تعالوا نفتح قلوبنا ونتكلم بصراحه
 

بجد فى كلمات اغنيه للشهداء لما بسمعها بفكر فى كلمتها كتير جدا وخصوصا جمله بودع الدنيا وشايفك يامصر حلوة ولبسى جديد طيعا مكنشى حد يتخيل فى يوم من الايام كل الاحداث اللى حصلت دى ومنها طبعا سجن رموز الفساد فى البلد بس ياترى ده كفايه عشان نشوف مصر حلوه ولبسى جديد ولا لازم حجات كتيرة اوى تحصل علشان نشوف مصر جديده تعالوا كدة معى بعض معلمى مصر نفتح قلبنا ونتكلم بصراحه ونقول لازم ايه يحصل علشان نشوف مصر على القمه احنا شباب كلنا امال واحلام ورديه كل واحد فى نفسه حاجه تحصل يقول عليها عشان انا نفسى بجد يتسمع صوتنا ونقول عيزين نشوف مصر ازاى
وانا اول حد (انا عوزة بلدى مفهاش محسوبيه )
مين تانى هيقول عاوز مصر يشفها ازاى

اذا كانت بجد بلدنا فاتمنى: تحترم العلم وتقدر العلماء تشوف كل الناس ع انهم مواطنين درجة اولى له نفس الحقوق وعليهم نفس الواجبات اى كان منصبهميبطل الموظفين يفتحوا الدرج عشان يعملوا شغلهم اللى ف الاساس بيقبضوا عليه مرتباتهم كل واحد يحترم نفسه ويحترم الاخرينميبقاش ف فساد ولا غش ف الامتحانات

لسه يامستر مش بلدنا بلدنا طبعا غصب عن اى حد بس احنا اللى نغيرها وكل واحد يبدا بنفسه انا حصل موقف معايا معى بنتى ولما بلمها عليه ردت عليا وقلتلى كل الناس كده ياماما اشمعنا احنا فقلتلها لازم نبدا بنفسنا ومن يوميها اخدت عهد على نفسى لازم اغير وابدا بنفسى واولادى

نفسي اشوف مصر أوربية بنكهة اسلامية كل واحد شايف شغلة ومحترم نفسة وبيحترم الاخرين وفيه مساواة في كل شئ
لافرق بين وزير ومواطن عادي

لخصت فاوجزت ودا مش جديد عليك استاذ على بجد دى امنيه ندعى كلنا انها تتحقق بس بجد تعبير بليغ جدا بلد اوربيه بنكهه اسلاميه وهو دا فعلا اللى كلنا بنتمناه وعلى فكرة انا سافرت بلد عربيه(السعوديه ) وليست اوربيه ولكن كان هذا هو السائد هناكفعلا السعوديه سبقتنا كتير اوى

انا بقي بيتهيقلي ان مصر عمرها ماهتتغير ولازم علي مر الزمن يجيلها حكام تظلمها والناس لازم تفضل كده والمثاليه اللي بنحلم بيها مجرد وهم مش ممكن يتحقق مدينه فاضله دعا اليها افلاطون اما احنا ففي الدنيا والدنيا مش ممكن تبقي فيها خير مطلق والا مكنتش اتخلقت الجنه والنار

http://i3.makcdn.com/wp-content/blog...b856147c1l.gifأنا عاوز بلدي يكون التعليم فيها متميز عشان نطلع جيل يحميها ويدافع عنها في كل المجالات مش زاي اللي في صورة دي

[quote=aleman;3326400]طيب ممكن نقول ايه اللى لازم يتغير فينا الاول احنا المعلمين وفى طلبنا ونبدا بنفسنا

نفسى نحترم بعض ومش كل واحد يحاول يفرض طريقة تفكيرة على التانى
نفس نقبل الاختلاف بجد نفسى يكون فى حرية نحترم الانسان لأنة انسان وربنا كرمة وكل واحد مسؤل عن نفسة
نفسى يكون عند كل واحد فينا ضمير بجد يأدى عملة بأمانة ويخلص فية وهو مؤمن ان ربنا هيجازية على أمانتة واخلاصة لعملة
نفسى نحترم القانون والنظام
نفسى كل واحد معاة ورقة يحطها فى شنطتة ويرميها فى سلة المهملات بعد ما يروح
نفسى يكون فى رحمة وحب فى كل تعاملاتنا مع بعض
نفسى نبطل أدانة
نفسى نقدر العلم والتفكير المنطقى فى كل حياتنا
نفسى فى حاجات كتير اهمها الحرية كل واحد لية رأية وتفكيرة طالما مش بيأذى غيرة
نفسى اشوف مصر بلد متقدمة ومنظمة وبتحترم القانون

وانا معاكى فى كل اللى قلتيه ياسهى بجد تسلمى

بجد اراء محترمه جدا من شخصيات محترمه جدا جدا جدا وبيحبوى بلدهم جدا جدا جدا ونفسهم تبقى احلى واجمل بلد فى الدنيا انتوا عارفين لو كل حد فينا ترجم اللى جواه وبدا بالفعل ينفذة هنشوف مصر دى احلى بلد فى الدنيا

مشكور استاذ عبد الحميد فعلا كلام حضرتك مظبوط ميه %100