|
للشباب فقط . ممنوع دخول البنات
عاملين اية يا شباب
عايزين نتكلم كرجالة اشطة لحد كدة: أولولي ايه رأيكم في بنات الأيام دى (طبعا مش كلهم) . طبعا كلنا بنشوف بنات يوميا . الوحدة من دول تلاءيها ماشية في بؤها اللبانة ولابسة لبس ما يعلم بيه الا ربنا . واحنا ذي الهبل(طبعا مش كلنا)مابنصدق نشوف المناظر دي . أولولي مين فيكوا ممكن يفكر يتجوز وحدة من دول. مين يقدر يآمن على بيته و عياله مع واحدة هو مش واثق ان هو أول واحدة آلتله بحبك و خرجت معاه . محدش يقولي أصل البنات الكول هما الي بينفعوا في الزمن دة عشلن الكلمة دي بتنرفزني. |
السلام عليكم ورحمه الله و بركاته
عايز اشكرك علي موضوعك يا كيمو و فعلا زي ما انت قولت مش كلهم و النوعيات دي اصلا - اللهم احفظنا - مينفعوش غير يتحطوا في محاجر صحيه لانهم وباء بس ياريت يا تيمو نعرض المشكلة بجانب تاني و بلاش الالفاط الكووول دي عشان بتجنني هههههه وان شاء الله يتنقل قسم الرجاله |
ماشي يا شديد
خلاص يا مان أنا هاحاول أبطل الألفاظ دي
ههههههههههههههههههههههههههههههه |
بص يا خالد انا حقولك على حاجه حصلت مع حد اعرفه واحد اتجوز وحدة اخت واحد صاحبه اولا ماشافهاش غير يوم الجواز حتقولى دا كان زمان وفى الصعيد حقولك هو دا الى حصل كل دا ليه اولا حافظه القران كله ومنقبه والبنات بتوع اليومين والله ما ينفعوا للجواز نهائى بص يا بنى والله البنطلون الى بيلبسوه خلاص شويه وحيتفرتك بس احنا خلاص زهقنا والله من كدا كان زمان حكايه البحلقه دى بس بردة المحترمين موجودين يعنى ........
|
ياريت نراعي الاسلوب شوية يا جماعه
بالله عليكم عشان مديش حد مشاركه غير لائقه و يزعل مني نتكلم بموضوعيه و احتراااااااام |
ماشي يا مان
عندك حق وأنا آسف يا جماعة كل واحد يحاول يلم لسانه شوية لأن ميدو بجد بيحترمنا يبأا لازم نحترمه
|
آسف يا شديد بس مش عارف أعمل اية ولو في أي حاجة مش عاجباك احذفها
|
يا سيدي ولا يهمكم بس انا بنبه عشان محدش يكلمكوا يا رجاله
و منورين المنتدي كله |
ماشي يا شديد
أولي يا ميدو ما حصلش معاك اي حاجة في الموضوع دة يعني مثلا أول رأيك في الموضوع بس اتكلم كتير
|
من عيوني يا جميل
اول ما اجي ان شاء الله هكتبلك رد كويس عشان الموضوع ده خطير فعلا يالا عشان زي ما قولتلك بقه بيس يا معلم |
ماشي يا شديد
بيس يا معلم
|
اولا بشكرك لموضوعك ومتهيألى اننا اتكلمنا فيه قبل كده على العموم هنشوف رأى الرجاله ايه فى الموضوع ده |
معرفش انتوا اتكلمتوا ولالأ بس ياسيدي نتكلم تاني و ياريت أعرف اسمك الحقيقي .
شكرا يا معلم |
ازيك يا تيمو
عامل ايه يا معلم والله انا مضايق جدا من الحال اللي وصلناله ده و عايز اقولك حاجة قبل ما نبدأ نتكلم انا عمري ما عاكست بنت ولا عمري هفكر اعاكس بنت مش قله خبرة ولا استشياخ فيها بس بجد انا عندى مبدأ ان اللي بيعاكس ده إنسان مهزق و معندوش اخلاق بص مش هقولك ايه اللي بيكون في الشوارع لاننا كلنا شايفينه والله العظيم بيبقي هاين عليا اني امسك البنت اضربها ضرب مبرح لحد ما اخليها تقول حقي برقبتي بس انا مقدرش اتصرف ابالاسلوب الهمجي ده كل اللي بعمله اني احمي اختي و اوعيها ايه الصح و ايه الغلط و اوفرلها الحنان و الطيبه وكل اللي تعوزه في البيت عشان متفكرش تبص برا وعلي فكرة النقطه اللي انا مركز عليها دي اهم نقطه و هيا السبب في ان البنات تنحرف و كدا مش اقصد الحنان و اللي هيا عيزاه لاء اقصد الاهل بصفه عامه بنت مثلا اهلها مماشينها بالكرباج و الضغط و القمع و كل حاجة بالعنف والله ما حل خالص لان مع اول فرصه تتسابلها لا قدر الله الاب مات ولا حاجة البنت هتدخل مرحله من الانفتاح و عايزه تعرف و تشوف ايه اللي اتحرمت منه لكن لما الاب يكون حكيم في معامله بنته و يعرفها الصح من الغلط و يوفرلها اللي هيا عيزاه و الام عليها التوعيه و الاخ عليه الحمايه و انه يصاحبها و يعرفها اسراره و يعرف اسرارها تأكد انك مش هتلاقي حاجة من دي علي فكرة انا مشملتش الدين لان التدين حاجة اساسيه و برده علي الاهل انهم يتابعوا بناتهم بصفه مستمره مش باسلوب المراقبه لا باسلوب المتابعه اتمني اننا نبقي في حال احسن و ربنا يهدي الجميع من شباب و بنات |
مشكور يا شديد
والله عندك حق أنا عن نفسي مبعملش كدة عشان مش عايز دة يتعمل في بنت عمي(لأن أنا معنديش اخوات بنات)ودايما بحاول أكون معاها عشان تنتبه لكل حاجة . وفعلا البنات بتنحرف لسببين أنا شايفهم 1-مفيش دين ولا فية متابعة من الأهل 2- ممكن يكون البيت محترم بس البنت من دول مخها متركب شمال ولازم تنحرف يعني لازم تنحرف و بيكون دا بمزاجها. والتشديد الزايد على فكرة برضوا غلط زي مانت بتقول. وشكرا يا معلم |
| جميع الأوقات بتوقيت GMT +2. الساعة الآن 12:06 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.