الى جميع الممتحنين كادر 1/4/2011 تخصص حاسب الى وتكنولوجيا ابتدائى (c15)
 

زملائى الاعزاء

بعد التحيه

وبعد اذن كل التخصصات خصصت هذه المشاركه فقط لتخصص الحاسب الالى وتكنولوجيا التعليم (c15) المرحله ابتدائى حتى يكون الموضوع موجه وصريح .

واطلب من مشرفين المنتدى تثبيت الموضوع ليوم او اثنين تضامنا معنا لشعورنا بالظلم والاهانه وهذا ليس تقصيرا منا اقسم بالله عشان كلنا ذكرنا واجتهدنا ودخلنا الامتحان ولكن صدمنا بالامتحان العقيم

الى كل اخ وزميل شعر بالظلم فى الامتحان

دعوه للمطالبه بحقوقنا المشروعه وايضا فى الحدود المشروعه

وبكل ادب وبكل احترام فكلنا اصحاب حقوق وموقف قوى

اليكم التالى

نقوم بارسال فكسات الى الوزير نشكوا فيها من امتحان التخصص ونطالب الوزير بمرجعة الامتحان ومحاسبة المتسبب فى وضع هذا الامتحان بهذه الصوره على اعتبار انها مسئولية شخصيه تقع على من وضع الامتحان واتمنى انها متكونش سياسة الوزاره فى تعجيزنا .

نقوم بارسال نفس الفاكس الى الاكاديمية المهنية للمعلم ونطالب منهم رفع الظلم عنا فى امتحان التخصص

لانترك تليفون لاى مسئول فى الوزاره او فى الاكاديميه او نترك اى صفحة للوزاره او على الفيس بوك من غير منوصل صوتنا فيها

أتمنى ان نبدا جميعا من اليوم ويترك الموضوع للردود والخطوات التى تم عملها من وضع تليفونات وعنوانين وموقع الانترنت فى سبيل حقنا حتى نستفيد جميعا من الخطوات .

والرجاء تجميع اكبر عدد من زملائك على مستوى الاداره وابلغهم بتقديم الشكاوى للوزير وللاكاديميه

كل واحد يبدا من دلوقتى عشان صوتنا يوصل فى اسرع وقت وباكبر عدد وباذن ربنا هنقدر ناخد حقوقنا

وفى النهايه بشكركم وبشكر كل القائمين على هذا المنتدى العظيم

عل فكرة تخصص حاسب اعدادىكود 30 و28 كان صعب جدا وكود 29 و31 كان بالنص من النت يعنى فى ناس اتظلمت خالص

انا معاك انا دخلت حليت e بنسبة 100% والعربى تمام والتربوى معقول التخصص الحاسب ( فتحت فمى ........؟؟؟!!!!!!!) ولم أفهم الا خمس أسئلة فقط والباقى حادى بادى
امتحان تعجيزى بنسبة 200%

طيب لو هما كده بقي يدو الامتحان ده للموجهين لتوع الحاسب ونشوف حد منهم هيعرف يحل حاجة
مش عارف ايه ده دي فزلكة

يا جماعة ممكن تقولوا الاسئلة اللى جت فى تخصص حاسب الى ابتدائى احنا لسه ممتحناش

كلامك تمام فعلا انا كنت كود28 كان صعب جداااااااااااااا حتى العربى والتربوى كان فيهم اسئله مش فتها قبل كد المهم الحاسب الامتحان التعجيزى واتحدى دكاترة الجامعة لو حلوه صح بنسبة 80%

معكم حق المنصوره امبارح الحاسب الالى مقهورين وزوجى منهم لكن انا كان امتحانى الحمدلله من اللى زاكرته بس العربى والتربوى وحش والانجليزى معقول بس محتاج مهاره لغويه وترجمه وربنا يستر انا مع الاستاذ اننا نحتج على امتحان الحاسب حسبى الله

فعلا يا اصدقائي الحاسب الآلي كان صعب جدا اصحابي كلهم اكدوا ذلك
ده ايميل الوزارة www.emoe.org
وموقع الوزير على الفيس بوك www.facebook.com\egypt.moe
وهحاول ادور على ارقام فاكسات الوزارة والاكاديمية واحطها لحضراتكم

لا أحنا كمان تخصصنا كان صعب مش حاسب آلي بس

علي فكره أنا صحافه واعلام

انتاوا غلطانين انكوا دخلتوا الامتحان اصلا انا بسمع ان بعض المحافظات عملوا احتجاج كان المفروض تكونوا ايد واحدة وكفاية مهانة

للعلم الامتحان الدراسات اعدادي ابعد ما يكون عن الدراسات واكني كنت بحل امتحان في تخصص اخر مش بتاعي

عايز تمتحنى تسالنى فى معلوماتى العلميه حسيت ان الحاسب كان تربوى او لعب فى الصيغه
ده امتحان ده ولا ده ايه انا مش عارفه

صدقونى ده مكنش لمعلومات علمبه او تربويه اعتقد ده مش امتحان اساسا حتى الاسئله الشبه التربويى كان بيها اجابتان صح بنسبه 100 %

ثانيا عايزن نعرف الامتحان ده جى من اى مكان بجد انا كرهت الكادر والتربيه والتعليم بسبب هذا الامتحان من المفروض نطالب من الوزير مرجعة الامتحان ومحاسبة المتسبب فى هذا العار

السلام عليكم
انا كنت كود 30
حاسب الى والامتحان هباب وزفت واتران
وحسيت بالعجز والى جنبى بيحلوا الاسءله المتروحه من ع النت وانا بتفرج عليهم

انا حاسب ابتدائي 92 كان زي الزفت ومش عارفة اللي حطه كان قصده ايه بالظبط بجد متعرفش الاسئلة دي تربوي ولا انا شكيت انه حاجة تانية بجد حسبي الله ونعم الوكيل بجد الواحد قلقان لان حليت كده اي كلام مع اني مذاكرة بس اللي جه ده ملوش علاقة بالحاسب حتي الموجهين ميعرفوش يحلوه