استمارة بتاكل حقنا(103)
 

ياجماعة مطلوب في ملف العمل استمارة 103 بخصوص المعاشات ومدد العمل السابقة حكومية او غير حكومية بيمضي عليها اتنين موظفين ونمضي عليها احنا المشكلة ان يكتب لك فيها (لا يوجد مدد عمل سابقة) ياريت تقولولنا الاخبار في محافظات حضراتكم عن هذه الاستمارة علشان حقنا ما يضيعش دا احنا لينا خمس سنين تعاقد ازاي ميتحسبوش:slap1qk6:

احنا في محافظة الدقهلية اتكتب لنا فيها بالنص " المذكور موجود بملف خدمته شهادة التجنيد والشهادة الاصلية وتاريخ اول تعاقد

احنا في اسكندريه كتبنا مدد التعاقد كلها


ولم نكتب لا يوجد مدد سابقة نهائيا

في بورسعيد ما عملناش حاجة من دي خالص
ولا استمارات ولا مصوغات والموضوع كله ماشي علي الله

ادارة المنيا
ضفنا من أول يوم تعاقد لغاية قبل التعيين .. وسألت في قسم الموازنة بالمديرية عندنا قالو ال 5 سنوات تم اضافتها ولكن اصبرو شهرين لما تيجي ملفاتكم

احنا بقى ولا نعرف اى حاجة عن الكلام ده دى حتى جوابات التعيين بتاعتنا طلعت تثبيت مش تعيين وفى قرار جاء للادارة بتاعتنا ( بسسسسسسسسسسسسسسس ) انهم يوقفوا كل حاجة تخصنا
بالطبع هيا ادارة فى قمة الفشل؟ (مطوبس _ كفر الشيخ)

شكرا وادي المحافظات اللي فاهمه شغلها

احنا بقي بنقول للموظف كده غلط قاللنا والله عندكم المديرية روحولها

ياريت ياجماعة اللي عنده الاستمارة مختومه ولسه مسلمهاش يرفعها علشان (.........)بتوع الادارة يصدقوا






معلش اخي الكريم أ بطوط ، لكونهم لايستطيعون الرد والدفاع عن أنفسهم فلايحق لنا أن نتجاوز في حقهم بالالفاظ.. وانا مقدر غضبك ..تقبل مروري (المشرف)

يجماعة الاستمارة دىمعمولة للخدمات السابقة ان الواحد مكانشى شغال قبل كدة فى اى قطاع حكومى

احنا قدمناها ولكن مكتبناش فيها حاجة قالو ان دى استمارة للى كان شغال فى مكان تانى
منهم لله 13 سنة هيضيعو بس والله منى سايبهم

احنا في السويس كتبنا كل المدد اللي قضيناها في التربية والتعليم

انا ملاحظه ان انتي من السويس وعملتي تعين معلش استحمليني عشان انا ف مدرسه ما يعلم بيها الا ربنا وعندنا مدير مهبب بستين هباب

جواب التعين بتاعك طبعا اخدو منه ف الاداره صورة طبق الاصل

طيب ف المدرسه سلمتي اصل الجواب ؟؟؟؟؟؟؟؟؟؟؟؟؟؟؟؟؟؟؟؟؟

وهل لو مشيتي من المدرسه دي وروحتي مدرسه تانيه هتخديه معاكي وانتي ماشيه مع ملفك ولا بيفضل عندهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


لان المدير بتاعي مكنش عاوز يحط الجواب ف ملفي لولا اتصلت بعاطف العدوي وحطه ف الملف قدام عنيا

وكان بيقولي ده الجواب ده جايلي انا وده ميخصكوش في حاجه

وهحطه ف ملف فرعي واشتغلي شغل الجنان ده

وهو اصلا راجل مش كوييس وممكن يقطعه او يضيعه

كتبنا فى استمارة 103 تاريخ اول تعاقد ومفيش اى امضاءات او اى حد وقع على اى ورقة من مسوغات التعيين ؟؟ احنا اللى ملينا كل الاوراق بنفسنا ؟؟؟؟ فهل الاداريين هيرجعو الاوراق دى وينظمو بياناتنا ويضيفو الخبرات السابقة ؟؟؟