|
اجو خدمة من المشرفين والاعضاء ضرورى جدا
ياريت احد المشرفين او الاعضاء يرفع حل لاجابات دليل التقويم اذا امكن او امتحانات السنوات السابقة بالاجابات وياريت حد يرد لانى طلبت حجات كتيره قبل كده ولكن لا حياة لمن تنادى, ويريت حد يقول لى خطه لمذاكرة الالمانى فى اسرع وقت لانى شبه مش عارف حاجة عن المنهج واحنا خلاص الامتحانات على الابواب وانا اهملت فى الالمانى كتير وكل مقول لحد كده يقلى الالمانى ده مش محتاج انا فعلن محتاج مساعدة
شكرا |
فعلا محتاجين كل ده
بس انا مش عارف ليه مفيش حد بيسال عننا هو لازم دروس يعنى ولا ايه؟ |
السلام عليكم
طب لية اهملت فى الالمانى لحد دلوقتى ابدا مذاكرة الالمانى من الاول واستعين بالله وهو ان شاء الله هيعينك ممكن تحدد لنفسك كل يوم عدد ساعات تذاكر فيها الالمانى وانا ها قول لك على حاجة ابدا المذاكرة درس درس وبعد كل درس حل علية من دليل التقويم واكتر حاجة ممكن اعملها انا كعضوة فى المنتدى ان انت بعد كدة اى سؤال وقف قدامك فى الدليل او اى سئال محتاج اجابتة او حتى اى قاعدة مش عارفها قول واحنا ان شاء الله هنحاول نساعدك واكن الله فى عون العبد ما دام العبد فى عون اخية وانا عندى ملفات وورد على الكمبيوتر لشرح دروس الالمانى من الاول خالص بس مش عارفة ازاى ارفعها وحاجة كمان انت ممكن تخش على موقع شبرا الخيمة دوت كوم هتلافى شرح اول درسين او ثلانة للالمانى واهم حاجة استعين بالله وهو ان شاء الله هيوفقك ياريت تلحق نفسك بسرعة دلوقتى هاقول لك كلمة حطها حلقة فى ودانك دول 45 يوم بمقام عمرك كلة هم اللى هيحددو مصيرك بعد كدة فعلى قد ماتقدر شد حيللك وربنا يوفقنا كلنا |
شكرا يجماعة على الرد بس انا ملاحظ ان المشرفين مبيردوش ولا بيسالوا فى اى حد يطلب حاجة وده القسم الوحيد فى المنتدى الى مفيش حد من المشرفين بيرد على الطلبات
|
طب خلاص بقى
هما مش هيساعدونا يبقى احنا هنساعد بعض ان شاء الله مش هنفضل نشتكى من الموضوع دة كتير لحد ما نلاقى الوقت عدى وفات وانا لسة عند كلامى لو احتجت منى اى حاجة وربنا يكرمك الحق ذاكر من دلوقتى علشان مترجعش تندم بعدين الالمانى مادة باذن الله الخمسين مضمونة فيها وربنا يوفقنا كلنا |
اقتباس:
|
يا جماعة أنا معاى كتاب دليل التقويم وأنشاء الله هحله كله
|
انا عايز اسال سؤال فى امتحان دور تانى 2002
فى ال dialog اول واحدة ممكن تبقى ايه؟ hallo noha,.........,randa ist krank يا ريت حد يرد معلش |
انا فى الاول كنت هاقول weisst du dass
بس مش هاينفع علشان الفعل مش فى الاخر فهى ممكن تكون ich will unsere freundin im krankenhaus besuchen او ich besuche randa او es t{u}t mir leid ,denn ودى اجاباتى لحد اما اسأل واتاكد وانا طالبة اجاباتى تحتمل الصواب والخطأ وربنا يوفقنا كلنا |
انا الى لحظته وانا بحل انى المشكلة انى مش فاهم القعدة المشكلة انى مش فاهم السؤال بيتحل ازاى والمشكلة دى الى سببهالى هو المستر الى باخد عنده مع انه من اشهر واحسن المدرسين لان همه الوحيد الكم وليس الكيف بمعنى ان كل همه كمية الحل الى انت حللها سواء انت نقلهم من حد او حلتها بالصدفة وانا قررت انى اروح اراجم مع مستر هو مش مشهور ذى المستر بتاعى بس كل زميلى الى بيخدوا عنده بيقولوا انه بيهتم بشرح الجملة وكيفية حلها !
وانت ايه رايكم اسيب المستر الى انا باخد عنده وابدأ اراجع مع المستر التانى ولا ايه انا محبط جدا بسبب الالمانى مع انى كنت بحبه جدا فى اولى ثانوى وكنت بحل كتير ارجو مساعدتى واعرف رايكم!!!!!!!!!!! وسلام يا احسن اعضاء فى قسم الالمانى ، وشكرا على تجاهل المشرفين |
السلام عليكم
طب انت ازاى بتحل من غير ما تذاكر الدرس الاول انت الاول المفروض تذاكر الدرس وتقنع نفسك ان هو هيكون ان شاء الله سهل وان انت لازم تفهمة الاول علشان بعد كدة تقدر بسهولة تحل علية وعلشان تقدر تفهمة اكتر لازم يكون معاك فى المذكرة بعد الشرح شوية امثلة على الدرس بحلها او امثلة محلولة مش كدة برضو ولا انت بتذاكر من انهى كتاب وعموما بالنسبة لموضوع المدرس تبديل المدرسين فى الوقت دة بالذات مش كويس لان خلاص بيكون المدرس عرفك وعرف مستواك بس برضو انت ادرى بمصلحتك لو المدرس التانى هيفيدك اكتر خلاص يبقى تروح لة وحاول تصلى صلاة استخارة قبل ما تعمل اى حاجة وحاول وانت بتصلى تدعى ربنا كتير انة يوفقك ويوفقنا كلنا وبالتوفيق ان شاء الله |
شكرا على احساسك يا dandana.s بالمشكلة الى انا فيها
بس فى مشكلة لو انا ذكرت كويس وكملت مع المستر بتاعى مين الى هيفهمنى ازاى احل الاسئلة وطريقة حلها مع العلم انى جبت كتاب استار مرجعة نهائية ؟ ومتقليش الواجب لانى زى مانا قلت انى اهملت الالمانى يعنى انا شبه مش حالل الوجب الى على الابواب والمادة دى الوحيدة الى انا بشتكى منها وخلاص كرهتها |
وممكن حد يقلى طريقة لمذاكرة الالمانى كله فى اقل وقت --- وممكن سؤال تانى !!!
- هو احسن انى اسهر واذاكر ولا اصحى الصبح بدرى مع العلم انى لما بصحى بدرى باجى على الســـــــ12ــــــــــاعة الظهر وبفصل ومبحبش اذاكر خالص ؟ |
السلام عليكم
انا هاقول لك كلمة الالمانى مادة بجد حرام لو مجبتش فيها 50 لانها سهلة جدا معلش يعنى كونك انت قصرت الاول يبقى لازم انك تتحمل نتيجة تقصيرك طب ومش عارف تتحمل النتيجة تعمل اية اولا واخير تستعين بالله ثانيا انا شايفة من كلامك ان المشكلة مبقتش فى سهولة او صعوبة الالمانى المشكلة فى انك مش بتحب الالمانى اصلا ومش قابل انك تذاكرة انت المفروض تهيا نفسك الاول قبل مذاكرة الالمانى وتكون عارف انت انت لازم تحبة وتحاول تحبب نفسك فية يعنى مثلا تذاكر درس انت شفتة انة سهل واهم حاجة تشوف الامثلة المحلولة اللى انا قلت عليها وانا عندى على الجهاز زى ما قولت قبل كدة دروس المانى على الجهاز بتاعى بس مش عارفة ارفعها ازاى قولى لو تعرف وانا احاول ارفعها لك وانا عايزة اقول لك حاجة انت بتقول انك مش عارف السؤال بيتحل ازاى اصلا طب انت اكتب اى سؤال مش عرف بيتحل ازاى واحنا ان شاء الله هنساعدك كلنا وياريت يبقى عندك حبة تفاؤل وان انت ان شاء الله هتذاكر الالمانى وتقفلة كمان وتبقى اد المسئولية وتصحح غلطتك اللىانت وقعت فيها من الاول وربنا يوفقك ويوفقنا كلنا |
طب هو كتاب استار مراحعة نهائية عامل قواعد المنهج كله بشكل مرتب وكل قاعدة وراها تمارين خاصة بيها فانتى من رايك اذكر منها ولا اذكر من مذكرات الشرح الاول؟؟؟؟؟؟؟؟؟؟؟؟؟
وشكرا جدا يا dandana.s لتجوبك معايا لانى مش لاقى فعلا صديق يحب المساعدة ، |
| جميع الأوقات بتوقيت GMT +2. الساعة الآن 02:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.