شاركونى حزنى وواسونى
 

اولا السلام عليكم
انا مدرسة ولست مدرس تعرضت لموقف ضايقنى جدا وهو يعبر عن جهل بعض المعلمين
فى قسم بامنتدى فى منتدى المعلمين فى موقعنا هنا مسئول عنه اخ كريم اسمه استاذ فتحى تسأله فى كل امور الماليات وقد كتبت له مرتبى ورد على بكم زيادة شهر 4 وشهر 7 والمكافأة وعندما حكيت لزميلاتى اصروا على اعطائى الاساسى ليعرفوا زيادة مرتبهم كام وفعلا تم ذلك
وعندما كنت بأعطيهم البيانات قالتلى مدرسة لا تعرف حتى تفتح الكمبيوتر
(يعنى انتى بتعملى شات وبتتكلمى معاه وعطاكى المعلومات فرديت عليها ان ده مش شات ده منتدى احنا بنكتب فى
وده طبعا كلام هى مش فهمه
المهم فكرتهم عن استخدام النت هى الشات وبس وكانت بتقولها بطريقة سخيفة جدا
هذا نتيجة الجهل ولكن انا مجروجة الى اليوم

هههههههههههه تخيلى بقى لو بعتى للوزارة وردوا عليكى هتقولك دية صاحبة الوزير
متشغليش بالك بالسخافة دية بجد مينفعوش معلمات اصلا
انتى فهميهم ان النت دة تكنولوجيا اكبر من معرفتهم وان لية افاق متعددة مش هو الشات خالص

الجهل ده هو اللي مرجع مصر لورا عل طول
ارجو منك الا تحزني عن ما قالته هذه الجاهلة التي تشوه سمعة المدرس بجهلها وعدم معرفتها الفرق بين المنتدي والشات
واريد ان ارد هنا علي كل من قال في ذلك المنتدي ونادي بضرورة تثبيت المعلمين المساعدين بغض النظر عن شهادة الكمبيوتر انه غبي وجاهل كبير والدليل علي ذلك هذا الموقف التي تتحدث عنه الزميله .

انا بقي هرد عليكي واقولك كبري دماغك منهم ودعكي من الجاهلين امثالهم الذين لا يعرفون شيئا التي جاؤ من تحتها وطبققي كلام اللمبي كبر كبر ياعم الحج

متزعليش نفسك ياحبيبتى
هى السخافه انك بتستخدمى الكمبيوتر بس
هتلاقى اللى بتبصلك عشان اللبس
ولا طريقتك فى الكلام انت اصلا مش هتعرفى تلاقيها منين ولا منين السخافه دى محوطانه ليل نهار لان كل واحد مفكر نفسه هو الصح والباقى غلط

بجد شىء مخجل جدا طبعا ليهم وليس لك اختى الحبيبه مخجل لهم لانهم لسه عيشين فى عصر اخره شويه حريم قعدين فى اوضه المدرسين يتكلموا عن الطبيخ واسعار الخضار والفاكهه وشوار البنات اللى الحاجه فيه بقت بكام والراجل اللى مدوخها ومبيجيش غير وش الصبح لانه طبعا طفشان منها وهى مش عارفه كدة اسالينى انا عليهم دانا حفظاهم صم دول اخرهم تردى عليهم بمنتهى الاحترام والسخريه فى نفس الوقت ان الحجات دى لسه بدرى عليها اوى على مايفهموها وهيفهموها لما يطلعوا معاش ان شاء الله يكونوا فضوا شويه هههههههههه هم يبكى وهم يضحك

ههههههههههههههه فعلاااا

هههههههههههههه
حصل معايا نفس الموقف وقالولى هوانتى من شباب الفيس بوك وهما اساسا ميعرفوش الفرق بين الفيس بوك ولا الشات ولاحتى الايميل
متزعليش سيبك منهم

ولا يهمك ....... انسى
يوم ماتزعلى تزعلى من شخص بيفهم

انا حقولك حاجة واحدة بس قال على بن ابى طالب حدثوا الناس بما يعقلون.................

اجملر د مقولة الامام الشافعي رحمه الله



اذا دعاك السفيه فلا تجبه فخير من اجابته السكوت
انك ان تجب فجت عنه وان خليته كمدا يموت



وقول الشاعر


لكل داء دواء يستطب به الا الحماقة اعيت من يداويها

ولا تحطى فى دماغك اختى
انا كنت خايف احسن يكون بيطلع من الكمبيوتر وتعمليله واحد شاى وواحد سندوتش