|
خـــــــبر عـــــــــــــاجل
اعرض عليكم اليو ما استقر عليه اخواننا الذين حضروا الاجتماع بنقابة المعلمين بالقاهرة وهى كالاتى * لقد تم تشكيل وفدين للمجلس العسكرى ومجلس الوزراء وذلك لعرض * طلباتنا وهى كالاتى * 1_تعيين جميع المتعاقدين واجر وحصة بجميع مدارس الجمهورية وذلك لسد العجز * 2_الا يقل الحد الادنى للمعلم عن 3000جنيه عبر هيكلة الاجور مع مراعاة البدلات الخاصة وسنوات الخبرة للاقدميات وبحد اقصى 6 اضعاف اى 18000 * 3_صرف حافز بنسبة 150%لحين هيكلة الاجور وعودة الدرجات المالية للمعلمين * 4_عودة جميع المستبعدين امنيا والمحولون الى عمل ادارى بسبب تقارير امنية * 5_الغاء اختبارات كادر المعلمين لحين تغيير كل التشريعات المرتبطة بالتعليم * 6_حل مجلس نقابة المهن التعليمية وايداع جميع مستنداته تحت يد جهات التحقيق الرقابية * 7_اقالة الوزير وجميع القيادات القديمة التى اساءت الى المعلم المصرى والغاء وظيفة القطاع المركزى للامن السياسى والاتصال السياسى وابعاد الامن السياسى عن التعليم قبل الجامعى * 8_التعهد بتغيير كل البنية التشريعية المنظمة للتعليم وشروط العمل وهى القانون 139 لسنة 81 و155 لسنة 2007 وقانون 82 لسنة 2006 و قانون المهن التعليمية * 9_تساوى مكافاة الامتحان مع جميع العاملين بالامتحانات فى جميع القطاعات * 10_مساواة جميع العاملين بالعاملين بالوزارة معلم وادارى * 11_ضرورة فصل الشئون القانونية عن الادارة * 12_ضرورة تقديم اعتذار من رئيس الوزراء للمعلم عما بدر من اهانة من السيد رضا ابو سريع الى معلمى الجيزة * ونحن اذ نتقدم بهذه المطالب نؤكد على ان اى التفاف عليها او اى تباطؤ فى تنفيذها سيكون هو المحرض الحقيقى للاضراب والاعتصامات * كما نؤكد على تضامنناالكامل مع الذين امتنعوا عن امتحان الكادر فى جامعة القاهرة |
يارب يامسهل بس 3000 مش كتير شويه احنا اكبر وزاره فيها عاملين فى الدوله حيجيبو الفلوس دى كلها منين
|
الله ينور ايه الحلاوة دي يعنى لو تحقق ثلثي هذه الطلبات يكون فل اوي
|
اللة ينور عليكو الاجر والعقد لازم يتسبتو هو دة الكلام لكن اذا اردت ان تطاع فائمر بما هو مستطاع 3000جنية كتير ياجماعة فى الظروف اللى بتمر بيها البلد اقتصاديا
|
3000 مش كثير علينا
أولاً أحنا المفروض نأخد 1200 جنية زى أى موظف فى الدولة و دة بحكم المحكمة الأدارية العليا + كادر حقيقى للمعلم لأن الوزارة طالبتنا بمهارات و مميزات خاصة نتميز بها عن أى موظف فى أى قطاع آخر فى الدولة ( icdl + شهادة تربوية + أجتياز أختبارات كادر فى التخصص و المعلومات العامة) بس الموضوع كلة أن نظرتنا لأنفسنا أصبحت ضئييييييلة و مستكترين الـ 3000 علينا و بالنسبة لميزانية التعليم : تستحمل و نص و تلات أربع بس المهم من غير سرقة * يسرى الجمل أول ما أبتدع كادر المعلم قال فى الجرايد أن الحد الأدنى لكل معلم سيكون 1000 جنية وبعد كدة لاقاها كتير علينا راح قايل 500 جنية كفاية و بعدين قال أحنا نعملها شرائح أحسن و أقل حاجة 50% من الشامل و أنتهت على الأساسى * مدير مدرستنا طلع معاش العام الماضى و أخد على قلبة أد كدة مكافأة نهاية الخدمة(40 سنة) = = = 10 آلاف جنية الراجل كان نفسة يروح يحج بس معرفش : قال أعمل عمرة كفاية |
ياررررررررررررررررررررررررررب كل هذا يتحقق
|
تسلموا والله يارجاله ايه الحلاوه دى دا اذا حصل الموضوع دة مفيش اى مدرس هيسافر بره مصر
|
اضراااااااااااااااااااااااب
|
الله ينور بسى محتاجين يكون ضمن القرارات يكون كل واحد فى تخصصه
|
والله يجماعه 3000 جنيه مش كتير ده اقل واحد فى البترول بيخدهم ولكن الوقت الحاضر صعب على مصر شويه لازم نقف معاها ونعدى الفتره الصعبه دى وبعدين نتحاسب ولو لقينا وزارة ثانيه عملت حاجه نقف واقفه جامده
|
يا معلمى مصر لازم تقفو ا بجانبا ولو لمره واحد سوف ننتظركم يوم الاحد امام الوزاره والله الموفق والمستعان يد الله معا الجماعه
|
ايه الجمال ده ايه الحلاوة دي
ايه الي بيحصل ده ايه الي شايفة ده بجد بجد رجالة هو ده الكلام والا بلاااااااااااااااااااااش الله ينور يا رجااااااااااااااااااااااااله |
انتم نسيتونا يا اساتذة يا كبار الف شكر دة احنا اللى نزلنا واتبهدلنا ونمنا على الاسفلت ف عز البرد واللة تشكرو اوى انا كان كنت فاكركم هتقفوا جنب اللى بياخدوا 200 جنية قبل ما تفكروا ف ال18000الف جنية عموما الف شكر بس انا وغيرى كتير مش معاكم
|
ياريت بلاش مبالغة فى الاجور ونحس شوييه بحال البلد لما يكون الحد الادنى 1200 معقول جدا والاقصى 2000 بلاش نطلع فيها قوى كده والحمد لله اننا بناخد مرتبنا فى وزارات ليها مرتبات شهور متأخرة
|
انا برده بأيد الاعتدال كويس إذا أردت أن تطاع فاطلب مايستطاع
|
| جميع الأوقات بتوقيت GMT +2. الساعة الآن 07:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.