أحمد جمال الدين وزير صادق ومحترم
 

السلام عليكم ورحمة الله وبركاته

اخوتي الاعزاء المحترمين نرجو قليل من الهدوء والخير قادم ان شاء الله ولاداعي للتجريح في الوزير الصادق المحترم وانا اثق في انه يريد الخير للمعلم والدليل على ذلك انه قال هذا الكلام من ايام في التليفزيون وصدق قال انه خاطب هيئة التنظيم والادارة وصدق وايضا هو في صف المعلم والدليل انه هو الذي قال في يوم من الايام ان الدروس الخصوصية ليست مسئولية المعلم وهو صادق وقال امام عيني وتسمعها اذني مرتب المعلم لايكفيه عيش حاف منذ ان كان الرئيس المخلوع في السلطة وقد كلفه ذلك ان خرج من الوزارة لذلك انا ارى ان الوزير صادق لانه في يوم من الايام قال كلمة حق في وجه سلطان جائر وهو اول من تحدث في الكادر وهو محق عندما قال ان الكادر افضل للمعلم من الدرجات لان الدرجة ستحرمنا من نسبة 25% الاخيرة الرحمة والهدوء يامعلمي الاجيال .
والسلام عليكم ورحمة الله وبركاته

وانا اضم صوتى لصوتك فعلا الوزير كما قلت

اقتباس:

أحمد جمال الدين وزير صادق ومحترم

أهــــــــــو انـــــــــــــــــــت:d:d

يا أخي الله يرضي عليك عوَّددتنا الوزارة المحترمة ألا نصدق الكلام الا بعد تنفيذه ، لمَّا يبقوا يعملوا بالكلام اللي بيقولوه نبقي نصدقهم ان شاء الله

مش عاوزين كلام المعلم يريد فعل

انا شايف انى ده الصح على ان يكون:
8 سنوات خبرة = معلم
8-13سنة = معلم اول
13-18 سنة = معلم اول ا
18-23 سنة = معلم خبير
23 سنة فاكثر = معلم كبير
والله دا افضل نظام وبكده يبقى يدوا كل واحد حقه فى الترقية على اساس خبرته

هو حضرتك نسيت كلام رضا أبوسريع لمدرسي الجيزه فين الوزير الصادق من الكلام ده ، فين الوزير الصادق إلي قاعد يرفع في الديوان من يوم ما جه وأي حاجه تانية يقول مش من أختصاصي ، سيدي الفاضل ليه التصريحات دي مش ظهرت غير دلوقتي بعد نقابة المعلمين المستقلة وبعد التهديد بتأخير توزيع ورقة الأمتحان .

الاستاذ الفاضل kerewy2010
هو ده الكلام اللي هيحصل ان شاء الله وطبعا ده كان في الاساس هو اللي مفروض يطبق في الكادر لكن وزارة المدعو نظيف هي اللي تعمدت الربط بين الدرجة والكادر فكلنا نزلنا رتبة وبالتالي 25% وبالتالي الوزارة نهبت منا مبلغ كبير وقتها ولذلك اذا تخلصنا من موضوع الدرجة زي ما الدكتور احمد جمال الدين يريد ستصبح الاقدمية هي التي تتحكم وبالتالي كلنا هنزيد مالا يقل عن 25% من المرتب وده اللي بيدور عليه المعلمين من وراء الدرجة صح الكلام يبقى شوية صبر حتى ولو من اجل بلدنا

الاستاذ الفاضل yzaz2222
واضح ان حضرتك متعصب اوي بدليل الكلمات التي تكتبها ناقصة حروف كثيرة اهدأ يا أخي أولا أنا من معلمي الجيزة والوزارة اصدرت بيان نفت فيه الكلام ده ثانيا خلينا نكون عندنا وعي الحل ليس في الاضراب ابدا ولا الوقفات الاحتجاجية الحل يكون في نقابة منتخبة قوية مننا تطالب بحقوقنا بطريقة تدل على ثقافتنا ده اولا ثانيا الراجل الوزير لم يرفع موظفي الديوان ابدا ومش كل كلام نصدقه من الجرايد عن رفف المرتبات والمكافأت الخاصة بالوزارات الاخرى ماتنسوش ان الجرايد عايزة توزع فالصبر والهدوء وان شاء الله الخير قادم - الاخوة اللي بيطالبوا الوزير يحل النقابة ازاي يقدر يحل مجلس النقابة وهي المدافع عننا ضده بمعنى انه لو النقابة انتخبناها واخذت موقف معنا ضد الوزير يقوم يحلها ويخلص منها هل ده كلام ........ الوزير ليس له سلطان على النقابة ابدا والا تصبح جهاز اداري يعمل تحت سلطة الوزير زي مجلس سرور تحت قيادة مبارك

«الصحة» تحدد أعلى أجر لقيادات الوزارة بـ٢٠ ضعف أقل راتب

كتب هدى رشوان ٢٥/ ٤/ ٢٠١١أصدر الدكتور أشرف حاتم، وزير الصحة والسكان، قراراً بوضع حد أقصى لرواتب القيادات العليا بالوزارة، على أن يحصل أعلى مستوى إدارى وطبى فى الوزارة والهيئات التابعة لها على مبلغ يقدر بـ٢٠ ضعف أقل راتب فى الوزارة، وقرر بدء تطبيق تجربة قانون التأمين الصحى الجديد بمحافظة الإسكندرية أول يوليو المقبل.
قال الدكتور عبدالحميد أباظة، مساعد الوزير للشؤون الفنية والسياسية، إن هذا القرار يأتى فى إطار تطوير المنظومة الصحية وإصلاحها وإعادة هيكلة الأجور والرواتب بالوزارة وهيئاتها، وأن فترة ما قبل الثورة شهدت فارقاً كبيراً بين الرواتب، مما أدى لحدوث احتقان شديد بين العاملين.
جريدة المصري اليوم

التنفيذ وليس الوعود

لسنا ضد الوزير
لكن نريد أن نفهم
لم يفضل العاملين بالوزارة عن المعلمين في المنح والمكافآت والمعاملة

ممكن أعرف هو حضرتك من موظفي الديوان ولا الجيزه ، وليه بتحكم على كلام الجرايد بالكذب ، تعرف حضرتك أن موظفي الديوان بياخدوا مكافأة أمتحانات 200 عادية زي أي مدرس ، وغير كده من 250 إلى 750 يوم مكافأة ثانوية عامة ، غير شهور في المناسبات الأعياد ورمضان ........ لو ممكن حضرتك تتأكد من المعلومات دي ممكن أكون غلطان ،وبعدين لو كلام الجرايد زي حضرتك ما بتقول طيب ما الوزير الجرايد هيه الي نشرت الأخبار دي امبارح فين الصدق .


«الصحة» تحدد أعلى أجر لقيادات الوزارة بـ٢٠ ضعف أقل راتب

كتب هدى رشوان ٢٥/ ٤/ ٢٠١١أصدر الدكتور أشرف حاتم، وزير الصحة والسكان، قراراً بوضع حد أقصى لرواتب القيادات العليا بالوزارة، على أن يحصل أعلى مستوى إدارى وطبى فى الوزارة والهيئات التابعة لها على مبلغ يقدر بـ٢٠ ضعف أقل راتب فى الوزارة، وقرر بدء تطبيق تجربة قانون التأمين الصحى الجديد بمحافظة الإسكندرية أول يوليو المقبل.
قال الدكتور عبدالحميد أباظة، مساعد الوزير للشؤون الفنية والسياسية، إن هذا القرار يأتى فى إطار تطوير المنظومة الصحية وإصلاحها وإعادة هيكلة الأجور والرواتب بالوزارة وهيئاتها، وأن فترة ما قبل الثورة شهدت فارقاً كبيراً بين الرواتب، مما أدى لحدوث احتقان شديد بين العاملين.

الاستاذ الفاضل dr.mhmud
مين قال ان الوزير يفضل موظفين الوزارة الوزير لم يرفع مكافأة الديوان ابدا ابدا ديوان الوزارة مفضل ومرتع للنهب من زمان .. ولو اعطينا الفرصة للوزير هينظم العملية بهدوء وليس بطريقة احمد زكي بدر واللي من نتيجتها كان رجوعهم مرة تانية في وقت كان لازم يرجعوا لان البلد مش ناقصة اضطرابات وانا برد على من سيقول هو اللي رجعهم ......... اما انه يفضل فهو يفضل المعلم والدليل انه قال ان المعلم لابد ان يكون زي استاذ الجامعة ..... وبعدين قال في برنامج تليفزيوني ان المعلمين عايزين كل حاجة الان وبدون نقاش وده كلام مش كويس