بوابة الثانوية العامة المصرية - البطاطس حلال شرعا !!.

السلام عليكم و رحمة الله

طبعا كلنا عارفين الحملة الليبرالية و العلمانية ضد الإسلاميين المنتشرة اليومين دول
و أغلبنا عارف إنها غرضها الأساسي التخويف من الإسلام ,
علشان الناس ما تطالبش بتحكيم الإسلام http://www.ebnmasr.net/forum/images/smiles/new/lac.gif
لأن ده بيتعارض مع مصالح العلمانيين و الليبراليين اللي ( عندهم حساسية ) ضد كل ما هو ديني
فبينشروا بين الناس إن الإسلام هيقطع ودانهم http://www.ebnmasr.net/forum/images/...ew/smiley7.gif , و يركبهم جمال و حمير
و يحرم عليهم http://www.ebnmasr.net/forum/images/smiles/new/hmm.gif العربيات و الموبايلات و الساندويتشات و كل الحاجات ,
و يحرم عليهم عيشتهم كلها ,

علشان كده أنا حبيت أبدأ النهاردة بفقرة ( هل تعلم ) عن الإسلام :
هل تعلم ..
هل تعلم أن البطاطس حلال شرعاً http://www.ebnmasr.net/forum/images/.../new/fun22.gif !!
هل تعلم أن الخيار - سواء كان استراتيجي و لا عادي - يجوز أكله http://www.ebnmasr.net/forum/images/smiles/new/yes.gif !!
هل تعلم أن عصير القصب , مش مُنكر و العياذ بالله http://www.ebnmasr.net/forum/images/smiles/wassat.gif !!

هل تعلم أن ركوب البسكلته أو الموتوسيكلات أو العربيات المرسيدس و حتى الفيات 128 ,
و لعب كرة القدم و الكورة الشراب ,
و استخدام الراديو و الموبايلhttp://www.ebnmasr.net/forum/images/.../telephone.gif و الأتاري و الكمبيوتر http://www.ebnmasr.net/forum/images/.../new/crash.gif ,
و لبس القميص و البنطلون و الجلابية , و الجيبة و البلوزة و العباية ,
و أكل الرز و المكرونة الاسباجتي و الملوخية الناشفة و القُرَص اللي بعجوة و السادة و ......
كل الحاجات دي و غيرها .....

حلالٌ حلالٌ حلال !!

آه و الله , كل الحاجات دي حلال http://www.ebnmasr.net/forum/images/smiles/wink.gif
أقول لك حاجة أجمد من كده الإسلام بيقولها ؟؟
خد عندك :
الأصل في الأشياء كلها إنها حلال http://www.ebnmasr.net/forum/images/smiles/new/yes.gif
إلا حاجات قليلة قوي ربنا حرمها علينا ,
مش تعنت لا سمح الله , لكن علشان هي حاجات ضارة ,
ممكن نكون احنا عارفين ضررها و ممكن نكون لسه مش عارفين ,

يعني الإسلام مش جاي يخنقنا و يحرم علينا عيشتنا ,
بدليل إن الحاجات الحرام -اللي هي أصلا ضارة- قليلة جدا بالمقارنة مع الحاجات الحلال ,

لأ , و ( المفاجأة الكبرى ) http://www.ebnmasr.net/forum/images/...ew/whistle.gif إن الإسلام بيأمر الناس بالتيسير , و بيبعدهم عن التشدد ,
قال تعالى : { يريد الله بكم اليسر ولا يريد بكم العسر } [البقرة: 185]
قال تعالى: { يريد الله أن يخفف عنكم } [النساء: 28]

بل كان رسول الله - صلى الله عليه و سلم - يحث الناس على استخدام الرُّخَص اللي ربنا سمح لينا بيها فقال :
(( إن الله يحب أن تؤتى رخصه ، كما يحب أن تؤتى عزائمه ))
[ الراوي: عبدالله بن عباس - المحدث: الألباني -
المصدر: صحيح الترغيب - الصفحة أو الرقم: 1060
خلاصة حكم المحدث: صحيح]

و ده كله زس ما وضحنا لأن الدين مش موجود علشان يعقد علينا عيشتنا http://www.ebnmasr.net/forum/images/smiles/no.gif و يخنقنا ,
بل كما قال الرسول :
(( إن هذا الدين يسر ))

[ الراوي: أبو هريرة - المحدث: الألباني
المصدر: صحيح النسائي - الصفحة أو الرقم: 5049
خلاصة حكم المحدث: صحيح]

و الرسول - صلى الله عليه و سلم - كان أفقه الخلق ,
و كان بيعمل زي ما قالت أمنا السيدة عائشة :
" ما خُيِّر رسول الله -صلى الله عليه وسلم- بين أمرين إلا أخذ أيسرهما ما لم يكن إثما ،
فإن كان إثما كان أبعد الناس منه " [البخاري و مسلم]

و هنا بقى مربط الفرس زي ما بيقولوا ,
( ما لم يكن إثماً ) ,

يعني مش علشان " الدين يسر " , و " يسروا و لا تعسروا " ,
يبقى كل حاجة نعملها و كل حاجة تبقى حلال ,
لأ ,
- فيه حاجات هتفضل طول عمرها حرام و لازم نبقى أبعد الناس عنها ,
و ما نقعدش نفحّر فيها و نحاول نخليها حلال ,
- أما باقي الحاجات فهي حلال و
ما حدش ييجي و يخليها حرام و يضيق علينا ,

علشان كده العلماء اللي فاهمين الدين صح كانوا بيقولوا :
" إنما الفقه رخصةٌ من ثِقة , أما التشدد فيحسنه كلُّ أحد "

لكن خلي بالك من حتة ( من ثقة ) دي
يعني ما تروحش http://www.ebnmasr.net/forum/images/smiles/new/nono.gif تبحث في أقوال العلماء لحد ما تلاقي قول ضعيف أو مرجوح أو شاذ بيقول إن الحاجة دي حلال ,
و تروح قايل : حطها في رقبة عالم و اصبح سالم http://www.ebnmasr.net/forum/images/...ew/whistle.gif ,
لأ يا زعيم ,
فقد اتفق العل
ماء على أنه :
" من تتبع رخصة كل فقيهٍ تزندق "

و الخلاصة إن مش لازم كل حاجة في حياتنا تبقى حلال
فيه حاجات ( قليلة ) هتفضل حرام طول عمرها لأنها أكيد فيها ضرر
لكن أغلب الحاجات اللي حوالينا في الدنيا حلال بيعملها الناس عادي
و الإسلام دين رحمة و سعة و ليس فيه حرج
إنما حرم علينا ما يضرنا
و ......

و أخيرا اترككم مع الرابط التالي :
http://www.youtube.com/watch?v=X3pl2lcIlNU

و لو عاوز تحمله من هنا :
http://aljaami.myblog.it/media/01/01/527251902.mp3

.............................

جزاكم الله خيرا
و لا تنسونا من دعوة صالحة بظهر الغيب

........
من مدونة تظبيط