اقتراح هيزود تعلقنا بالغه العربيه
 

سلام عليكم انا النهرده كننت بكلم العضوه Taleba Me7tasa قالتلى انا عندى فكره حلوه اوى قولتلها قولى قالتلى ايه رآيك نعمل يوم فى الأسبوع كلنا نتكلم فيه فى كل الردود بالغه العربيه وهتزيد تعلقنا بالغه العربيه
اللى احنا هاجرنها دلوقتى
قولتلها فكره كويسه هنشرها فى حجرة حضرة الناظر وبعد كده لو لقيت عليها اقبال انشريها انتى فى المنتدى

ها ايه رآيكو؟

اذا كان يا ايمان مش مهتمين بقرار الاجتماع هايهمتوا وينفذوا مشروعك

انا مش بحبيتك

لكن انا شايف مافيش اهتمام من حد

سواء شكوى اقتراح اى حاجة

على العموم حلوة الفكرة

صحيح انا مش عرفه ايه اللى حصل فى الأجتماع امبارح بعد ما انا مشيت
ممكن حد يبقى يجيبلى الحوار؟


يا سيدى لعل وعسى حد يهتم

خلينا متفائلين;)

ولماذ يوم واحد فى الاسبوع ؟
نحن عرب ويجب أن نهتم بها كل يوم وتكون ردودنا فى كل يوم بالعربية بدون اقتراح
وعلى الجميع أن يبدأ بنفسه

يا استاذ عصام انا بنقول اه نتكلم بس مش على طول احنا منتدى مصرى برضو وبنتكلم بالعاميه

صعبة جدآ
لان فى ناس كتير لا تجيد الفصحى
ومش ها تلاقى اقبال

طيب يا محمد ماحنا ممكن نعمل اعلان كده سبحان الله وبحمده سبحان الله العظيم اللى فوق دى


يراقب ازاى يعنى ؟

من الأخر زى ما بيقولك الحاضر يعلم الغايب يعنى اللى عارف يقول للى مش عارف الهرده كلنا هنتكلم بالعربيه

لا يا محمود مش فصحى فصحى وتشكيل وكده لأ

وبعدين معتقدش ان فى حد فى ثانوى ومش بيعرف يتكلم باللغه عربيه

هههههههههههههههه
ده مين قالك المعلومه دي
و النبي تسكتي يا ايمي
ده حتي استاذ ( انا العبد ) اللي فوق كاتبلك بحيبتك ( يقصد " بحبطك " × " حث و تحضيض " ) :D

مفيش حد هيراقب و نص اللي بيتكلم لغه عربيه فصحي هنا و الله بيتكلمها غلط
انا مش بستخدم اللغه العربيه الفصحي غير في الاشعار و الخواطر و منتدي تاني مشترك فيه
و اللي بكتبه باللغه العربيه بروح علي دكتور في اللغه العربيه و اعرضه عليه
يعني الحكايه مش سهله
ومش ناقصه ان الواحد يضيع اللي يعرفه و يتلخبط

لو عايزين تعملوا الفكرة انا هتفرج و هشارك
مش عايزين تعملوها انا هتفرج برده و هشارك :p

يالا سلام

على فكرة غلط جدآ يا احمد انك تعلق بسخرية على رد فيه خطأ كتابى من مشرف زميل
عشان كده شكلها وحش قوى وشكلك انتا كمان وحش
ونزلت فى نظرى عل فكرة
عشان مش احنا اللى نتصيد لبعض الاخطاء الاملائية نسخر من بعض!!!

سيبه يا اسطورة مشرف فى البداية لسه مش عنده خبره ازاى يتعامل مع الاخرين

عادى احمد رضا كلنا عارفين انه لازم ياخد كورسات على كيفية التعامل مع الاخرين

ودائما له الجائزة الاولى فى اثارة المشاكل

انتا شكلك نسيت تبوص على مشاركاته يا اسطورة شوف مشاركاته وردوده

نصفها محذوف وتحدى !!

يا عييييييينى دنا بعرف اتكلم عربى بس مش اوى يعنى


عادى زلة كيبورد

يا سيدى يا سيدى

ماشى يا عم الدكتره

طيب ما ناخد رآى الأعضاء

انا عن نفسى ممكن اعرض الردود على صحبتها واخليها ترد وابعتلكو الرد ده

والله يا سيدي ما بسخر ولا حاجة
انا بس كنت بعلق و مكنش في قصدي حاجة
انت مش بتؤمن بمثل يابخت من بكاني ولا ضحك الناس عليا
والله انا عاوزه بس ياخد باله عشان فيه ناس شغلتهم انهم يصطدوها في المنتدي برا
والله يا حودا ده كان قصدي
اينعم انا وصلتها بطريقه وحشه
بس انا اسف للعضو ( انا العبد )


طيب ليه الاستهزاء تاني
يا سيدي انا مش متكلم عشان انا اللي بيني و بينك الناس الكبيره اللي في المنتدي مينفعش اخل بوعدي معاهم

برده بتشملني بالإساءة
طيب شكرا مرة تالته

ميرسي يا ايمي انا مكنتش اقصد حاجة علي فكرة
وقولتلك عايزين تنفذوا الفكرة اوك انا معاكو
مش عايزين تنفذوها برده اوك انا معاكو

ميرسي يا ايمي انا مكنتش اقصد حاجة علي فكرة
وقولتلك عايزين تنفذوا الفكرة اوك انا معاكو
مش عايزين تنفذوها برده اوك انا معاكو


لا ولا يهمك يا احمد ده سوء تفاهم بينك وبين ميدو وان شاء الله هيتحل


ماشى