
فلازم يكون مناسب لهذه المهمة
والشخص المناسب ده لازم يكون زمَّار
و زمَّار إيه !!
مش أي زمَّار والسلامة !! لأ !!
ده زمَّار محترف وفاهم !
وانتم عارفين ان الزمَّار يموت وصوابعه بتلعب
http://r15.imgfast.net/users/1511/58...les/898330.gif
فلازم صوابعه حاتلعب لنا في أي حاجة
http://r15.imgfast.net/users/1511/58...les/927235.gif
فيبدأ يلعب لنا في مخنا
مش عشان مخنا لا سمح الله فاضي ! .. لأ
ده متعمر بكل أطاييب المشاكل اليومية والحياتية
والتعقيدات الإقليمية والعالمية
والدلار واليورو العملة المحلية
ونشاط الجزيرة والبي بي سي و العربية
والهدوء المميت والمريب للقنوات العربية
وداري علي شمعتك كما في القنوات المصرية
والنفخ في النار وكسر ماسورة الحنفية
واختلاق الاعتصامات و المظاهرات الاحتجاجية
والمطالبات الفئوية المشروعة
أو التي ليست لها مشروعية
والجيش والشعب إيد واحدة
وأنا وانت
ورقصني ياجدع
http://r15.imgfast.net/users/1511/58...les/927235.gif
وبعد مايلعب لنا في مخنا شوية
أكيد أكيد
إيده حاتنزل تحت شوية
عشان يزغزغنا فنضحك
وطبعا مش حانقدر نقول له إوعي إيدك
أو أختشي عيب وكده ما يصحش
فيروح مزغزغنا مرة تانية
http://r15.imgfast.net/users/1511/58...les/898330.gif
فنقوم نهز وسطنا والزمارة تشتغل
والصوابع تلعب
وحزمني ياجدع
والرقص يبدأ واحدة واحدة
ثم واحدة ونص
http://r15.imgfast.net/users/1511/58...les/927235.gif
ثم يبتدي يشتد ويشتد
ويتهد حيلنا في الرقص
ولكن نرقص كالطير مذبوحا من الألمِ
http://r15.imgfast.net/users/1511/58...les/787926.gif
وبعد هذه الوصلة
ومن باب الترفيه و التسلية
يهرش لنا في رجلينا شوية
ولما يلاقي ريحتها لاموآخذة مش تمام
يروح طالع تاني لفوق
و برضه من باب التغيير
حايلعب لنا بصوابعه في مخنا
وبعد ما زمر لنا
يدي البعض طبلة شيك رنتها حنينه
وحالمة خالص ورقيقة جدا وآخر موضة
واحنا طبعا بنحب الفن واحنا اللي بدعنا الفنون
وانت عارف الهبلة لما يدوها طبلة
حاتعمل إيه بقي
و طبعا احنا ما نتوصاش !
http://r15.imgfast.net/users/1511/58...les/898330.gif
ولأن ست الحاجة أفقدتنا أصابعنا من أول أكلة
وكملت لنا عليها في الأكلة الثانية
حانتحزم ونرقص حتي نتساقط
و طبعا بعد كده عايزين ناكل
فتيجي ست الحاجة بحلة المحشي وصنية المفتأة
فمنلاقيش صوابعنا
http://r15.imgfast.net/users/1511/58...les/787926.gif
طبعا صوابع الزمار هي إللي حاتقوم بكل شيء
وإحنا اللي حا نقعد نتفرج
لأننا عايزين حد يحط لنا الأكل في بقنا
وبدل ما نطبق المثل اللي بيقول
ما حك جلدك غير ظفرك فتولَ انت جميعَ أمرِك
نقوله منين يا حسرة واحنا مالناش ظوافر
عشان نحك جلدنا اللي اتقشف
ومالناش صوابع
لأنها اتاكلت من أول حلة محشى
ومن أول صنية مفتأة
وعوضنا علي الله واللي كان كان !!
بسبب أكلة المفتأة والفتة بتاعة ست الحاجة
وعشان ست الحاجة علي قدها
ولم تتطلع علي كتاب أبلة نظيرة
عشان كده ما علمتناش إزاي نطبخ !!
وماعلمتناش إزاي نعتمد علي أنفسنا
وخلتنا نعتمد علي الغير
ونجيب حد يطبخ لنا
ويحطلنا الأكل في بقنا
لأننا تعودنا أن ناكل صوابعنا
لكن ما اتعلمناش ولا عرفناش إزاي نشغلها
إوعوا حد يقول لنا إن مخنا علي قدنا
لأنه مهما كان
لازم الأول نشغله !
عشان نشغل صوابعنا بحرفنه
ومانكلهاش !!!!
وإن الإيد البطالة نجسة !
http://r15.imgfast.net/users/1511/58...les/787926.gif
كله من حلة المحشي وصنية المفتأة
منك لله يا ست الحاجة !!
http://r15.imgfast.net/users/1511/58...miles/8450.gif