|
معركة الشعارات
بسم الله الرحمن الرحيم
في الوقت اللي احنا فيه اصبحت الشعارات كتيره فمثلا شعار الحكومه (البيع والخصخه هو الحل ):eek::eek::eek: وشعار الاخوان المسلمين (الاسلام هو الحل ):eek::eek: واخيرا شعار الشعب المصري الغلبان (الصمت هو الحل):eek: مارأيك في هذه الشعارات وطبعا في شعارات كتيره زي لما تيجي تخلص مصلحه حكوميه يبقي شعار (الشاي هو الحل) وطبعا اي حد مش بيعجب الحكومه يبقي شعار (الاعتقال هو الحل ) ولما يزودها اوي مع الحكومه يبقي شعار (الاعتقال هو الحل يتطور الي شعار (التعذيب هو الحل) وعلي رأي الشاعر الكبير (عبقرينومان) مصر هي امي ديما حرقه دمي والسلام عليكم ورحمة الله وبركاته |
عمار يا مصر نهبينك ومقطعينك ولسه فيكى خير تطلعيه للى سكنينك شعب غيرنا كان مات من ملاين السنين لكن الأصاله والعراقه ودعى الوالدين لسه بيلعبو دورهم لحد دلوقتى عمار يا مصر لا تعليق |
الف شكر ياغالي علي مرورك الجميل
(ارحمو مصر ارحمو مصر ارحمو مصر) |
مصر حلوة
ونظيفة لكن احنا الى وسخنها وخلينها فى الارض دمرنا حضارة واثار حتى النيل اتلوث |
اه بالنسبه للنيل فاكر المصريين القدماء كانو كل سنه بيرمو اجمل عروسه فيه
واحنا ماشاء الله بنرمي كل ثانيه اوسخ حاجه فيه وفعلا كلنا مشتركين في خراااااااااب مصر |
يا عم كيمو عوضنا على ربنا بقالنا كام سنة ...أقصد كام ميت سنة بنقول هانتغير و مع ذلك بسم الله ماشاء الله لسة زي ماحنا واقفين محلك سر .وبالنسبة لموضوع الشعارات (دي تمثيلية بتتعمل عشان نقول ان احنا ماشين على منهج معين مش سايبنها سلطة)
|
انا بشكرك علي مرورك
والبلد دي فعلن مش هتتغير (لازم كلنا نعمل حاجه مش لازم نقعدنحتار) الكل ساكت ياغالي وانا بقولك الشعار بتاع الشعب (الصمت هو الحل ) فلذلك البلد مش هتتغير |
لا تعليق هقول ايه ما هو الموضوع لا هيقدم ولا ياخر مع احترامي الكامل لكاتب الموضوع
|
هو عنوان الموضوع ايه شعارات بمعنى ان كله فى الفاضى احنا كده من زمان ومش هنتغير كل يوم شعار جديد وكلام زى الفل بس فين النتيجة واخر الشعارات ( اركب القطار قبل ما يفوتك ) طيب اللى فاته القطار ده من 15 سنه يعمل ايه ؟ عمار يابلدى وشكرا لموضوعك |
اقتباس:
ثانيا الموضوع ده علشان ان مش مقتنع بالحاجه دي ومصر كانت ايه واصبحت ايه دلوقتي (الرشاوي والوسايط والكوسه ) |
اقتباس:
شكرا ليك ياغالي علي مرورك الجميل (عشت ياريس مش هتموت اللما العمر علينا يفوت وبقولهالقوا باعلي الصوت احموا مصر ارحموا مصر ارحمو مص الحلو يعود) |
السلام عليكم ورحمة الله وبركاته
هيه فعلا شعارات بس مش كل شعار زى بعضه فيه ناس بتقول شعار على الورق ولا تعرف حتى معناه ولا هى كانت كاتبه ايه بعد ثوانى من كتبته وفيه ناس شعارها محفور فى قلبها وبتحاول على قد المستطاع تنفيذه وتم تنفيذه الى حد ما الى حد ما زى شعار الاخوان الاسلام هو الحل انا ولله العظيم ولله العظيم مش بقول كده علشان انا من الاخوان انا بقول كده لانى شايف ان الاخوان فعلا بيحولوا يعملوا كده انزل كده فى الجوامع شوف نسبة التدين الى بقت فى الشباب بدائنا بينا ونشرناه على غيرنا واحنا دلوقتى فى مرحله تانيه وهى اننا ننزله على حكومتنا ونتطبقه عليها حياخد وقت صحيح بس معلشى حيتنفذ ده بالنسبه لشعرنا انما بالنسبه للشعار التانى بتاع الشعب مين قالك ان الشعب ساكت انته مش بتقرا جرايد ولا ايه اه شكلك بتقرا الاهرام والاخبار والجمهوريه الجرايد الى بتحسسك ان الشعب فى غنى ورفاهيه لرجة انهم بيفكروا يعملوا زى الشباب بتاع فرنسا الى جربوا كل حاجه فى الدنيا من نساء وخمر وخلافه فا حبوا يجربوا طعم الموت واتنحروا انتحار جماعى حسبى الله ونعمى الوكيل اخى الناس مش ساكته كل يوم فى مظاهره واعتصام وضغظ على الحكومه يبقى الشعب مش ساكت برضه وانا اسف على التطويل |
علي فكره لو الشعب زي ماحضرتك بتقول ماكنشي حصل تعديل الدستور اللي مفيش مصري راضي عنه
ايوه مفيش مصري راضي عنه وانا واثق من كلامي وعارف ناس في الحزب الوطني كانو معترضين علي التعديلات بس يلا لو كلنا ايد وحده كنا غيرنا حاجه في البلد دي بس لما واحد بيقف يتكلم الكل بيبقف سااااااااااكت وعلي شان كده احنا ضعفاء وبالنسبه لشعار الاخوان انا بحترمه بس في بعض الحجات في فكركم مش عجباني هقولك مثلا لما التخريب الدستوري حصل طبعا لايجوز قيام اي حزب علي اساس ديني ليه الاخوان معملوش حزب طبعا علي اساس ديني مش هينفع معني كده خلاص اسيب السياسه من بعد ماأنا كنت اقرب واحد في مصر للحكم لاطبعا لازم تعملوا حزب ومش لازم علي اساس ديني ولما تمسكو البلد ابقو اعملوا كل اللي انتو عايزينو افصلو الجماعه عن الحزب وشكرا ليك علي مرورك |
اقتباس:
انا بحترم راى حضرتك بس مين الى قال لحضرتك اننا سبنا السياسه احنا طول عمرنا بنتكلم فى الدين والسياسه من الدين وجزء لا يتجزء منه ومينفعش بما اننا بنتكلم فى الدين يبقى نسيب السياسه نما بالنسبه للحزب احنا بالفعل بندرس مشروع الحزب وخلاص اهوة هانت كلها كام يوم وتسمع عن حزب الاخوان المسلمين لاننا كنا بنقشوه فى كذا دوله علشان حكومتنا الى ربنا يهدينا ااحنا متقدرشى تعارض حزبنا ونصيحه محدش يدخل اى حزب دلوقتى علشان احنا خلاص قادمون |
[quote=المجاهد فى سبيل الله;329261]السلام عليكم ورحمة الله وبركاته
انا بحترم راى حضرتك بس مين الى قال لحضرتك اننا سبنا السياسه احنا طول عمرنا بنتكلم فى الدين والسياسه من الدين وجزء لا يتجزء منه ومينفعش بما اننا بنتكلم فى الدين يبقى نسيب السياسه نما بالنسبه للحزب احنا بالفعل بندرس مشروع الحزب وخلاص اهوة هانت كلها كام يوم وتسمع عن حزب الاخوان المسلمين لاننا كنا بنقشوه فى كذا دوله علشان حكومتنا الى ربنا يهدينا ااحنا متقدرشى تعارض حزبنا ونصيحه محدش يدخل اى حزب دلوقتى علشان احنا خلاص قادمون[/quot حضرتك بتقول هتعملوا حزب الاخوان المسلمين وده هيكون له علاقه بادين صح ولا لاء وطبعا بعد تخريب الدستور مش هينفع تعمل حزب علي اساس ديني هيبقي حزب محظور كما يطلقون علي جماعتكم وبعدين انتو امامكم فيرصه لانكم عندكم عدد كويس من الاعضاء في مجلس الشعب اخوان فدي فرصه والله اعلم هتحصل تاني ولا لاء وعلي فكره انتوا لو عملتم حزب فيه ناس كتيره هتنضم ليكم ومن الافضل انوا يشارك فيه كل فئات المجتمع رجال ونساء ومسلمين ونصاره بكده هتنجحوا ولما تمسكوها اعملوا اللي انتو عايزينو وغيروا براحتكم اهم حاجه ربنا يكرم مصر وحالها ينعدل وشكرا ليك |
| جميع الأوقات بتوقيت GMT +2. الساعة الآن 07:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.