|
إحنا ليه مش فرحانين بالتعيين؟!!!
أصدقائي الأعزاء أرجو منكم أن تخبروني لماذا لا نشعر بسعادة التعيين؟
فأنا تم تعييني ولكن للأسف لم أشعر بفرحة هذا التعيين بل بالعكس فأنا أشعر بخوف وقلق ولا أعرف السبب وعندما سألت بعض زملائي قالوا لي نفس الشيء حاصل معاهم. فأرجو من الجميع المشاركة وإخبارنا : إحنا ليه مش فرحانين بالتعيين؟ أخوكم أحمد حسين |
ربنا يسعد الجميع
|
فعلا مفيش فرحة بالتعين ويمكن ده
1-لاننا بقالنا فترة شغالين بمختلف درجات التعاقد . 2- لاننا ياما طالبنا بالتعين ولما عينونا خلوه تعين مشروط ب 6 شهور. 3-ويمكن لانهم بيحسسونا انهم بيمنوا علينا بالرغم من اننا المفروض نتغير ويكون تعاملاتنا احسن ونتخلى عن روح قبل الثورة. 4- ويمكن لاننا جربنا شغل التربية والتعليم وعرفنا متاعبه والاوامر الكتير فيه والقرارات اللى لازم تتطبق من غير مناقشه. 5- ويمكن لان التعين جه فى وقت البلد غير مستقره. ........................... ويمكن ويمكن ويمكن ................حاجات كتير بس المهم اننا منستسلمش ونحاول نفرح باى شكل يعنى انا قررت انى احتفل على سبيل المثال اخرج فصحة مع اصحابى فى اى مكان مفتوح نتغدى برة فى اى حته اكيد كل واحد ممكن يخلق لنفسه الجو اللى يحتفل بيه ياجماعه افرحوا.......الحياة بنعشها مرة واحدة بس الف مبرووووووووووووووووووووك لكل اللى اتعين وعقبال اللى لسه فى الطريق |
يمكن علشان حال البلد
|
حاجه كده تشبه لما الريس قرر تعيين نائب بعد خراب مالطه
احنا بقا اتعينا بعد الاحباط والتثبيط النفسى لذلك كان المفروض يكون التعيين معاه تغيير كبير وقفزه فى مرتباتنا ,لكننا بدأنا من الزيرو . |
نفسى احساسى والله بس يمكن السبب هو حال البلد والخوف من بكره وكمان يمكن لان احنا من وقت كبير واحنا فى المهنه اصلا وكمان يمكن علشان المرتب لسه برده ضعيف مش يحقق كل شى بس يارب يكون بكره احسن يارب
|
أنا نفس الحكاية
وبعد تفكير عميق وجدت السبب الحقيقى لأن مفيش قناعة ورضا أخى الكريم بما قسمه الله لنــــا للأسف |
يمكن على شان لسه مقبضناش!!!!!!!!!!!!!!
|
عشان الست سنين اللى اشتغلناهم ضاعوا علينا كدة وهنبتدى من جديد وبعد ما عرفنا كل مصايب مهنتنا
|
انا فرحانة والحمد لله بالتعيين جدا
لانى لقيت ان ناس احسن منى واكبر منى سنا ولسه لا يعملون نفسهم فى فرصة شغل بالحكومة انشلا ب90ج الحمد لله ويمكن لانى بنت ومش شايلة مسئوليه بيت مثل اى شاب بيفكر فى الارتباط او مكون اسرة فعلا وبيصرف عليها بس بجد الحمد لله انى اتعينت |
لان البلد هية هية مش عارفين احنا هنصرف الكادر ولالا مش عارفين لينا اجازات بدون مرتب ولا لا حتى شئون العاملين والماليات يقولوا احنا مش عارفين تصدقوا من كتر البطئ الواحد مش عارف اذا كان اثبت ولا لا لاننا وببساطة محسناش ان فى حاجة اتحسنت او مزايا اخدناها
|
من اغلب الاراء انا شايف ان فيه حاجه مشتركة بينكم وهيا حال البلد وخاصة الفترة القادمة دة اللى مقلق الناس وفعلا دى اهم حاجه لان من غير استفرار اى حاجه مش بيبقى ليها طعم ربنا ينعم على مصر بالاستقرار والامن والامان يارب ......
|
لو اتمرمتم بره فى اى عمل غير تخصصكم كنتوا قدرتوا تفرحوا وتحسوا بالفرح
|
وهو مين اللى قال اننا مش فرحنين
الحمد لله كنا فين انا كنت مبسوط جداً لما استلمت جواب التعين علشان كل المدرسة واصحابى واخواتى باركولى كان طعم انك تحصل على حقك حلو قوى |
أنا كنت فرحان لكن لما شوفت كل الأوراق والطلبات اللى عاوزنها مننا نفسي اتسدت وكرهت حياتى ..
زمة مالية فيش وتشبيه تأمين صحى أصل المؤهل أصل الخدمة العسكرية icdl شهادة اجتياز الكادر تأمينات اجتماعية صور بطاقة إخلاء طرف إقرار قيام بالعمل جواب من التوجيه جواب من القطاع تصوير شوية ورق كده ونملاهم بياناتنا دمغات وطوابع ودوسيهات كرتون وبلاستيك وكل حاجة من دول عاوزة لف ودوران .. وفي الآخر المرتب بعد الحمد لله مش هيعدى 500 جنيه عشان كده أنا مفرحتش |
| جميع الأوقات بتوقيت GMT +2. الساعة الآن 10:17 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.