|
حصريا :: سلسلة قصة و معنى ::
سلسلــــــــــــــــة:قصة ومعنى http://img822.imageshack.us/img822/8591/tteetre.png فكرة الموضوع إن شاء الله بسيطة عبارة عن قصة قصيرة أو مشهد نستخلص منه معنى إيمانى يفيدنا فى الطريق الى الله قصة تشبه القصص التى نحكيها للأطفال ودائما القصة لها وقعها http://img205.imageshack.us/img205/1729/goodway.gif فسبحان الله القصة الى أحيانا كانت بسيطة وسمعناها وأحنا صغيرين أثرت فينا واتعلمنا منها ولسه خبراء التربيه وعلم النفس بيأكدوا ان القصص من أكثر الوسائل المؤثرة فى التربية وسنجد أن القصص موجود بكثره فى القرأن وكذلك الأمثال يضربها الله كثيرا لتوضيح المعنى ونجدها أيضا فى الأحاديث النبوية الشريفة والأمثلة كثير فالمهم إن القصة بتساعد بشكل كبير على إيصال المعنى بكلام قليل وبعمق أكبر http://img205.imageshack.us/img205/1729/goodway.gif ولكن فى البداية فلنتفق على : ************************************************** *********** 1_إن القصة بتوضح المعنى بالتقريب مش بالظبط فوارد إنه يكون فى إختلاف بينهما من بعض الزوايا http://img76.imageshack.us/img76/5265/89306605ut4.gif 2_لا أقصد التمثيل أو تشبيه لله بأى حال من الأحوال فالله المثل الأعلى ولكن سيكون التمثيل لأفعالنا مع الله ومع البشر هيكون معانا (قصة الشحات, قصة الموظف, قصه الجوهرة, قصة الحفرة, قصة لعله خير, قصة شراء الأنترية, قصة سواق التاكسى والماطش...........) أسأل الله أن ينفعنى وإياكم بهذا الموضوع |
جزاكى الله خيرا
وجعله فى ميزان حسناتك |
جــــــزاكِ الله خيراً وبأنتظار القصة الأولى |
1_ قصه سواق التاكسى والماتش!!
http://www.goodwayinlife.com/forum/i...icons/new0.gif من سلسلـــة قصــــة و معنى !!! القصة الأولى قصة سواق التاكسى والماطش http://img205.imageshack.us/img205/1729/goodway.gif بمناسبة المباريات الكثير اليومين دول قلت ممكن ابدأ بالقصة دي ((((كان اليوم دة فى ماطش مهم وبما إنى معلوماتى عن الكورة معدومة. كل الى ممكن أقوله إن الماطش مهم.. ..يوم من الأيام الى الشوارع بتبقى فيها فاضية وجميلة والناس بتأجل أى مواعيد لبعد الماطش ...اتهيألى كده اتخيلتوا أهميه الماطش ...المهم عم حسن كان مضطر ينزل الشغل (طبعا عم حسن أكيد سواق التاكسى)وطبعا كان على عينه إنه مش هيشوف الماطش ولكن لازم ينزل أكل العيش بقى!! طول ماهو ماشى فى الطريق يقف ويسأل زمايله فى التاكسيات والميكروباصات (ها أخبار الماطش أيه؟؟ ) يطمن ويكمل سواقةوكل ما يركب معاه زبون يفضل يتكلم معاه عن الى هيكسب وعن الحكم وعن البلينتى الأخير و..... وبعدين يوقف يسأل عن النتيجة وطبعا معروف مدى الفرحة لو جه جون ومدى التعاسة لو جه جون مضاد ومتابع كويس ولا كأنه كان بيتفرج على الماطش))))) قصه عم حسن قصة عادية جدا وبنشوفها مع كل عم حسن وعم إبراهيم و........و....... http://img710.imageshack.us/img710/7365/qooooooo.png لكن فى سؤال يبدو مضحك بيطرح نفسه :أين كان عم حسن أثناء المبارة؟؟؟ أ_فى الأستاد ب_فى التاكسى لو جينا للدقة هو كان موجود ببدنه فى التاكسى وبقلبه فى الأستاد إنتهت القصة ويبقى المعنى السؤال الأهم http://www.g-ksa.net/vb/Picture/177.gif http://www.g-ksa.net/vb/Picture/177.gif http://www.g-ksa.net/vb/Picture/177.gif طب يا ترى أحنا فين؟؟ وقلوبنا فين؟؟؟ ***يا ترى أنت قلبك فى الدنيا غرقان فى متاهاتها حتى وقت الصلاة بدنك واقف أمام الله وقلبك فى الشغل أو فى مشكلة لدرجة إنك بتخلص مش عارف أنت صليت بأيه . .وحتى لو دخلت المسجد كل كلامك عن الدنيا.وعن الشغل وعن المشاكل وعن وعن ............. ياترى أحنا فعلا كل همنا الدنيا بنحزن لها ونفرح لها ونخطط لها وحتى وقت الاخرة فى الصلاة وفى المسجد برضة معاها ياترى أحلامنا الى بتعبر عن عقلنا الباطن بنشوف فيها إيه؟؟ ياترى طموحاتنا وكلامنا أغلبه عن إيه؟؟؟ ياترى لو كل واحد سأل نفسه دلوقتى حالا قلبى فين؟؟؟ هتكون الأجابه ايه؟؟ وما أبرأ نفسى ان النفس لاماره بالسوءالا ما رحم ربى ***ولا يا ترى أنت زى السبعة الذين يظلهم الله بظله يوم لا ظل إلا ظله (ورجل قلبه معلق بالمساجد) ياترى أنت بتشتغل فى الدنيا وبتدرس وبتروح وتيجى فيها ببدنك لكن قلبك مع ربك ماشى فى حياتك عادى زيك زي غيرك بس ببدنك ولكن قلبك مشغول بحاجه أسمى عمال تكلم الناس عن ربنا وعن الجنه وعن رحمته وعن قرانه وعن.حبه وعن رسوله........... أفراحك فى كثير منها متعلق بالدين وأحزانك عشان تقصيرك فى حق ربك. ولا ياترى أحنا فشلنا نكون أحنا والدين زى عم حسن والكورة http://www.futurepharmacist.net/foru...n_question.gifhttp://www.futurepharmacist.net/foru...n_question.gif إنتظرونـــــــــــــــــــــــــــــــــــــــــــ ـــــــــــا فى قصة جديدة من سلسلـــــــــــــــــــــــــــــــــــــــة http://img822.imageshack.us/img822/8591/tteetre.png |
جـــزاكِ الله خيراً اللهم أشغل قلوبنا بطاعتك وبأنتظار باقى السلسله |
قصه ومعنى :: 2 - قصه الموظف !!!!!!!!!
http://www.goodwayinlife.com/forum/i...icons/new0.gif من سلسلـــة قصــــة و معنى !!! القصة التانية ((قصة الموظف)) http://img205.imageshack.us/img205/1729/goodway.gif ((( أ\ صلاح موظف فى شركة كبيرة وبياخد مرتب كبير نظام الشركة العمل من الساعه 9 صباحا الى 6 مساء وفى ساعتين راحة فى النص مدفوعتين الأجر وتقدم الشركة وجبة غداء وطبعا كأى عمل بيتطلب من منه تخليص حد أدنى من العمل يوميا وحتى لا أطيل المشكلة إنه كسول ومشاغب فى كثير من الأحيان وفجأه خطر على بال صلاح فكرة وفرح جدا جدا بالفكرة عارفين الفكرة إيه؟؟؟؟؟؟؟؟ قرر حاجة غريبة شوية قرر يروح الشركة فى ساعتين الراحة يتغدى ويقعد الساعتين الراحة يشرب شاى وقهوة ويتكلم ويهرج ويستخدم تليفون الشغل فى مكالمات خاصة وقال يبقى أخر الشهر يبقض ثمن الساعتين دول !!!!!!!!!!!! مش هما مدفوعين الاجر المهم طبعا كل أصحابه قالولوا إيه التهريج دة إزاى متشتغلش وعايز مرتب الساعتين أخر الشهر ؟؟؟ قال لهم وإيه المشكلة ما أنتم برضة مبتشتغلوش فيهم وبتتحاسبوا عليهم أخر الشهر ! يقنعوه طب احنا بنشتغل طول اليوم ومبنقصرش عشان كدة الشركة عملت ساعتين راحة مدفوعين الأجر لكن أنت مش عاوز تشتغل خالص وتنام فى بيتكم وتجي الساعتين بس وتطلب راتبهم طب إزاى !!!!!!!!! قاعد يجادل ويقول ما هو الساعتين دول مدفوعين الاجر من غير شغل وأدى عقد الشركة شوفوه لو مش مصدقنى يحاولوا يفهموه يا سيدى ماشى مدفوع الأجر بس للى يشتغل باقى الساعات ياخد دول عليهم مكفأه لكن مينفعش أبدا تاخدهم لوحدهم يقولهم هما مقالوش كدة فى العقد يمين شمال مفيش فايدة واضح إنه مقتنع بحاجة محدش ممكن بقتنع بيها ومتأكد انه موظف كويس)))) أنتهت القصة ويبقى المعنى إيه رأيكم ؟؟ ده كلام ناس عاقلين!!!!! قبل ما تجاوبوا تفتكروا أحنا أحيانا بنعمل زيه؟؟؟؟ فكروا كويس http://www.g-ksa.net/vb/Picture/177.gif طب بالراحة كدة هو عمل إيه؟؟ كان مطلوب منه عمل معين ومقابل العمل ده بياخد وجبة الغداء وساعتين راحة مدفوعتين الأجر ومرتب شهرى كبير ...... فرفض العمل واستغنى عن المرتب ولكن كان عايز ياخد وقت الراحة ويستخدم تليفون العمل فى مكالمات شخصية(مخالفات فى قانون العمل) وفى الأخر يقبض ثمن الساعتين وطبعا كلنا قلنا الكلام ده مينفعش أبدا طب شوفوا أحنا بنعمل ايه http://www.g-ksa.net/vb/Picture/177.gif http://www.g-ksa.net/vb/Picture/177.gif ربنا حرم علينا أشياء (زى مخالفات قانون العمل فى القصة) وأمرنا بأشياء (وهى عملنا الذى خلقنا من أجله وهى طاعته وعبادته) ووعدنا مقابل طاعته بالثواب والأجر و أباح لنا أشياء (وهى المباحات من أكل وشرب وعمل وزواج وأصحاب ودراسة...و,,,,,و) ومن كرمه أعطنا على هذه الأشياء ثواب إذا استحضرنا النية (أوقات راحة من العبادة مدفوعة الأجر) http://img710.imageshack.us/img710/7365/qooooooo.png ولكن كثير منا زى قصة الموظف أكتفى بالمباحات مع بعض المحرمات ونسى مهمته الأساسية وعمله الحقيقى ( وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ ) وأما تيجى تكلمه ياسيدى ربنا يكرمك الصلاة يقولك ياعم العمل برضة عبادة والسعى على لقمة العيش كالجهاد فى سبيل الله أنت مسمعتش أحاديث الرسول ولا إيه؟؟ تقوله سمعتها وعارفها بس فين الأساس الى أنت اتخلقت له أصلا يقولك ما أنا بعمر الأرض مش برضة ربنا خلق سيدنا أدم عشان يكون خليفة تقوله خليفة يعبده مش يعصاه وينساه ويستمر الجدال زى القصة بالظبط وهو اختار ياخد أوقات الراحة مدفوعة الأجر... بس إزاى ياخد عليها أجر !!!!!! http://img710.imageshack.us/img710/7365/qooooooo.png ودلوقتى المفروض أن حياتنا مفهاش وقت مخصص للمعاصى لا أحنا لنا أوقات مخصصة للطاعة وأوقات للأمور المباحة طبعا ونحاول نستحضر النية عشان ناخد عليها أجر ده مش معناه إننا مبنعصاش لأ أكيد بنعصى ولكن مش مع سبق الإصرار ..أحنا مش محددين للمعصية وقت بس فى طريقنا ممكن نتكعبل فى معصية فنستغفر طب بصوا كدة؟؟؟؟؟ فى ناس عندها أوقات محددة للمعصية (فى أوقات محددة للشات مع..وأوقات للسهر على الأفلام...وأوقات للخروج فى سهرات ...) والمباح طبعا باقى اليوم ...فين وقت الطاعة؟؟؟؟؟ الكويس منهم الطاعات بيقضيها بسرعة على مدار اليوم (فروض الصلاة كدة على عجالة من غير تركيز) اما الأسوأ منهم معندوش وقت طاعة ..ومع كدة حاسس إنه كويس !!! http://img710.imageshack.us/img710/7365/qooooooo.png ياريت كلنا نبص كويس فى يومنا ونحدد 1_هل عندنا وقت محدد للمعصية...مش عايزين لها وقت خليها أما تيجى تيجى غصب عنك . 2_هل عندنا وقت محددد للطاعة....عايزين وقت محدد للطاعة بلاش تبقى قطرات فى السيل اليومى لمشاغل الدنيا كنت دايما أقول لأخويا عشان قله مذاكرته... أنت بتذاكر فى وقت فراغك ! فياترى أحنا بنعبد ربنا (الى اتخلقنا أصلا عشان نعبده ) فى وقت فراغنا !!! سؤال يستحق الإجابة إنتظرونـــــــــــــــــــــــــــــــــــــــــــ ـــــــــــا فى قصة جديدة من سلسلـــــــــــــــــــــــــــــــــــــــة http://img822.imageshack.us/img822/8591/tteetre.png |
http://www.goodwayinlife.com/forum/i...icons/new0.gif من سلسلـــة قصــــة و معنى !!! القصة الثالثة قصة الحفرة http://img205.imageshack.us/img205/1729/goodway.gif وهى من أكثر القصص التى تؤلمنى بدون مقدمات نبدأ القصة (((كانت الحفرة موجودة منذ عدد غير محدد من السنين...كل ما نعرفه إنها كانت موجودة وستظل موجودة لماذا لم يردمها أحد؟؟ ربما حاول كثيرون ولكن دون جدوى ......... كل ما استطاع بعضهم فعله هو وضع لافتة (أحذروا الحفرة) بطل القصة كان يسكن أمام الحفرة وكان يرى يوميا الكثير يسقطون فيها.. أحيانا يكون رد فعله الا مبالاة على الاطلاق مشهد اعتاده ! ومرات يضحك ويقول انظر سيقع فى الحفرة وأحيانا يلعن غباء كل هؤلاء أين عقولهم؟؟؟ أين أعينهم؟؟؟ألا يعرفون القراءه؟؟ وكان يرى المشهد اليومى المعتاد دون أن يهتم طبعا كان الجميع يلوم عليه وعلى سلبيته الشديدة وطبعا كلنا بنلوم عليه ولا أعتقد اننا سنختلف على ذلك كلمه يقولها ممكن تنقذ حياه انسان فلما لا ؟؟ إلى أن جاء اليوم الذى كان ابنه يلعب فى الشارع كان بعيد جدا عن الحفرة ولكن اتجاهه بدأ يتغير بدأ يسير فى طريقها رأه ولكن لم يتوقع أن يستمر فى نفس الطريق .......كان ينظر إليه من الشرفة من وقت لأخر ثم ينشغل فى بعض الأعمال ولكن الولد استمر فى السير بنفس الأتجاه وحدث ما يمكننا توقعه نعم وقع فى الحفرة وقع بصره عليه فوجده غارق فى دماؤه ااااااااااااه حسرات فى قلبه رأيته يسير لمده ساعات باتجاهها لما لم أمنعه !!!!!!! لما لم اترك ما فى يدى واذهب لأخذه برفق من يديه وأعود به الى البيت ءامنا!!!! الألم يعتصره والشعور بالندم يقتله والأحساس بالذنب لا يطاق يبكى ويبكى ولكن بما ينفع البكاء))) انتهت القصه بكل مرارتها وتبقى حقيقه أكثر مرارة http://img710.imageshack.us/img710/7365/qooooooo.png سؤال ماذا نفعل نحن؟؟؟؟؟؟؟؟؟؟ أحنا من الى ماشين ناحيه الحفره؟؟؟ ولا من الى بيتفرجوا على أقرب الناس ليهم وهم بيقعوا فيها؟؟؟؟؟ هو صحيح الى هيقع فى الحفره إيه الى هيحصله كسر .. شلل رباعى !!!!! طب والى هيروح جهنم إيه الى هيحصله!!! ليه كثير بنشوف نفسنا ونشوف الى حوالينا ماشين فى طريق المعصية وبنطنش عادى ! بنلوم ليه على صاحب القصة الى كان ممكن بكلمة ينقذ حياة إنسان ومبنلمش ليه على نفسنا وأحنا بنبخل بكلمة ممكن تكون سبب فى إنقاذ إنسان من جهنم !! عادى إنك تلاقى نفسك او أخوك او ابنك مبيصليش وبيخرج كثير وأغانى وأفلام وسهر وانت مطمن إنه متربى وأخلاقه تمام مش شغلك لما تموت أو يموت وهو فى الحال دي موقفه إيه؟؟؟!!!!!! بنفوق فجأه على مصيبة الواحد يلاقى نفسه عمل معصية مكنش يتخيلها !! أو يلاقى اخوه أو ابنه مدمن أو بيشرب خمر أو متجوز عرفى أو أترفد من كليته أو عنده إيدز أو اى مصيبه تانية كبيرة ! وقتها بتسأل إزاى ده حصل!!! طبعا إنك لا تهدى من أحببت ولكن تبقى عملت الى عليك http://img710.imageshack.us/img710/7365/qooooooo.png وقاعدة عامة :قبل ما أى حد بيقع فى الحفره بيمشى طريق طويل بخطوات صغيره ثابته ذنب صغير ورا ذنب صغير تساهل هنا وتهاون هنا وبعد كام سنه تلاقى المصايب نصيحه لو لاقى نفسك او لاقى غيرك ماشى فى الطريق للحفرة لازم تقف وتفكر لإنك لو انشغلت بأى حاجة تانية ممكن فجأه تلاقى نفسك وقعت أو تلاقى حد عزيز عليك وقع ساعتها هتتألم وتبكى بس هيكون متأخر قوى !! إنتظرونـــــــــــــــــــــــــــــــــــــــــــ ـــــــــــا فى قصة جديدة من سلسلـــــــــــــــــــــــــــــــــــــــة http://img822.imageshack.us/img822/8591/tteetre.png |
قصه شراء الانتريه !!!
http://www.goodwayinlife.com/forum/i...icons/new0.gif من سلسلـــة قصــــة و معنى !!! القصة الرابعة قصة شراء الأنترية !!!! http://img205.imageshack.us/img205/1729/goodway.gif كان اليوم هو اليوم المحدد لشراء الأنتريه لتكملة فرش الشقة قبل ميعاد الزفاف توجه أحمد ووالدته لاصطحاب عروسه إيمان وأهلها لشراء الأنترية وعندما وصلوا المحل وجدوا بالظبط ما كانوا يريدون الحمد لله نفس اللون والموديل الى مطلوب بالظبط وعدد الكراسى كثير وسألوا عن السعر برضه مناسب جدا خلاص على بركه الله كله موافق تمام ولكن لحظة هى رجل الأنترية مكسورة!!!!!!!! بدأ الكل يتأكد.......آه فعلا مكسورة!!! قالوا لصاحب المحل فقالهم بكل هدوء وإيه المشكلة!!؟؟؟؟ عادى ما هو باقى الأنتريه سليم!! قالوا له هنحطه إزاى كدة!!صلحه!! نادى على أحد العمال: قالبين طوب بسرعة!!! نطر الكل بإستغراب:طوب!!!! قالهم عادى الطوب تحت كرسى الأنترية وهيبقى أخر جمال!! وقعد يقولهم ياجماعة خليكوا( لارج) إيه يعنى رجل كرسى!! بلاش تبقوا محبكنها قوى كدة إنتهى الموقف ويبقى المعنى http://img710.imageshack.us/img710/7365/qooooooo.png لكن لنا وقفة http://www.g-ksa.net/vb/Picture/177.gif جميل إهتمامنا بكل الأمور فى حياتنا جميل حرصنا على الأفضل والأنسب جميل عدم تهاوننا فى تفاصيل أمور دنيانا ولكن ياترى هذا مبدأ لا يتغير؟؟ أم لنا حسابات أخرى فى التعامل مع أمور ديننا؟؟؟؟ صاحب المحل شايفهم متشددين مش عايزين يقبلوا خطأ عادى والمفروض يكونوا متساهلين أكثر من كدة ! إيه رأيكم؟؟؟؟ ؟؟؟؟؟؟؟ ليه مبنقبلش أى تقصير فى دنيانا وعادى جدا التقصير فى دينا والمبرر عادى :الدين يسر!!! ومحدش قال إنه عسر أبسطها على الإطلاق الى بيتوضأ ولا يكمل غسل وجه للأخر تقوله مينفعش اغسل وشك كله كدة الوضوء باطل والصلاة باطلة يقول :إيه التشدد دة .....الدين يسر!! سؤال:الدين يسر معناها أضيع فى الفروض؟؟؟؟ وياترى نفس الشخص يقبل يشترى الأنترية برجله المكسورة؟؟؟؟؟ http://img710.imageshack.us/img710/7365/qooooooo.png ليه كل حاجة فى دنيتنا بالورقة والقلم ولازم تتعمل صح !!!! ودة جميل قبل ما تعمل أى حاجة فى الدنيا دراسة جدوى وتسأل وتتعلم كويس وعند الدين خليها على الله وربك رب القلوب والدين يسر (الإعتراض مش على الجمل فى حد ذاتها الإعتراض على استخدامها فى غير محلها) بالعكس الدين فعلا يسر وما خير الرسول صلى الله عليه وسلم بين أمرين إلا إختار أيسرهما ولكن بالطبع لم يكن ليختار أمر حرام http://img687.imageshack.us/img687/6321/rwrwrwr.png كل الى عاوزة أقوله ديننا جميل جدا ويسر ورائع ولكن مش عايزين الشيطان يدخلنا من الناحية دي ويقولك اعصى ربنا براحتك!! ربنا غفور رحيم مش مهم الفروض!! الدين يسر الى بيصلى فى الجامع والى بتحجب حجاب كويس متشددين !!!!!! الكلام دة ينفع؟؟!!! يعنى الدنيا أدق التفاصيل نهتم بيها والآخرة حتى الاساسيات نضيعها !!! إنتظرونـــــــــــــــــــــــــــــــــــــــــــ ـــــــــــا فى قصة جديدة من سلسلـــــــــــــــــــــــــــــــــــــــة http://img822.imageshack.us/img822/8591/tteetre.png |
http://www.goodwayinlife.com/forum/i...icons/new0.gif من سلسلـــة قصــــة و معنى !!! القصة الخامسة قصة الشحات http://img205.imageshack.us/img205/1729/goodway.gif ((((القصة قصة شحات غلبان جدا ,بائس جدا جدا , مهما تخيلت فهو أبئس مما تتخيل!! يعيش فى الشارع ليس له مأوى فى البرد والمطر والحر والشمس, جائع يأكل من القمامة,عليه ما يكفيه بالكاد من الملابس,مريض بكمية أمراض واحد منها يكفى لإنهاء حياته فرأه رجل غنى فأخذه وأرسله للعلاج بالخارج فتمت زراعة كلى جديدة له , وتم بفضل الله إجراء عملية توسيع الشرايين, وبعد تكامل عافيته أعطاه سكنا وأحضر له ثياب جديدة وأطعمه من كل ما يحب ثم اختار له زوجه طيبة ووفر له عمل عنده لا يكلفه مجهود وأعطاه عليه أجرا كبيرا ولكن وبعد فتـــــــــــــــــــــــره بدأ الشحات (سابقا) يتضايق وبدأ يقول أنا عارف إنه له عليا فضل لكن انا تعبان ومش عاوز اشتغل وبدأ ميعجبوش اللى عنده عايز طعام أفضل ولبس أحسن وزوجة أجمل وأموال أكتر. وبيت افضل.... ايه رأيكم؟.. أى واحد منا يقول على الشخص دة إيه؟؟؟) جاحد , كافر بالنعمة إنتهت القصة http://www.g-ksa.net/vb/Picture/177.gif http://www.g-ksa.net/vb/Picture/177.gif
فلعل حرمان الرزق دة هو الرحمة بعينها فما أدراني إن بسط لي الرزق أستخدمه في معصية الله أو أتكبر به أو لا أؤدي شكره؟! وقد يتعلق قلبي به بشدة وأسلبه مرة فتكون حسرتي عليه بعد حصوله أشد من فرحتي به لما جاء لي هذا الرزق! http://img687.imageshack.us/img687/6321/rwrwrwr.png ليه بنسيب كل النعم الى ربنا أنعم علينا بيها ونركز على النعم الى محرومين منها وتبقى ده المنغص فى حياتك واحد ربنا ابتلاه بمرض أو فقر ..واحدة أتاخر سن زواجها ..واحد عنده عاهة او محروم من الأطفال ..
إنتظرونـــــــــــــــــــــــــــــــــــــــــــ ـــــــــــا فى قصة جديدة من سلسلـــــــــــــــــــــــــــــــــــــــة http://img822.imageshack.us/img822/8591/tteetre.png |
http://www.goodwayinlife.com/forum/i...icons/new0.gif من سلسلـــة قصــــة و معنى !!! القصة السادسة قصة الجوهرة http://img205.imageshack.us/img205/1729/goodway.gif (((عم إبراهيم شخص عادى جداً ,بسيط جداً ,على قد حاله فى مرة وهو راجع بليل من شغله اتكعبل فى حاجة المهم ااتعصب وبكل غيظ أخد الحجر الى كعبله عشان يرميه بعيد ولكن دة مش حجر دة زى مايكون جوهرة آه فعلا ..مبقاش مصدق نفسه هو بجد لقى جوهرة! المهم روَّح وهو بيمنِّى نفسه بالفلوس الكثير والبيت الجميل اللى هيحصل عليه بعد ما يبيع الجوهرة وتانى يوم صحى وقال يبدأ يلف على المحلات عشان يبيعها دخل أول محل السلام عليكم معايا جوهرة وعايز ابيعها .. نظر صاحب المحل لعم إبراهيم ومظهره المتواضع ونظر الى الجوهرة وقال له : آسف دى مش جوهرة دى إزازة ولو اشترتيها اشتريها كأزاز اتعصب عم إبراهيم وقال له حرام عليك عشان أنا راجل غلبان عايز تاخد الجوهرة على إنها زجاج وسابه وراح لغيره المهم اتكرر الموقف مع أكثر من صاحب محل وعم إبراهيم كلهم يبصوا لهيئته ويبصوا للجوهرة ويجاوبوا بردود متشابهة المهم كان فى واحد صاحب محل مشهور بالصلاح فذهب له عم إبراهيم وكله أمل وقال له :أنا لفِّيت كثير وكلهم عايزين يفهِّمونى إنها زجاج عشان محدش مصدق إن ممكن واحد زيى يبقى معاه جوهرة غالية وأنا جيت لك وعارف إنك رجل صالح وإنت أكيد مش هتقول زيُّهم ...المهم شاف صاحب المحل الجوهرة وقال لعم إبراهيم إنه مش هيقدر يشتريها والجواهر اللى بالحجم دة غالية جداً وفى أمير هييجى آخر السنة هو اللى ممكن يشتريها وعقبال ما ييجى دخَّل الجوهره فى الخزنه واقفل عليها وخللى المفتاح معاك واشتغل معانا وهدِّيك مرتب كويس. وفعلا بدأ يشتغل ويتعلم معاهم ويفهم فى الشغل وقبل ميعاد وصول الأمير فكَّر يفتح الخزنة يشوف الجوهرة ولكن آه الجوهرة موجودة وآه هى هى متغيرتش لكن دلوقتى بقى عنده خبرة الجوهرة مش أصليه!!! دى إزاز!!!!! صاحب المحل قاله أنا لقيتك مش مصدق كل الناس فقلت لو إتعلِّمت هتصدق بنفسك وعامة ً أديك إتعلمت صنعة ومتزعلش)))) انتهت القصة ويبقى المعنى ولكن http://www.g-ksa.net/vb/Picture/177.gif تعالوا نفكر كدة شوية هو إيه اللى حصل؟؟ هو إفتكر إنه معاه حاجة غالية لإنه ماعندوش خبرة لكن بعد شوية لما اتعامل مع ناس خبرة وبقى هو كمان خبرة اكتشف الحقيقة http://img710.imageshack.us/img710/7365/qooooooo.png طب وأحنا؟؟؟؟؟؟؟؟؟؟؟؟ آه كل واحد شايف إنه كويس وإن أهى ماشية وإن علاقته بربنا معقولة آه بَذنِب بس ربنا غفور رحيم وبعدين ما تعقَّدهاش ساعة لربك وساعة لقلبك و.... طيب أنت بتقول كدة عشان معندكش خبرة آه صحيح ما إنت بتقارن نفسك باللى أسوأ منك لا قارن نفسك بعباد حقيقيين بناس بتحب ربنا بجد ...بيعبوده بجد ايه رأيك شهر رمضان إقضيه مع ناس خبرة فى العبادة إعتكف ..حاول تكون فى المسجد على قد ما تقدر إسمع دروس ..شوف اللى بيدعوا ..واللى بيبكوا...واللى بيقيموا الليل كله.....واللى بيختموا القرآن كذا مرة إعمل زيهم إتعلم وإفهم وقرَّب وإدعى وأكيد بعد كده إنت اللى هتحكم على حياتك وهتعرف إن كانت جوهرة ولا إزازة اللهم بلغنا رمضان إنتظرونـــــــــــــــــــــــــــــــــــــــــــ ـــــــــــا فى قصة جديدة من سلسلـــــــــــــــــــــــــــــــــــــــة http://img822.imageshack.us/img822/8591/tteetre.png |
http://www.goodwayinlife.com/forum/i...icons/new0.gif من سلسلـــة قصــــة و معنى !!! القصة السابعة قصة الموظفون الثلاثة http://img205.imageshack.us/img205/1729/goodway.gif مجموعه موظفين فى شركة وفى موسم تقسيم الأرباح فى الشركة كل الى بيقدم طلب لمكافأه أو لإلغاء خصم بيحصل عليه فالموظفين بيستنوا الوقت دة فمنهم الى عليه جزءات وخصومات طول السنة ومع كدة مطنش خالص ومش فارقة معاه حتى مقدمش طلب عشان يرفعوا عنه الخصم.. فبالتالى هتفضل الخصومات زى ماهى وإدارة الشركة هتتضايق منه لإنه موظف مهمل وسىء ومع ذلك لم يستغل الفرصة يعنى مُصِر على موقفه ....موظف يستحق الرفد ومنهم الموظف المقصر طول السنة ولكن بيستنى أوقات الأرباح فتترفع عنه الخصومات وممكن ياخد مكافأه كمان .. هو مش هيتغير ولا هيبقى موظف نشيط ولا حاجة .. هو بس بيعرف يستفيد من الفرصة فيدخل يعيط للمدير ومعلش وسامحنى والظروف وأنا طمعان فى كرمك ..والبيت والعيال ...........إلى اخره فالمدير من كرمه يرفع عن الخصومات ولو عيط كمان شوية واجتهد شويه يديله مكافأه مع إن المدير عارف ومتأكد ان الموظف هيرجع تانى زى الأول مهمل فى عمله وبيتأخر فى مواعيده ومبيعملش الى عليه .. بس اهى فرصه تانية ..وستحسب عليه http://img76.imageshack.us/img76/5265/89306605ut4.gif ومنهم الموظف المجتهد طول السنة ممكن مرة قصر مرة أتأخر لكنه فى النهاية موظف منضبط ده بقى بيستنى وقت الأرباح عشان يترقى عشان يعلى فى الدرجة الوظيفية بتاعته http://img710.imageshack.us/img710/7365/qooooooo.png طيب تعالوا نقارن بسرعه بين الثلاثه: الموظف الأول وأمثاله : أكيد مجانين ... هو فى حد عاقل يكون عنده خصومات ويقولوا له قدم طلب وخصمك يتلغى يقولهم ...مكسل أقدم طلب!! ولا فى حد عاقل يكون معهوش فلوس ويقولوا له فى واحد بيوزع فلوس يقولهم ...مش قادر أنزل أروح له!! http://img76.imageshack.us/img76/5265/89306605ut4.gif الموظف التانى وأمثاله : صنف الكسالى ولكن بيعرفوا يستغلوا الفرص ده الصنف الى بيطلقوا عليه (الى عارف يمشى أموره ) لكن مشكلته فى حاجتين: :1) لو جه تفتيش مفاجىء على الشركة وهو عنده كل المخالفات قبل ان يأتى وقت الأرباح ممكن يترفد 2) هيفضل محلك سر عمره كله ...كل سنة يعمل مخالفات ثم ترفع عنه ثم يعود مرة أخرى وهكذا يعنى هو شخص بيجرى فى مكانه صنف مرتبه ثابت لا يأخذ علوات ولا ترقيات ولا مكافأت إستثنائيه http://img76.imageshack.us/img76/5265/89306605ut4.gif الموظف الثالث وأمثاله: الصنف الذكى الطموح الموظف دة فى كل موسم بيترقى درجة دايما فى زيادة علوات ,مكافأت ,حوافز ,شهادات تقدير http://img710.imageshack.us/img710/7365/qooooooo.png وبعد كام سنه لو عملت مقارنة بين الثلاث موظفين ممكن تلاقى الأول اترفد ... التانى فى مكانه الثالث ممكن تلاقيه أخذ منصب ادارى كبير فى الشركة أنتهت القصة ويبقى المعنى ((رمضان ....والعشره الاواخر من رمضان... العشره الأوائل من ذى الحجه ...محرم ... وكل مواسم الطاعات...وكل طاعه جديده بنقبل عليها .....)) عاوزين نسأل نفسنا قبل ما ندخل أحنا عاوزين إيه من موسم الطاعة او من الطاعة؟؟؟ ثواب وبس!!!!!!!!! طبعا الثواب حاجة جميلة وكلنا محتاجينها والحسنة تفرق كثير يوم القيامة لكن هل ده الى أحنا عوزينه وبس!! لو سألنا سؤالين بعد القصة السؤال الاول أى أنواع الموظفين أنت ؟؟؟ ولله المثل الأعلى والأعلى والأعلى لا نمثل ولا نشبه ..تعالى الله عما نقول علوا كبيرا ولكننا نضرب مثال بالقصة السابقة لو نظرنا إلى أغلبنا وأغلب أعمالنا سنجد الأتى: بنصوم رمضان ونصلى التراويح عشان ناخد حسنات ثم ولا حاجة !! بنصرف فلوس ونطلع نحج ثم ولا حاجة !! كثير بيشتكى أنه بيصوم رمضان ويقرأ قرآن ثم وبعد رمضان يعود كما كان !! يصوم فى ذى الحجة وعرفة ثم يعود كما كان !! يصوم فى محرم وعاشوراء ثم ... مبيتغيرش... منهم الى راضى بحاله وفاكر إنه كدة ممشيها صح وإن هى دى الوسطية !!! أبقى كويس فى رمضان ومواسم الطاعات وبعدين أرجع زى ما انا وبكدة أبقى مسكت العصاية من النص للأسف تفتكر دلوقتى لو ُمت وأنت فى النص التانى من العصاية مصيرك هيكون أيه ؟؟ أصل أكيد فى فرق سواء فى حياتك أو وقت موتك قال تعالى {أَمْ حَسِبَ الَّذِينَ اجْتَرَحُوا السَّيِّئَاتِ أَنْ نَجْعَلَهُمْ كَالَّذِينَ آمَنُوا وَعَمِلُوا الصَّالِحَاتِ سَوَاءً مَحْيَاهُمْ وَمَمَاتُهُمْ سَاءَ مَا يَحْكُمُونَ} [الجاثية : 21] http://img76.imageshack.us/img76/5265/89306605ut4.gif وبعدين أنت معندكش طموح ؟؟؟ تخيل صحبك الى كان زيه زيك وبعدين التزم وكل مره تشوفه تلاقيه أحسن وبعد كام سنه قابلته لقيته ختم القرآن (حفظه كله) وبقى بيعلم غيره وبقى داعيه كمان ساعتها هتقف وتقول : ياااااه ده كان زيى ... عارف الفرق فين انه كل شويه كان بيترقى درجة وأنت يدوب كنت بتحاول تشيل خصم من خصومات طول السنة http://img710.imageshack.us/img710/7365/qooooooo.png السؤال الثانى: أنت ناوى على إيه وأنت داخل على موسم طاعة أو أنت بادىء تعمل طاعة ؟؟؟؟؟ الثواب بس!! ولا الثواب والتغير وان ربنا يرضى ويقبلك!! اسمع لما ربنا فرض علينا العبادات قال أيه.. {يَا أَيُّهَا النَّاسُ اعْبُدُوا رَبَّكُمُ الَّذِي خَلَقَكُمْ وَالَّذِينَ مِنْ قَبْلِكُمْ لَعَلَّكُمْ تَتَّقُونَ} [البقرة : 21] {يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ} [البقرة : 183] {وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلَا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ذَلِكُمْ وَصَّاكُمْ بِهِ لَعَلَّكُمْ تَتَّقُونَ} [الأنعام : 153] {لَنْ يَنَالَ اللَّهَ لُحُومُهَا وَلَا دِمَاؤُهَا وَلَكِنْ يَنَالُهُ التَّقْوَى مِنْكُمْ كَذَلِكَ سَخَّرَهَا لَكُمْ لِتُكَبِّرُوا اللَّهَ عَلَى مَا هَدَاكُمْ وَبَشِّرِ الْمُحْسِنِينَ} [الحج : 37] {اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ} [العنكبوت : 45] يعنى دايما المقصد تغير بيحصل بعد العبادة ياريت نجدد نيتنا كلنا وأحنا داخلين على أى طاعة إننا محتاجين ..(( نترقى )).. لإن لو معملناش كدة هنكون عملنا زى مثال شديد وصعب سمعته من أحد الشيوخ حفظه الله قال: الى بيروح يحج ويزور النبى صلى الله عليه وسلم يبكى ويقول إنه بيحب النبى جدا لو قلت للشخص دة ..أيه رأيك تاخد النبى معاك بيتك ما يرضيه تبقيه فى بيتك وما لا يرضيه تخرجه فورا من بيتك وحياتك .... للأسف كثير جدا لا يريد (...) ولا (سنه النبى ) فى بيته.. والاسهل عليه انه يأتى كل كام سنه يبكى امام قبره ويدعى حبه..!!! إنتظرونـــــــــــــــــــــــــــــــــــــــــــ ـــــــــــا فى قصة جديدة من سلسلـــــــــــــــــــــــــــــــــــــــة http://img822.imageshack.us/img822/8591/tteetre.png |
http://www.goodwayinlife.com/forum/i...icons/new0.gif من سلسلـــة قصــــة و معنى !!! القصة الثامنة قصة شجرة الشوك!!!! http://img205.imageshack.us/img205/1729/goodway.gif القصة بتبدأ مع صاحب القصة الى لقى بذرة ... بذرة شكلها غريب ويمكن منفر وغير محبب للنفس ولكن من باب الزهق والفضول والملل! مسك عصاية وقعد يحفر فى الأرض ورمى البذرة مكنش فى باله يزرعها....مكنش متعمد ولكن من باب تضيع الوقت !! من باب التجربة ليس إلا ...ولكن إيه الى هيحصل ؟؟؟ البذرة زرعها فى المكان الى بيقعد فيه يومياوالمكان فى هوا وشمس ومية يعنى مناسب جدا لنموها بتمر الأيام.......... والبذره بتبقى نبتة صغيرة بس نبتة مختلفة نبتة كلها شوك !!! مفيش حد بيحب الشوك ...دى حاجة بديهية لكن فى ناس بتتعود على الشوك فحاول يشيل الزرعة الصغيرة ولكن المشكلة إن الشوك كان بيأذى إيديه فعشان يتجنب الألم كان بيسيبها ..ويقول بعدين هشيلها يمر اليوم والتانى ينسى الزرعة ...ولكن هى بتكبر باستمرار يحاول من وقت للتانى يشيلها ولكن المشكلة إن معندوش إستعداد يتعب ويتحمل الشوك عشان يتخلص منها فالنتيجة تأجيل الموضوع وهكذا وبتمر الأيام......... وكل يوم هو بيكبر سنه وبيضعف بدنه وبتقل حماسته وفى المقابل كل يوم بيمر الشجرة بتكبر وجذورها بتتشعب فى الأرض وبتبقى صلبة أكثر وبعد سنين................. البذرة بقت شجرة شوك كبيرة جدا جدا وبقت بتأذيه جدا وافتكر ورجع لزمان 1) ياريتنى ماكنت رميت البذرة 2) ياريتنى ما كنت حطيتها فى المكان دة عشان متكبرش 3) ياريتنى اتحملت وجيت على نفسى واتحملت الشوكتين وشيلتها وهى نبتة مالهاش جذور ياريتنى ...!! انتهت القصة ويبقى المعنى... http://img710.imageshack.us/img710/7365/qooooooo.png ياترى أحنا بنعمل الثلاث حاجات الى ندم عليهمصاحب القصة 1) لية بنزرع بذرة الذنب فى حياتنا والبداية دايما سببها الفراغ الملل تضيع الوقت الفضول حب التجربة !! هدخل الشات بس أشوف بيعملوا إيه من باب التسلية وتضيع الوقت هدخل الموقع دة بس عشان أعرف فيه إيه هجرب المعصية دى عشان بس أشوف إحساسها إيه و........................... الأمثلة كثير ما كان سهل جدا مترميش البذرة .... 2) والبذرة بنرميها فى وسط مناسب جدا للنمو وعاوزينها متنموش !! يعنى أسباب المعصية تكون حوالين الشخص من كل جانب وسط مناسب عشان البزة تكبر وتبقى شجرة والغريب إن كثير بيحط البذرة ويسقيها بإستمرار وبيقول : عاوز أتوب !! يعنى سايب نفسه فى وسط أسباب المعصية ولسه يعرف كل الى بيساعده عليها وعاوز يتوب ! هو ينفع تحط البذرة وتسقيها وتوفرها كل حاجة وتقول : مش عاوزها تنبت وتكبر !! 3) مش الأسهل تتوب فى الأول متأجلش التوبة وتقول بكرة ** لإن بكرة ممكن جدا ميجيش ويكون أخر عهدك بالدنيا النهاردة ** ولإن كل يوم بيعدى الذنب بيكبر فى قلبك وبيبقى له جذور ** لإن كل يوم بيعدى أنت بتكبر وبتضعف ** لإن كل يوم بيعدى الشيطان بيأسك ويقولك خلاص إنت هتوب بعد كل السنين دى ! ** اتحمل ألم الشوك وانت بتشيل الزرعة لإن دة أهون كثير من بعد كدة اتحمل وجاهد نفسك وأنت بتبطل الذنب فياريت ندور فى حياتنا والى مزرعش البذرة ميزرعاش... ولو زرعها بلاش يخليها فى وسط يساعد على نموها لإنها ببساطة هتموت لو مسقهاش... والى عندة نبته يسارع ويشيلها معلش حتى لو هيتعب شوية عشان يبطل الذنب دلوقتى أسهل كثير من بكرة وبكرة أسهل من بعده وحتى لو بقت شجرة وحتى لو سبت الذنب سنين بطله هنا واتعب هنا أحسن ما تقابل ربنا بيه ساعتها التعب ميتوصفش والألم ما يتقارنش بالدنيا {قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (53) وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لَا تُنْصَرُونَ (54) وَاتَّبِعُوا أَحْسَنَ مَا أُنْزِلَ إِلَيْكُمْ مِنْ رَبِّكُمْ مِنْ قَبْلِ أَنْ يَأْتِيَكُمُ الْعَذَابُ بَغْتَةً وَأَنْتُمْ لَا تَشْعُرُونَ (55) أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنَ السَّاخِرِينَ (56) أَوْ تَقُولَ لَوْ أَنَّ اللَّهَ هَدَانِي لَكُنْتُ مِنَ الْمُتَّقِينَ (57) أَوْ تَقُولَ حِينَ تَرَى الْعَذَابَ لَوْ أَنَّ لِي كَرَّةً فَأَكُونَ مِنَ الْمُحْسِنِينَ (58) بَلَى قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنْتَ مِنَ الْكَافِرِينَ (59) وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُمْ مُسْوَدَّةٌ أَلَيْسَ فِي جَهَنَّمَ مَثْوًى لِلْمُتَكَبِّرِينَ (60) وَيُنَجِّي اللَّهُ الَّذِينَ اتَّقَوْا بِمَفَازَتِهِمْ لَا يَمَسُّهُمُ السُّوءُ وَلَا هُمْ يَحْزَنُونَ (61)} [الزمر : 53 - 61] اليوم بيدنا الإختيار أما غدا ........فلعله لن يأتى إنتظرونـــــــــــــــــــــــــــــــــــــــــــ ـــــــــــا فى قصة جديدة من سلسلـــــــــــــــــــــــــــــــــــــــة http://img822.imageshack.us/img822/8591/tteetre.png |
| جميع الأوقات بتوقيت GMT +2. الساعة الآن 12:26 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.