ادارة مطوبس كفر الشيخ هام وعاااااااااااجل
 

جوابات التعيين اللى وصلت لينا غير حقيقية لأن احنا مكتوب عندنا تثبيت وليس تعيين وفى ادارات تانية داخل نفس المحافظة مكتوب تعيين على درجة تخصصية وعملوا اقرار الذمة المالية
لازم نتصرف بسرعه ونشوف ليه جوابتنا مختلفة عن باقى الادارات وباقى المحافظات
وياريت لو انا فاهمة غلط حد يفهمنى ضرووووووووووووووورى

حضرتك مدرسة ايه .انا خدت جواب التعيين واضح جدا وياريت تنزيلى صيغة الجواب للاطلاع

انا مدرس انجليزي ومكتوب ليا تثبيت مش تعيين ومش موجود الدرجة المالية لية مش عارف

انا مدرسة منية المرشد الثانوية وكل زمايلى ليهم نفس الصيغة انها تثبيت مش تعيين ومش مكتوب اننا على درجة تخصصية
ولو سمحت يا استاذ كمال اكتبلى صيغة جوابك وانت مدرسة ايه

دى صيغة جوابى
صدر القرار الوزارى رقم 53 بتاريخ 14/2/2011 بتثبيت السيد / ..................................... من وظيفة معلم مساعد الى وظيفة معلم / اخصائى تكنولوجيا وذلك اعتبارا من 1/3/2011 ومنحه بدل الاعتماد اعتبارا من هذا التاريخ برجاء اقامته بالوظيفة المثبت عليها اعتبارا من 1/3/2011

ياريت كل واحد يكتب صيغة جوابه لأن فى ناس مكتوب عندها تعيين على درجة تخصصية وبناء عليه البيانات بتتغير فى قسم الاحصاء بالاضافة لعمل 50%
لأن الادارة رفضت تعمل 50% لأن احنا بدون درجة
ارجو سرعة الرد

احنا فى ادارة فوة مكتوب تعين بس الدرجه مش مكتوبه لان الدرجات اتلغت احنا على قانون الكادر لما سالنا قالوا كدة بس والادارة عملت 50%عادى لشهر 3و4 حوالى 76جنيه السكرتيره عملت الاستمارة وورتهلنا

انا كلمت مدير المديرية الساعه 5 وقالى ان الدرجة بتطلع من عندهم وانها وصلت ادارات وادارات لاء وهيا مسألة وقت وهتوصل
بس المفروض نصرف عادى

طيب خير ان شاء الله لا داعى للقلق الموضوع وقت اهه

كيف ان المساله وقت والموظفين عندنا والحمد لله اغلبها بصمجيه والحمد لله
انت تعرف ان فيه موظف هام جدا ؟؟؟؟؟؟؟؟؟؟؟
استغفر الله العظيم
المهم العمل لا يتم عندنا الا بالضغط اى ان العمل لايتم عندنا الا تحت ضغط وشديد
ومصالحنا معطلة حتى الان
والى اللقاء
وهل حضرتك جالك جواب لوحدك ما كل الادارة واخده نفس الجواب بالضبط

وايه الجديد
ابتسم فانت في اداره مطوووووووووووووووووووووووووووووووووووووووبس

انا جمعت اكتر من صيغة جواب داخل نفس المحافظة وواضح جدا ان الجواب تعيين وعلى الدرجة الثالثة
وان شاء الله هنطلع يوم الاحد الساعه 9 امام الادارة للمطالبة بحقوقنا
واللى عايز حقه يجى يوم الاحد ان شاء الله

أساتذتنا الأعزاء
في إدارة مطوبس التعليمية المرتب الخاص بالمتعاقدين منذ 2008 ناقص 30 جنيه
لأن علاوة 2008 والموجودة بمفردات مرتبنا هي أربعة عشر جنيها وأربعون قرشا ( 14.40 ) . والمفروض انها بتكون ثلاثة وأربعون جنيها وعشرون قرشا (43.20ج ) وذلك طبقا للمادة الثالثة من القانون 114 لسنه 2008
وقمت أنا وبعض زملائي بتقديم مذكرة لمدير الادارة بذلك أثناء وجوده في مدرستنا ، ولكنه قال حد يجيلي بيها الادارة
وعندما ذهب أحد الأساتذه بها الي الأستاذ هشام مسئول الماهيات بالادارة قاله احنا عرفنا وهنصرفهالكم بأثر رجعي يعني 30 جنيه × 30شهر = 900 جنيه
ولكن في اليوم التالي ذهب أستاذ آخر للتأكد من ذلك لكنهم قالوله انت بيتخصم منكم صندوق زماله بدسوق ؟؟؟؟؟؟؟؟
ومرتبكم هو الي بتقبضوه بس
ولذلك فقد قررنا تصعيد الأمر الي أعلي المستويات وتقديم شكوي ومذكرة الي الرقابة الادارية ووزارة المالية ووزارة التربية والتعليم والجهاز المركزي للمحاسبات ومحافظ كفر الشيخ
وهذه نص الشكوي
مديرية التربية والتعليم بكفر الشيخ
إدارة مطوبس التعليمية
السيد / .................................................. .....
سلام الله عليكم ورحمته وبركاته
مقدمه لسيادتكم المعلمون الجدد بإدارة مطوبس التعليمية :
تم التعاقد معنا بتاريخ 1/10/2008 ، وفوجئنا بأن علاوة 2008 والموجودة بمفردات مرتبنا هي أربعة عشر جنيها وأربعون قرشا ( 14.40 ) .
و طبقا للمادة الثالثة من القانون 114 لسنه 2008:
اعتبارا من 1/5/2008 يمنح جميع العاملين بالدولة علاوة خاصة شهرية بنسبة 30% من الأجر الأساسي لكل منهم في 30/4/2008 أو في تاريخ التعيين بالنسبة لمن يعين بعد هذا التاريخ ،وذلك دون حد أدنى أو حد أقصى .
- وبناء علي ما سبق فإن علاوة 2008 وبناء على الأساسي في وقتها المفترض أن تكون ثلاثة وأربعون جنيها وعشرون قرشا (43.20ج ) وليس أربعة عشر جنيها وأربعون قرشا ( 14.40 ) .
لذا نتقدم لسيادتكم لبحث هذا الموضوع وإعادة الأمور غلي نصابها الصحيح وإعطاء كل ذي حق حقه ، مع العلم بأن هذه العلاوة تصرف كاملة في محافظات أخري .
جعلكم الله عونا للمظلومين .
مرفق لسيادتكم صورة من مفردات مرتبنا .
ولسيادتكم جزيل الشكر ،،
مقدمه لسيادتكم المعلمون الجدد بإدارة مطوبس التعليمية عنهم :
يا ريت يا زملائي الأعزاء كل واحد يعمل نسخة من المذكرة دي ويمضي عليه المدرسين الي يعرفهم في مدرسته أو أي مدارس أخري ( الاسم - التوقيع - المدرسة التي يعمل بها )
واسحبوها اسكنر وابعتوهالي علي الاميل ده ( wael-7101************* ) وأنا هبعتها لجميع الجهات
وفقنا الله لما فيه خير العباد والبلاد

الاميل wael-7101*************

الاميل علي الهوتميل