عايزأعرف ازاي مرتب الاداريين أ كبر من المدرسين؟
 

وصل اليوم استمارة وشيك مرتب شهر ابريل والمفاجأة ان مرتبات الاداريين زادت بنسبة كبيرة وتخطت مرتباتنا !علما باننا امتحناكادر وشوفنا المر وهم يزيدو كدا بدون مقدمات ولا امتحان كادر ولا غيره !بصراحة انا عايز افهم اللي بيحصل بالضبط لانها حاجة تجنن بصراحة حد يفهمني ارجوكم؟؟؟؟؟؟؟؟؟؟؟؟؟؟؟

مرتبات الاداريين و العمال زادت 50% بداية من الشهر الحالى

من غير تربوي ولا كادر ولا اي سي دي ال انا فرحانة لهم والله بس غريبة يثبتو مدرسي المعاهد المنضمة ويزودو الاداريين يالله ويصرفولنا شهر ..........احمدك يارب

احنا نستاهل أكثرمن كده
طول ماحنا ساكتين و حقنا ضايع نستاهل
و محدش يجى بعد كده يكلم عن فلوس

الكل يتكلم من وراء حجاب الازهريه هم كده اقولها بصراحه اهم شي الفتا الساخنه وانتهت

يعنى ايه الاداريين يتزودوا بالطريقة دى

لماذا الحقد على زيادة الإداريين الآن
ألم تسألوا أنفسكم أنكم تحصلون على 50 % كادر معلم مرحلة أولى منذ فترة وهم محرومون منها
كما أنكم فى انتظار المرحلة الثانية من الكادر وهم ليسوا كذلك
أليس لهم أسر وأبناء مثلكم تماما
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
كما أن هذه ال50 بالمائة للإداريين مشروطة بشروط شديدة ليست مطبقة عليكم
مثل أن من يحصل على إذن تأخير يخصم منه (خمسة بالمائة ) منها عن كل إذن تأخير وذلك ليس مطبقا فى كادركم
كما أن من يحصل على خمسة أيام إجازة أو انقطاع أو غيرها تخصم منه 50 بالمائة منها
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
وأخيرا الإداريون يحضرون فى فترة الصيف بالمعاهد وأنتم تنامون فى بيوتكم وتتناوبون فى الحضور بينكم
فاتقوا الله فيكم وطالبوا بحقوقكم دون حقد او حسد على أحد
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
وأقول لإخوانى المدرسين خالو الطابق مستور أنتم تعلمون ماتفعلون (دروس خصوصية وعادية ) ( اصطحاب الأطفال للمدرسات وإرضاعهن بالفصول ) (التزويغ أثناء اليوم الدراسي ) (عدم الشرح باهتمام فى الفصول ) (التأخير عن الحصص صباحا بحجة المواصلات ) فمن بيته من زجاج لا يقذف الناس بالحجارة
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
أقول كل هذا مع احترامى الشديد لفئة قليلة لا تتجاوز 2 بالمائة من المدرسين منضبطين ومخلصين ويستحقون كل احترام وتقدير

بخصوص شهر المنحه احنا جالنا معهدنا اليوم فاكس من المنطقه بعمل الاجور المتغيره على ان يكون شهر المنحه شهرفيه وشهر مفيش يعنى هناخد شهر المنحه 6 مرات فى السنه والله الكلام ده صحيح وشفت الاداريه المسئوله عن المرتبات شغاله فيه النهارده بعمل الاجور المتغيره على ان يكون شهر وشهر وهذا الكلام سمعته من مصدر موثوق منه من قبلها بحوالى 20 يوم ولكنى لم اتكلم لانى مشفتش بعينى لكن اليوم شفته بعينى

اخ سيد جمعه احنا معلمين شرفاء لا نقبل كلامك اطلاقا
احنا بيتنا من ماس وفضه وذهب
واحنا نحمل رساله الانبياء ولا نحقد عليكم فكلكم اخوه لنا ولكن نقول لماذا يحصل المعلم على كادر بعد امتحان مهين واخرين بدون اى شروووووووووووووووط
تحصلون على مكافاه امتحانات على العين والراس ولكن اين مميزات المعلم هو من يلاحظ ومن يصحح ومن يقوم باعمال الكنترول
اما العمل فى الصيف فاحنا بنبعت نجيبكم من البيت ومحدش منك بييجى والشيخ بيقوم باعمالكم وانتم تعلمون
ثم نحن نفضفض فيما بيننا ونريد مميزات للمعلم لانه عماد التعليم وعليه مسئوليات كبيره

ياستاذ سيد ادارين ايه دول بيجو الساعه 9 ويمشو 12 واحنا موجودين من الساعه 8 الى 3
وكمان احنا بنتعب اما هما يدوب ورقة يكتبوها ولا اتبهدلو فى تربوى ولا اىسى دى ال ولا كادر
فين العدل اتكلم بواقعية شويه
وحضرتك ما بتذكرش غير السلبيات بس فى المدرسين اللى نادر لما بتحصل وفين الايجابيات

مبروك لإخواننا الإداريين الزيادة الجديدة
وربنا يزيد ويبارك ويكرم الجميع

مع احترامى لكلامك
انت خلى الطابق مستور
الاداريين معظهم لايقومون باى اعمال فى المعهد وطبعا الناظر هو اللى بيعمل كل حاجه لان معظمهم مش مؤهلين لذلك وكمان احنا اللى بنزوغ ازاى الكلام ده انا اتحدى لو فيه احد الادارين ملتزم بعمله وكمان الاجازات اللى من تحت الترابيذه من الناظر وشيخ المعهد
وبلاش نفتح فى الكلام احسن .

اقول لحضرتك على السبب
احنا كمدرسين الازهر السبب
ليييييييييييييييييييييييييييييييييييييييييييييييه
لاننا جبناء ولا نستطيع فعل اى شىء
نسمع الكلام كما نزل
امتحن تربوى حاضر + امتحن كادر حاضر + امتحن اى سى دى ال حاضر
عادى بقا خد على دماغكو

الاداريين عندنا مش بيروحو فى الصيف زى ما حضرتك تفضلت وقولت وبيجو ساعتين ويمشوا ولو طلبت منهم كتابة شيىء يقولوا اكتبوا انتوا واحنا امتحنا كادر ودخلنا جامعات ومسكين الطباشير واخدنا icdl والله حرام عليك لان اغلبية المدرسين بيعاملوا ضميرهم وعددقليل هو اللى بيخالف ضميره والحقيقه الذى يستحق الزياده موظفى المنطقة وليس اداريين المعاهد