|
الراجل أبو جلبيه اللى نزل الملعب
دشن عدد من الشباب على الموقع الاجتماعى الشهير "فيس بوك"، جروبا جديدا باسم "الراجل أبو جلبيه اللى نزل الملعب". يأتى هذا بسرعة كبيرة جدا عقب مباراة الزمالك والأفريقى التونسى، التى لم تكتمل لنزول الجماهير الملعب فى الدقائق الأخيرة للمباراة، ومن ضمنهم هذا الرجل الذى يرتدى جلبابا ويمسك علم الزمالك، الأمر الذى جعل الشباب على الموقع الاجتماعى يتناولون هذا المشهد بطريقتهم الطريفة كالعادة، ويتناولون النكات فيما بينهم من خلال التعليقات الساخرة. وكانت أعداد كبيرة من جماهير الزمالك اقتحمت ملعب استاد القاهرة فى الدقائق الأخيرة من مباراة الأفريقى التونسى، فى إياب دور الـ32 لدورى الأبطال الأفريقى، وقاموا بالتعدى على حكم اللقاء الجزائرى محمد مكنوز ولاعبى الأفريقى، وسط غياب أمنى كامل. وألقت الجماهير بالشماريخ داخل أرض الملعب، والتى وصل بعضها إلى الكاميرات التليفزيونية الناقلة للمباراة، مما أدى إلى التشويش على إذاعة المباراة ثوان قليلة، وعاد بعدها الإرسال. http://youm7.com/News.asp?NewsID=382582&SecID=89 ------------------------------------------------------------------------- |
شكر على النقل ..
لكن انا عندى راى ..لا اعرف هل تتفقون معى ام لا .. انا شايف ان الحكاية (بوخت)اوى كل حاجة جروب ..صراحة اعتبرهم ناس فاضية ...ياريت نشغل وقتنا بحاجة اهم من تلك السخافات ... ..تحياتى... |
بصررراحة ناااس فاااضية وتاافهة راجل شكله غلبااان بيتريقوااا عليه لا حول ولا قوة الا بالله |
اقتباس:
والله فعلاً أنا أتفق معك فى الرأى ، كفاية كده ونشوف حالنا ، الناس دى فاضيين بجد تحياتى اقتباس:
معاك حق والله يا محمود ، ده كله عشان نزل الملعب تفاهة × تفاهة = بواخة |
اقتباس:
هو فيه غلبان ينزل أرض الملعب!!!!! لو كان فتوة كان عمل ايه؟؟؟ |
شالها أبو جلبية
وأصبحت الموقعة تحمل إسمه موقعة الجلابيه وزى ماعلينا قوى سقف مطالبنا فى التحقيق فى موقعة الجمل وطنشنا السيارة الدبلوماسية لاحس ولاخبر لحد دلوقتى نفس الشىء هنطالب بذبح أبوجلابية وهنطنش على غيره يستاهل كل اللى يجرى له ايه اللى جابك ياصعلوك وسط الملوك وحتى جريتك لاتدل على إنك رياضى ولاتعرف حاجة عن الكورة مكتوبه لك --- تنولها على الفيس بوك مع البرادعى ونور وصباحى وشفيق وشرف ومبارك وسروروغيرهم -هع هع هع- فضيحة عالمية - يا أبو مخ مهلبية شكرا على الخبر |
يا أخوان دايما" بتبصوا ورا لية خليكم أيجابيين وأنظروا للأمام
|
الظاهر يعينى هو هيشيل الليلة لواحدة وأطمئنوا هو موش صعيدى علشان متقعدوش تنكتوا علينا تعرفوا لية لأن صورتة وهو بيجرى أهبل والجلابية موش راكبة علية وأظاهر يعينى مأجرها من واحد بلدياتنا وكمان الشبشب كبير على رجلية
ابوفيـــــــــاض |
سلامات ياثورة الفيس بوك ومرحبا بشباب التعليقات الظريفه علي الشعب. شوفوا حالكم بقي علشان البلد خلاص حضيع فوقوا من اللي بتعملوه
|
لكي الله يا مصــر .. -_-
|
ربنا يستر وكمان ميقولوش السلفيين هما اللى ورا الحادثة دى :)
شر البلية ما يضحك |
رئيس وأعضاء ومدربى فريق الزمالك
بيقولوا ثورة مضادة ياترى ثورة مضادة لثورة شباب مصر البيضاء ولاثورة مضادة من اللون الأحمر ولاثورة مضادة من رئيس النادى المتنازع على رئاسة النادى من زمان ولاثورة مضادة للشعب كله الكل يحاول تجميل نفسه وكانهم ملائكة شكرا على الخبر |
اقتباس:
|
شكراً علي الخبر .
ولكن من فضلك يكفي وضع رابط للخبر من مصدر اخباري وعدم وضع أي روابط اضافية سواء للفيس بوك أو غيره . وجزاك الله خيراً . |
منتهي الهياااااااافة
ربنا يشفيهم وبعدين يرجعوا يقولوا الشعب المصري شعب واعي و مثقف و ........ الخ و شباب الثورة ابطال و كلام بصراحة مش له علاقة بشعب مصر خااااااااالص بجد ناس فااااااااااااااااااااااااااضية و بعدين بخصوص اللي حصل بعد الماتش يدل اصلا علي التخلف يعني بعد الثورة حسيت ان الشعب يمكن فاق شوية وبقي يطالب بحقه ويقول ازاي اللعيبة واخدين فلوس البلد و قلت خلاص الكورة فقدت شعبيتها و خلصنا من وجع الدماغ ده في الاخر يحصل الكلام ده بجد الناس اصلا مش اتغيرت و مصر هتفضل زي ما هيا ان لم تتحول للاسوأ واحسن ان الدوري اتأجل لاجل غير مسمي بصرااااااحة اتخنقت من اللي بيحصل في البلد دي .... |
| جميع الأوقات بتوقيت GMT +2. الساعة الآن 01:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.