|
ماما زمانها جاية .. جية بعد شوية .. (( طرائف الثورة 2))
بسم الله الرحمن الرحيم قمت منذ شهر .. بالقيام بعمل موضوع عن طرائف الثورة .. و قلت انه بحسن نية .. و ليس له شق فى السخرية منها ^^ و يا مستر على ده موضوع نقاشى فكاهى .. وبالله عليك مش تنقله من القسم :P و مالوش علاقة بمن اجل مصر ^^ نبدا ^^ (( مظاهرة فى التحرير لإقالة توأم الزمالك )) النهارده كان ورايا درس فى منطقة قريبة من التحرير .. فلقيت ناس متجمهرة و بتزعق .. فقلت يمكن مظاهرة .. و قلت ازيط فى الزيطة .. يمكن بيطالبوا .. ان الدروس الخصوصية تبقى مدرس لكل طالب فى بيته .! :049gc0::049gc0: و تحت الامطار الغزيرة .. لقيت الناس بتقول التوأم التوأم يمشى .. بالزوق بالعافية هيمشى توأم مين ؟! انا قلت حسنى مبارك طلعله توأم او احمد عز طلعله توأم ..! فبسأل واحد من الواقفين .. :028ja7::028ja7: توأم مين ... بيقولى حسام حسن و ابراهيم حسن ..(( طبعاً انا مجاش فى بالى انه بتوع الزمالك )) .. فضلت نص ساعه واقف و عينى بتدور .. انا سمعت الاسامى دى فين .. مجلس شعب ولا شورى و محليات ولا فين ياربى .. ففى اخ كده كان بيتكلم .. و بيقول .. ان الزمالك .. لازم يرجع زى الاول ..! و من الصدمة فضلت اضحك نص ساعه .. بقولك الزمالك .. انتوا بتتظاهروا عشان الزمالك ؟! يبقى حق ليا بكرة اقوم اتظاهر بقى عشان ابويا بيقولى اقعد على الكمبيوتر خميس و جمعه بس ! او احرق نفسى قدام باب الشقة .. .................................................. .... ((ماما زمانها جاية .. جايبا لعب و حاجات )) فى التحرير .. كان فيه شباب واقفين فى جمعة تأكيد الثورة .. بيقولوا .. اننا لازم نأكد على الثور .. نضغط عليهم .. نفكرهم بالثورة .. اجنا شباب 25 يناير .. و حبة تانيين .. احنا شباب 28 يناير .. و حبة تانيين .. احنا شباب 11 فبراير .. و حبا تانيين .. احنا شباب 6 ابريل .. و حبة تانيين .. احنا شباب 31 مارس .. فرحت لحبة بنات .. واقفين بعيد كده .. لقيتهم شعار .. شباب عيد الام ! و حبة تانيين عاملين دايرة و الله و بيغنوا .. جمب البتاعة بتاعت الشهداء دى .. و بيغنوا .. ماما زمانها جاية .. جاية بعد شوية .. جايبة لعب و حاجات !!!! فقمت اتمشى فى الميدان شوية .. عشان اتخنقت .. لقيت شباب تانيين .. اسمهم حركة .. 5 يوليو .. و حبة تانيين حركة ... 22 يوليو .. و حبة تانيين .. حركة 11 نوفمبر .. و شوية رجالة كبار بتاع 60 سنة ولا حاجة . كاتبين .. انا حاربت فى تلاتة و سبعين و شاركت فى 2011 ...و السؤال هنا يطرح نفسه .. هل لو جمعنا الشباب و الرجالة دول كلهم هيتكون عام كامل ؟! الله اعلم ! .................................. اسكندرية .. يا ليل .. ليا اخت فى اسكندرية معرفة .. فأتصلت بيا مخصوص بتقولى حاجة غريبة .. لقيت شحات .. بيمشى و يقول .. وحيات شهداء الثورة .. إلاهى مايمتلك إبن إلا لو شهيد .. يارب مايوريك . امن الدولة .. !! و محل تانى هناك بيقول .. محل فطائر شهداء ثورة 25 يناير .. نحن الافضل ! و محل احذية كاتب .. للزبائن .. من انتم؟! من انتم ؟! .. دقت ساعه البيع .. دقت ساعه التحفيضات :confused::confused: الى الامام .. الامام .. جزمة .. جزمة ! ............ كما قال قطامش .. يا معشر تجار الثورة .. لم يبقى مكان لغبى احترموا ثورتنا كانت ... تشبه معجزة لنبى احترموا ثورتنا و احترموا ... شهداء الوطن العربى ! ........... و اخيراً ايه رأيكم فى الشعب المصرى ..؟ و نداء يملؤه امل .. وربك .. بالله عليك يا مستر على .. ما تنقل الموضوع xD UseRNaMo ThaNwYa |
هههههههههههههههههههههههـ هم يضحك وهم يبكى شعب فاااضى بدل ما نشتغل علشان البلد تتقدم بنعمل العكس شكرررا على الموضوع االجميل |
الشعب يريد اسقاط حسام..والله ماشيه
امجد ابقى رد على موضوع الانجلش |
شكرااا لك
لو جمعنهم هيكملوا سنة و شوية كمان و في ايام هتكرار. |
موضوع عسل و ما تبصش للناس الغلبانة ده ما بتتجارش و لا حاجة
المصريين وسط العياط ضحك و نكت و تريقة صدقنى احلى ضحك كنت بضحكه فى الأزمات بالنسبة لقطامش المقصود بتجار الثورة الإعلام لو ركزت كل كلامه فقط على الإعلام بمعنى آخر هو اتكلم عن مقدمة ،الإعلام قبل الثورة ، و بعد الثورة ، و إعلان ، و بعدين تعليقه الشخصى فالمقصود الإعلامين و السياسين فقط و بلاش تحمل كلامه على معانى تانية ،،،،،،، و ده أحلى حاجة عجبتنى " و محل احذية كاتب .. للزبائن .. من انتم؟! من انتم ؟! .. دقت ساعه البيع .. دقت ساعه التحفيضات الى الامام .. الامام .. جزمة .. جزمة ! " فعلاً المصريين دمهم خفيف :) آه افتكرت بالنسبة للتوءمين كان عايزين يشيلوهم لأن كان فيه فيديو لابرهيم بيقول هينزل الجماهير كرد متنرفز كعادته لما نزل مشجعين اتنين فى الماتش الأول الظاهر حد استغل التصريح ده لأن مش منطقى ابدًا ابراهيم هينزل خمس آلاف واحد أرض الملعب و يخليهم يخربوا و بعدين الجماهير ذاتها هى اللى حاوطت اللعيبة لحمايتهم فواضح إنه اسفين من ناس بتترصد اللى بيقولوا عليه بعبع الثورة المضادة :) |
جميل جمآل .... ملوش مثآل
موضوع حلو آوي بس آلنآس بجد آتمآدوآ آوووووووووووووي وشكرآ ليك تقبل مرروي يـــــــــــــــآرآ عطية :) |
موضوع جميــــل أوي يا أمجـــــد .. ^^ بس ليــا عندكم طلـــب .. ؟!! ^_^ " يوم عيــد ميلادي ان شاء الله تبقى تيجوا معايا التحــرير و نعمــل وقفة يمكن حد يجيبلي هدية و نسميها حركة (( نبقى نكتب اليوم و الشهــر )) بجد ربنا يستر ..^^ شكرا يا أمجد بجد توبيك تحفة .. كان نفسي أقراه كله .. بتعجبنى موضوعاتك بصراحة ^^ |
شكراً لمرور الجميع .. و انا فخور يا محمد انك بتحب مواضيعى ^^ و بخصوص مستر على .. كده الموضوع محتاج تعديل تانى ؟ ...
|
موضوع رائع
بارك الله فيك بس ربنا يرحمنا والمفروض نهدا شوية علشان الناس تشتغل |
ههههههههههههههه الكلام ده بجد والله !!!
دا الشعب المصرى ده عليه حاجات مش عارفة بيجيبها منين !!!! شكرا علا الموضوع الرائع ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،، |
ههههههههههههههههههه والله التوبيك جامد جدا مش عارفة اقول اى
خطيييييير انما رأيي فى الشعب المصرى .. أحسن ناااااااااااااااااااااااااااااااااااس وبموت فيه ((انا بتكلم عن الأغلبية الحرة)) ولو مكنش الاغلبية حرة مكنتش الثورة نجحت على فكرة حلوة حكاية اولع فى نفسى قدام الشقة انا ببايا مش عاوزنى اقعد نت خالص :d بجد شكرا كتيييييير عالتوبيك الرائع |
يارب يتهدوا ويشتغلوا بجد بقى
وعجبتنى جدا التعلقات الخاصه بالإسكندريه http://t0.gstatic.com/images?q=tbn:A...RATxp1TnxA&t=1 |
ههههههههههههههههههههه رائع
|
اقتباس:
اقتباس:
اقتباس:
اقتباس:
|
اقتباس:
التوبيك منور بصاحبه:) |
| جميع الأوقات بتوقيت GMT +2. الساعة الآن 04:59 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.