|
معلم على ما تفرج
لقد صنعنا بأنفسنا كل المهانة ولن تسلم منها مهما فعلنا .
من منكم رفض شروط التعاقد ؟ من منكم رفض فرض الدبلومة التربوية ؟ من منكم رفض مهزلة محو الأمية ؟ من منكم رفض مهزلة ال icdl ؟ من منكم طالب بحقه ؟ من منكم لم يزور ؟ من منكم كان فى انتظار تحليل ال dna آخر شروط التثبيت ؟ صنعتكم باستسلامكم الفرعون . الذى استخف قومه فأطاعوه . وصدقت فيكم مقولة السيد عمرو موسى " المهرولون " واليوم تريدون أن تثبتوا أنكم من المثقفين لا والله لم أر فى التاريخ من الجهلاء من فعل فعلتكم موتوا أو ناموا نومة أهل الكهف عل الله أن يجعل من موتكم عبرة لكل جاهل ،مزور ولترضوا باللقب المتواضع " معلم على ما تفرج " وحسبى الله ونعم الوكيل فى كل من يصنع فرعونه ثم يبكى حاله |
صح و الله يمكن بكرة الكل يتعلم
|
و الله نستاهل اللى احنا فيه
|
طب وحضرتك كنت فين
|
وسيادتك كنت فين أيامها و حتى لو بتقول معلم على ما تفرج مهنة التعليم أشرف و أعظم مهنة على مر التاريخ حتى لو في كتاب و طالما سيادتك شاف فيها كل المهانة طب أشتغلتها ليه انت كدة ما قدرتش مهنتك عشان كده قلت الكلام ده و هي مهنة عظيمة حتى لو مالقتش حد يقدرها
|
ما هو حضرتك ما عملتش حاجة من دي بالعكس انت عملت زينا بالظبط يبقي لازم تقول نموت مش موتوا
( كبر مقتا عند الله ان تقولوا ما لا تفعلون) كل عيش احسن!!!!!!!! |
لعلمكو انا ما أخدتش دبلومة ولا icdl مع انى بدرب ناس عليها ومو الأمية معملتش غير أول مرة ولما لقيتها لعب عيال معملتش حاجة تانى وكنت مستعد اسيب المهنة وكنت مش خايف من تهديدات محافظ المنيا ولولا ان رقم الجلوس طلعلى مكنتش امتحنت كادر رغم انى ويعلم الله ماذاكرتش ولا كلمة لأنى واثق من نفسى بس حبيت اتفرج ع المهزلة وياريتنى ما رحت منتهى المهانة للمعلم اللى جايبة ابنها الرضيع واللى مبقالهاش يومين واضعة وجاية واللى واللى وآرتها جاى تعلمنى ايه هى مهنة العلم لا احنا عار ع المهنة
|
يعني روحت وامتحنت الكادر علشان تتفرج علي المهزلة
بذمتك انتا مصدق نفسك !!!!!!!!!!!!!! بص بقي في البيتين دول واقراهم كويس لا تنه عن خلق وتأتي مثلة عار عليك اذا فعلت عظيم بعدين مش تستأذن قبل ما تستنسخ اسم موضوعك من اسمي يابا الحج |
ازاى لم تأخذ دبلومه وامتحنت الكادر والدبلومه شرط امتحان الكادر!!!!!
|
اقتباس:
وبعدين ما تجمعشي وتقول احنا عار علي المهنه العار هو اللي بيخش الامتحان من غير ما يعمل تربوي وغيرة ضاع منه الفرصة لمجرد انه ما امتحنشي تربوي واظن انت فاهم قصدي كويس قوي لو نيلك يا مصر صلصة ما يكفيش الكوسة اللي فيكي ....... وعجبي |
آسف
بس بجدفرحت ان فيه حد معايا فى الياس من اللى بيحصل لى
انا امتحنت لأنى خلاص قررت أكون مش محترم اقتباس:
|
اقتباس:
|
اتمنى من الجميع المشاركة
عاوزين يا جماعة نعمل عريضة مكتوب فية متطلبتنا واولها التثبيت للجميع بدون شروط ان شاء الله (عقد مميز-مكافاءة شاملة -حصة) والعريضة دى يوقع فيها الجميع للمطالبة بالتثبيت ويكون مكتوب فيها الاسم والتخصص واسم المدرسة واسم الادارة والرقم القومى لصاحب التوقيع ويكون مكتوب فى العريضة مطلب من الجميع ان يكون التثبيت فورى حضرتكم فهمتم فكرتى علشان ماحدش يقول ان احنا بنطالب باعتصام او مظاهرات يبقى بكدة احنا ماشين باسلوب راقى ومتحضر ويقدر كل واحد فينا يجمع اكبر عدد من التوقيعات ياريت من جميع الاخوة تبنى الفكرة ان شاء الله وانا عن نفسى فى ادارتنا ان شاء الله هجمع اكبر عدد من التوقيعات وان شاء الله يذهب وفد من كل ادارة بتلك التوقيعات بعد تجميعها الى السيد رئيس الوزراء الا ابسط حق من حقوقنا ان نطال بالتثبيت الفورى للجميع وان شاء الله يوفقنا جميعا انا فى انتظاركم للبدء الفورى واتخاذ الاجراءات المناسبة وعمل الازم ان شاء الله |
5/2 لازم كلنا نقف وقفه جامده لا للتخاذل لا للهوان بعد الان
|
اقتباس:
ننادى الأول ان المعلم يتعامل كفئة وليس كعامل |
| جميع الأوقات بتوقيت GMT +2. الساعة الآن 09:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.