بوابة الثانوية العامة المصرية

عايز حد يفكر معايا إيه اللى هايحصل إذا قلت لأ

إذا قلت لأ لواحد بيعاكس بنت هايدينى مطوى يعملى عاهة مستديمة

إذا قلت لواحد أما يرمى كيس زبالة فى الشارع ماترميش هاينهال علية بسيل من الشتايم هايخلينى فى نص هدومى

إذا شفت حد بيغش فى إمتحان آخر السنة هاقل للمراقب يروح يقولى ياعم سيبك وإذا شكيت المراقب لرئيس اللجنة المراقب هايطلع عينى فى الإمتحان ومش هايخلينى أبص جنبى

دى حاجات هاتحصلى إذا قلت لأ بس دة لما هأقول لأ لوحدى

بس ياترى إيه اللى هايحصل لما أنا وثلاثة أربعة كدة نقول لأ

الواد اللى بيعاكس البنت هايختشى ومطوته مش هاتكفينا كلنا

ولما نقول كلنا للى بيرمى الزبالة لأ مش هايقدر يتكلم وهايبقى هو فى نص هدومه

ولما كلنا نقول فى إمتحان آخر السنة للغشاشين لأ ساعتها المراقب هايبقى هو اللى فى مشكلة كبيييييييييييييرة

مش كدة ولا إيييييييييه؟