سؤال للشباب و البنات
 

السؤال دة مفتوح للطرفين:
اية الحاجات الي بتعجبك والي مش بتعجبك في البنات
و اية الحاجات الي بتعجبك ومش بتعجبك في الشباب

بس أهم حاجة كل واحد و وحدة يلموا لسانهم شوية.
مع تحياتي تيمو فيروس

اية الهدى الي نزل عليكوا فجأة دة .ماتتكلموا والا خايفين .؟؟؟؟؟؟؟؟؟:mad:

يا عيني دا خوف درجة اولى :mad:مش مهم هابدأ أنا .
أكتر حاجة بحبها في البنات1-الهدوء الي المفروض يكون موجود فيهن كلهن.2- ان هما أهم تاني حاجة في حياة الراجل (يعني دة معناه ان هما ليهم قيمة كبيرة _مش كلهم_)
3-الذكاء _على فكرة معظم البنات الي انا شوفتها عليهم ذكاء يودي في داهية.
4-بحب أوي البنت الي واثقة من نفسها _متواضعة_جريئة بس بنوع من الحياء
5-بحب أوي البنات الي بتتكسف _مش أصدي الخجل الزاااايد أوي_لأ أنا أصدي البنت الي عندها حياء;)
_____________________________________________
بكرة الصفات دي:1-حب السلطة و الملك . 2-الغرور لما الواحدة منهم يكون عاندها حاجة حلوة مش عند غيرها
2-(كيد النساء)الي مالهوش حل دة لو الواحدة من دول حطوها بين أمريكا و اسرائييل هاتخليهم تاني يوم مموتين بعض.3-مش بيقدروا ان الراجل بيتعب و بيشقى لأ كل حاجة عايزاها (انا صاحبتي عندها دي اشمعنا أنا)الكلمة دية علاطول بيقولوها.4-الجرئة الي داخلة على(قلت أدب)................وغيره و غيره بس كفايا كدة واكمل و قت تاني:mad:
_______________________
طبعا الكلام دة فيه حاجات مش بتنطبق على كل البنات;)

شكرا يا سارة على المشاركة بس أنا مش فاتح الموضوع دة خطبة(آسف بس المشرفيين بيضيقوا من الكلام الزايد دة).يعني أنا فاتح الموضوع دة عن الشخصية الي احنا شايفنها مش بقول اية مواصفات فارس أحلامك.
ثانيا أرجوك بلاش الكلام الجامد دة يعني بلاش(انا مستعدة للتعرف علية فقد أرى فية ما لا يراه غيري).وبلاش الطلبات الي انت كتباها من أول(التعامل وع الناس لغاية الآخر). على فكرة آسف مرة تانية بس أنا طالع عيني بسبب الكلام الي بيتكتب دة والمواضيع بتتحذف والمشرفيين بيزعلوا .أرجوا مراعاة الكلام .أو لو الموضوع زاد عن حده بجد هيتقفل.
شكرا

اللي مش بيعجبي خالص في الشاب انه يكون لابس سلسله بكره اوي
وكمان اللبس بقي وحش زي مفي بنات كتير وحشين في شباب كتيييير وحشين جدا

بيعجبنى الرقة والحنان والتسامح

والشباب عنده احلام وحب وتحقيق هدف وشجاعة فى سبيل الى بيحبه

بس

لكن البنات مش وحشين يا شباب برضه

مشكورة على ردك و مش كلنا بنلبس سلاسل دي حاجة عيب علينا .
و بالنسبة لميدو أنا مأولتش ان كل البنات وحشين ومأولتش ان كل الشباب حلوين في كدة وفي كدة و مشكور يا مان

اولا الصفات اللى بتعجبنى فى الشباب انه يكون فيه جدعنة المصريين اللى تقريبا مش فى اى حد غير المصرى لانه مميز بالشهامة وكمان بيعجبنى الادب و طبعا التدين و الذوق اما ييجى يكلم اى بنت فالانسان المهذب يحترمه الجميع و ان لم يعجبو بشخصيته
انا قلت الصفات و ما جتش ناحية الشخصية اما الصفات اللى ما بتعجبنيش قلة الذوق و البصة اللى مش مضبوطة للبنات و الشخصية الضعيفة و عدم تحمل المسئولية و بعض التلميحات للبنات -طبعا الشباب و البنات عارفينها كويس-
اما البنات فانا اينعم بنت بس فى حاجات ما بحبهاش فى بعض البنات زىمثلا الدلع الزيادة عن الحد يعنى اوكى ندلع بس على اللى ينفع ندلع عليهم مش لازم اثبت للكل انى دلوعة
و من الصفات اللى انا بحبها و بفخر انى بنت عشان فيا الحنية و الذكاء العاطفى بمعنى ان اى بنت لو حد قدامها زعلان -زى باباها - مثلا تقدرغالبا- تخليه يضحك و كمان الرقة و الادب و الخجل
و...............................

اية يا معلم هو انت رايح تشتري مقلمة . انا بسال اية المميزات والعيوب الي انتا شايفها في البنت . والعكس للبنات . .......

بصوا يا جماعة طبعا كل واحد هيقول صفات حلوة ومرحة وذكية وخفية الدم وكذللك البنت هتقول ياريت يكون زي بابا وزيه في الطباع


لكن في الحقيقة لكل شخص مواصفات في شريكة حياتة واحلامة الحب مش كلمة سهلة لان الانسان قبل الحب شي وبعد الحب شئ تاني


وشكرا علي الموضوع جاءنا البيان التالي

وانتظر التعليق علي ردي وشكرا