|
الحب والصداقه
بسم الله الرحمن الرحيم
السلام عليكم جميعا ورحمه الله وبركاته انا مش كتبت من زمان بس هو موضوع مش مهم اوي بس حبيت اعرف الصح منكم هو انهو الاغلي الحب ولا الصداقه؟ وممكن حد يكون بيحب حد ويبقي سهل يبعد عنه؟ طيب ليه الناس بتعمل كده في بعض؟ هو طبع في الناس انهم يجرحو غيرهم ولا ايه؟ طيب ازاي حد يعرف ان اللي قدامه بيحبه ولا لاء وهو مش بيعمل حاجه تدل علي كده؟ عرفوني رايكم يله جايز انا اللي غلطانه في حكمي علي الناس واخيرا استودعكم الله الذي لا تضيع ودائعه |
اقتباس:
وشكر علي موضوعك:) |
مممممم
حاسه انك فعلا عايزه تعرفى اجابات لاسئلتك دى وفى نفس الوقت الكلام بيقول انه فى موقف حصل خلاكى محتاره كده لو تشاركينا الموقف بتاعك يمكن حد يقدر يفيدك لان الاسئله دى كلها مش هينفع الاجابه عنها ب اه و لا |
الصدقة طبعا افضل
الحب ممكن يضيع لكن الصداقة والصديق هو اللى بيفضل مهما حصل |
ازيك يا هيام
في البدايه عايز اقولك ان ده فعلا سؤال محير و بصفه عامه الاسئله في تحليل الدنيا قد تسبب الجنون بس الواحد بيحاول يوصل لاجابات يوهم بيها نفسه بالنسبه لسؤالك انك بتقولي انهو اغلي الخب ولا الصداقه والله علي حسب الطرفين صديق مخلص .. و صديق مخلص ... يبقي هيكون الصداقه غاليه حب حقيقي خالي من الشوائب و ختامه طيب .. يبقي غالي برده فعلي حسب قوة العلاقه سؤالك التاني اقتباس:
اقتباس:
بس تفائلي خير كل حاجة هتتظبط و الله بس انتي متخليش الاحساس ده يفقدك الثقه في كل الناس اقتباس:
صدقيني لاء زي ما فيه الوحش هتلاقي الكويس بس بنسبه اقل شوية بس متفقديش الامل برده اقتباس:
بس بجد اللي بيحبك بجد هيجي و يطلبك في اول فرصه تسمحله .. ده الصح بصراحه و ده اغلي حب و خليكي مع ربنا برده و هوا هيرشدك لطريقك الصحيح عايزك تعرفي ان مهما حصل .. و مهما كانت الاحداث .. هتعرفي في الاخر ان ده هوا الخير الرسول- صلي الله عليه و سلم - قال " عجبا ً لأمر المسلم فكل امره خير " يعني مهما حصل هو ده الخير ليكي والله بتحصل معايا كتير اوي و بحمد ربنا في الاخر و قربي من ربنا و هو مش هيرضي انك تقعي في ضيق ابدا اتمني الإفاده |
متشكره علي مروركم
بس بجد عاوزه اعرف اجابات وعلي فكره يا _Guide _ عندك حق بس حتي في ناس مش بتقدر الصداقه كمان |
اقتباس:
بس غصب عن الواحد ثقته في الناس بتقل لكن بالنسبه للحب ان الواحد يعرف اذاي اللي قدامه بيحبه ولا لاء مش اقصد الحب ده بس لاء الحب عامه حب الاخوه والصداقه |
اقتباس:
اخت هيام انا بقولك انه الصداقة اقوي حاجة ولكن ممكن تكون برضو اضعف حاجة تكون قوية لما يكون الصديق وفي ويعرف معني الصداقة بجد لكن تكون ضعيفة لو كان صاحب مصلحة زي ما بيقولوا يعني ميعرفكيش غير عشان مصلحة لما يكون عايز حاجة ده عمره كا يكون صاحب وعمرك ما تأمنيه علي سر من اسرارك اما الحب فالحب شئ جميل جدا جدا جدا بس معتقدش انه بقي موجود في الايم دي الا قليل جدا جدا الحب موجود بس نادر للوجود وحكاية ليه الناس بتعمل كده في بعض لانه دلوقتي محدش بقي يعرف ح الكل بقي يقول يالله نفسي وخلاص او مش الكل بكون الغالبية العظمى ومختصر الكلام لو ليكي صديق وليكي حبيب والحبيب خيرك بينه وبين صديقك انا والله لو مكانك اختار صديقي لانه اللي بيحب بيدخل البيت من بابه والمفروض مكنش كلمك من الاصل كان دخل البيت من الباب واتقدملك وبعدها ممكن تسمعي كلامه لو كان ايه مادام ارتبطم لكن في حالة تانية يبقي نصيحة اخوية اختار الصديق بس لو كان وفي بجد ومعلش اذا طولت وارجو اني اكون افدتك سلام عليكم |
اقتباس:
مهو انتي مش هتعرفي غير لما تقعي مرة و اتنين و تلاته و اربعه و تاخدي خبره هتلاقي نفسك بعد كدا - ان شاء الله - عندك مقدره انك تميزي بين الطيب و بين الخبيث وربنا يوفقك ويهديكي علي كل حال |
كلامك ريحني جدا بجد يا ابراهيم
وبجد عندك حق بس احب اوضح ان انا اقصد حب الصداقه والله او حد بتعزه جامد لكن حب تاني انا قررت انه مش هيكون غير لزوج المستقبل وربنا يكرمك ويعطيك سؤلك وكل اللي تتمناه يارب |
وادينا عايشين بنتعلم من الدنيا الى فيها المخلص و مش مخلص
وادينا بنتعلم لكن الاساس هوا قراءة افكار الغيى عن طريق لغة الحوار المتبادلة واكيد الاحساس بيلعب دور كبير لغة الحوار هيا الى تكشف الى قدامك ودايما السان هوا الستار على الانسان دائما يقولوا الفلافسة تكلم لكى اعرفك والسلام عليكم |
وعليكم السلام
جزاك الله خيرا ونورتنا برايك ربنا يكرمك |
شكرا يافندم
ومواضيعك حلوة جدااا ومتظرين كثير من حضرتك لانك نسمة هواء تطل علينا من جميع الجهات فى جميع الاقسام شكرا لمجهودك العظيم |
بصى يا ستى
أولا محدش يقدر يفرق بين معزة الحب والصداقه بس فى فرق فى بعض الأشياء الصداقه شىء جميل جدا جدا وأكيد الإنسان لا يستطيع أن يعيش بدون صديق صدقينى وإسألى مجرب أما الحب فهقولك حاجه أنا حاسس بيها ولكن من تجاه الأنسانه اللى أنا مرتبط بيها ما أجمل الحب إنه جنه الدنيا ونعيم الحياه إنه الأمل الحلو الذى يشرق على النفس فيبدد خوفها ووحشتها إنه اللحن الجميل الذى تعزفه نبضات القلب إنه النعيم الذى يرجوة كل إنسان والسعادة التى ينشدها كلاً منا وهذه أجمل وأرق كلمات عن الحب هذا رأيى |
متشكره جدا علي مرور حضرتك
واهتمامك وبجد الصداقه شيء جميل وكلام حضرتك اجمل |
| جميع الأوقات بتوقيت GMT +2. الساعة الآن 04:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.