اعتراف من شئون العاملين بادارة مطوبس بخطأ فى جوابات التعيين
 

ذهبت الى الادارة اليوم انا ومجموعة من زملائى قدمت مذكرة الى مدير الادارة بخصوص عدم وجود درجة مالية فى ادارة مطوبس قام برفع المذكرة الى شئون العاملين الاستاذ زغلول قام بتهدئة الموقف وقال ان مستحقاتنا
وان كشف المرتبات تم تعديله فى شهر 4 بحيث نأخذ ال 50% وسالته على الدرجة امتا هناخدها قال انها هتيجى فى شهر 7 قولتله كده هيكون فى اختلاف بينا وبين المحافظات الاخرى فى تاريخ الدرجة قالى لاء هتاخديها من تاريخ استلام العمل طبعا كل كلامه انا مش مقتنعة بيه
خرجنا من عنده واقترح زميل لنا ان نذهب الى الشئون القانونية بالفعل ذهبنا وعرضنا الموضوع قام باحضار الاستاذ احمد عبد الرحمن وقال انه جاله نشرة بالتثبيت وليس التعيين استغربنا جميعا لما يقول واحضرنا صورة من القرار الوزارى رقم 53 الذى ينص على تعيين المعلم المساعد
وطلبنا منه ان يحضر النشرة اللى وصلته طلع فيها تعيين وليس تثبيت ثم قال المسئول فى الشئون القانوية انه سيتم القيام بالتصال فورا بالمديرية لاتخاذ اللازم لان كده فى غلط فى تنفيذ القرار
وطبعا كان معانا اثبات من اكتر من محافظة ان الجوابات مكتوب فيها تعيين على الدرجة الثالثة
بالاضافة لجوابات داخل ادارات فى نفس محافظة كفر الشيخ

ثم قالوا لنا ان نحضر لهم بعد 4 ايام يعنى يوم الخميس لمعرفة آخر التطورات
لذلك اطلب من جميع المعلمين الجدد فى ادارة مطوبس ان يكونوا موجودين لأن كل ما العدد بيكون اكتر كل ما بتكون سرعة تلبية المطالب بتكون أسرع

والله الموفق

حقنا المنهوب
 

لازم تقفوا جميعا يدا واحدة فما أكثر الفساد فى الإدارات التعليمية فيتحكم فيها أناس لا يفهموا شيئا ويقوموا بقراءة الفاكسات حسب أهوائهم فلازم نكون جميعا هناك يوم الخميس لتغيير الجوابات وجعلها تعيين وأخذ 50% إضافة للمرتب نحن جميعا معكم قلبا وقالبا
أحمد سعيد أحمد وعيوع

ياريت فعلا نكون كلنا ايد واحدة انا بحاول اجمع اكبر قدر ممكن من الزملاء
وياريت حضرتك تبلغ كل اللى تعرفهم لان الموضوع مينفعش يتكست عليه
حقنا هيضيع لو ما كنتش ايدنا فى ايد بعض

وفرو على نفسكم المجهود لحاجات اهم
اخر النهار اتصلو بالادارات التانيه
لانكم هزتوهم وخوفتوهم جدا
والدنيا اتقلبت فى الاداره وخافو على نفسهم المهم
الادارات التانيه قالت ان الجوابات دى سحبت لانها سلمت لاصحابها بالخطا
المهم توحيد المجهود فى اضافة الفروق الى المرتب باثر رجعى

وغير ذلك من طلبات تعيد لنا الكرامه ونحسسهم اننا صاحيين وكذلك وؤهلات عليا بجد مش اى كلام
وربنا مع الحق دائما

كله من احمد عبد الرحمن اللى عملى فيها فيلسوف زمانه دول لازم يتسحله مش هنسيبهم الا لما ناخد كل حقوقنا

معنى كلام حضرتك ان هما عاملين حاجة غلط علشان كده خايفين
يبقا احنا ما نسكتش لازم نستمر ونروح يوم الخميس ونطالب بحقوقنا فى الدرجة وفى فروق المرتب
لما نكون كلنا ايد واحدة ورأى واحد هيسمعوا لطلباتنا غير لما كل واحد يروح لوحده
ارجو ان نتمسك بحقوقنا

يا جماعة انا قبضت فعلا النهاردة المرتب الجديد بد التعيين وهو
383 جنيه + 24 جنيه نسبة الزيادة 15 % = 407 الاجمالى
مع العلم انى مرتبى قبل التعيين كان 386 يعنى نقص 3 جنيه
كمان كان هناك بدل اعتماد واحد وهو نسبة 50% من الاساسى يعنى بعد الخصومات 74 جنيه
وجدت النهاردة وانا بمضى على المرتب ان هناك اضافة بدل الاعتماد اللى مقرر لينا بعد التعيين بنسبة 50% يعنى كمان 74 حنيه يعنى بالمنطق مرتبى كان 386 جنيه + زيادة بدل الاعتماد 74 + زيادة 15 % وهى 24 جنيه يكون الاجمالى + 4 جنيه علاوة =488
سؤال واحد بس ياريت حد يفدنى
مهناه ايه ان 74 جنيه تنضاف و4 جنيه بدل علاوة والجمالى ينقص 3 جنيه
وعموما منهم لله وحنا السبب فى هذه المهاذل
انا من ادارة التل الكبير / الاسماعيلية
تعاقد 2005
تعيين بتاريخ 28/2/2011

وصلتنى اخبار اليوم من زميلة لى انها قابلت الاستاذ احمد عبد الرحمن وقال لها انه سوف يتم تغيير الجوابات فى الادارة يوم الخميس يعنى بكرة
معنى كده لازم كله يروح بكرة لاستلام الجوابات الجديدة ولو محصلش انها اتغيرت
مش هنسكت عن حقنا

على فكرة انا سألت أحمد عبد الرحمن امبارح وقال ان التعيين هوا التثبيت ومفيش جوابات متغيرة والدرجة المالية لسه فى شهر سبعة
معنى كدة انهم بينيمونا

ربنا يستر علينا من اللي بيتعمل فينا

سواء الجوابات اتغيرت ولا لاء احنا لينا حق ومش هنسيبه
وان شاء الله بكرة هنكون موجودين وهنكون ايد وحده عشان حقنا ميضعش
انا جمعت عدد كبير من التوقيعات وان شاء الله هجيب المذكرة معايا بكرة لو حد عايز يوقع

خدو بالكو من خديعة طلعت

معناه ايه الكلام ده
احنا اصلا قولناله اننا هنروح المديرية والتنظيم والادارة ومش موافقين بتغيير صيغة الجواب اللى هو عملها
وعلى فكرة المديريه فيها الدرجات الخاصة بادراتنا بس المسئول فى الادارة مارحش استلم النشرة بكده
ومدير المديرية قالى ان الدرجة بتاعتنا من تاريخ القرار مش من تاريخ 1/3

بس ارجو التوضيح يعنى ايه خدو بالكم من خديعة طلعت

ههههههههههههههههه
انتوا عطينه وضع اكبر من وضعه هيكون اكبر من حسنى بشكوى صغيره ونخلص منه ياريت متدوش حد اكبر من قدره
ده حته موظف دبلوم عيب تقول كده ده انت معلم فاضل ومعاك اعلى شهادات
احنا محدش هيضحك علينا تانى
حقنا هناخده غصب عن الجميع