|
ايها الاخوة المواطنون ... قد قررت ترشيح نفسى للرئاسة "طرائف شعبنا"
بسم الله الرحمن الرحيم طبعاً العنوان غريب .. و من الواضح انه لا يفيد بشئ و الموضوع هايف .. و انصح مرضى القلب و السكر (( و اللى عندهم عضلات و هيضربونى )) ميخشوش الموضوع الشعب المصرى معروف انه ابن نكتة .. عايز تضحك بجد روح قهوة بلدى .. و اقعد مع الناس اتكلم معاهم .. هتلاقى نفسك " بترفص من الضحك " فانا هجيب بعض المواقف اللى بتنرفزنى شخصياً .. و بتضحكنى جداً فى نفس الوقت .. و هى بتعبر عشان شعبنا الاصيل و من هذه المواقف .. انك تروح مكان .. تطلع بطاقة .. و والدى قاعد جمبى . و الست بتكلم واحد جمبها وواقفة على الكاميرا و كده و هتصور.. فببص لبابا و بكلمه لقيتها بتقولى خلاص كده اتفضل .. بقولها خلاص ايه .. بتقولى انت اتصورت .. بقولها اللى هو يبقى ازاى الناس فى البطايق بوشها انا هبقى بقفايا ;);).. ! .. بتقولى يلا بقى انت هتستظرف .. يحرق .. يلعن .. يخرب .. و لقيتها تضخمت .. و كانت هتضربنى انا و بابا .. طبعاً بابا كان عايز يقولها انه ظابط و كده .. ملحقناش و سابنى و خلع .. و فى موقف تانى .. انك تسحب الاسانسير .. بعد عناء سافر .. و اول ما تيجى تركبه .. تيجى بنت تبصلك بصه بريئة .. و تستخدم انوثتها و سحرها .. و فى الاخر تقفل باب الاسانسير فى وشك و تاخده و تطلع .. و المصيبة .. تسيب الباب مفتوح .. و انا ساكن فى السادس و اصلاً مفيش صحة خالص .. فده بيدعوا الواحد انه يطلع الطاقات اللى جواه فى الغناء طوال السفر الى الدور السادس طبعاً بالاغنية الشهيرة (( انا ركبى حديد )):028ja7::028ja7: و فى موقف تالت .. انك تبقى راكب الموصلة الشعبية .. الفلوكس .. و الراجل تقوله رايح تعاون مثلاً او هرم يقولك بصوت يملؤها التجشم و جميع انواع المخدرات .. و تدقع الاجرة .. و بعديها بخمس دقايق يقولك اهو وصلنا الطالبية .. اقوله طب انا قايلك التعاون و لسه بدرى .. يقولى هو كده .. ياعم يهيدك يرضيك .. مفيش انزل ياض .. و تلاقيه تطلع كمية اسلحه من فمه .. معرفش كانت فين .. و جرى وراك ... !! و فى موقف رابع .. قاعدين فى عزاء و كان قاعد جمبى واحد من بلدياتنا لذوذ حبوب كده .. فا الفراشة بتبقى فيها حتت مفتوحة ... فا و انا قاعد لقيت ايد بتطلع من الفتحة دى .. و لقيتها بتتجه صوب قفا الصعيدى و اللى ما شاء الله قفاه طريق يمرح به الخرفان و البعير .. و نزلت طراااااااااااااااخ على قفاه و انسحبت بسرعه .. و بدل ما يكون عزا اتقلب مضحكة .. و الراجل قامم حطة الجلبية فى بوقه .. و هاتك يا جرى و را الناس ! .. :excl::excl: و فى موقف خامس .. قاعد انا و والدى فى فرح كبير لشخصية مشهورة و كان فيه ابن الشيخ الشعراوى .. و الفرح كان شبه دينى .. و اسماء الله الحسنى و مش عارف ايه .. بعد هما 10 دقايق .. لقيت الشيخ طلع سيجارة .. و ضرب و اشتغلت اغنية شعبية .. و كل الفرح انتفض . قلت عادى .. لكن الاقى الشيخ يقوم يرقص SLow دى اللى مش عادى ابداً !!.. ............... انا الموقف دى .. بحكيها عشان اطلع منها بحاجة ... ان شعبنا ..الشعب الوحيد اللى فى العالم .. اللى سلبياته مضحكة .. عشان كده احنا شعب غلابة و الله .. و السؤال هنا .. ايه شعورك لما بتمر فى المواقف اللى زى دى ؟ طيب ليه بتضحك و مش بتتنرفز ؟؟ تفتكر دى سلبيات و لا ايجابيات .. اننا نضحك ؟؟ و تفتكر او تفتكرى .. اننا هنتقدم كده .. و لا شعبنا مالوش غير فى الضحك .. ؟ UsErNaMo ThaNwYa Giza :P |
اااااااااااافتكر كله عادى الا حكايه الشيخ انه يرقص وسلو كماان
ربنا يهدىى جزاك الله خيرااااااااااا شكرااااااااا ع المواااقف المضحكه المنرفزة |
اقتباس:
- بغضب جداً :mad::mad: . لم أعتد أن أري خطأ وأسكت عنه ولا أتكلم . - بالتأكيد سلبيات . - عمر مصر ما هتتقدم أبداً إلا لما يلتزم الشعب المصري ويتم وضع قواعد للثواب والعقاب ويتم تطبيقها علي الجميع . لابد من مواجهة الأخطاء وتصحيحها أو علي الأقل الحد منها , ولن يتأتي هذا بالضحك لرؤية خطأ أمامنا تطبيقاً للمثل القائل ( شر البلية ما يضحك ) شكراً علي هذا الموضوع يا أمجد . تقبل مروري . |
اقتباس:
شكرا لك يا أمجد |
انا شايفة انها مواقف فى ظاهرها ضحك لكن فى باطنها حزن على ما يحدث من سلبيات .. الناس اتعودت الاستهتار بكل شئ .. دائما هناك خلط بين الجدية والهزار .. ومش هنتقدم لان معظمنا اخدها من منطلق خفة الدم .. حتى موقف الشيخ المفروض انه قدوة لغيره كان تصرفه مخزى بجد ..وحقيقى ينرفز .. متهيالى الشعب المصرى هيفضل خفيف الدم فى كل المواقف وكمان محلك سر لا خطوة للامام .. شكرااااااااا على الموضوع الجميل .. |
اقتباس:
اقتباس:
اقتباس:
اقتباس:
|
اقتباس:
مدرسة فضل أتاري أخلاقك عالية الظاهر أننا جيران والله نعم الجيرة جيرة تشرف :friendsxs3: الولاد بالذات ما يشتكوش من المواصلات أنا بتطلع عيني ساعة الامتحانات بسببهم :mad: :040vk0::slap1qk6: |
موضوع جميل
و هي خليط ما بين السلبية و الايجابية المستفزه و تعد في اغلب الاحيان تنفيس لم في داخل الاشخاص من اعباء الحياة شكرا لك |
شعبنا الجميل لما حب يعمل ثورة لم تكن كثورة الياسمين فى تونس انما كانت ثورتنا هى الثورة الساخرة
|
ربنا يهدى
شكرا على الموضوع |
ايه يا واد المواضيع الجامدة دي ^^ بص يا أبو الامجاد ^^ حلوة صح ؟ :d شعبنا طول عمري (( الـ 18 سنة اللى فاتوا )) من الاخر فى عهد الريس المخلوع ^_^ " و انا دايما أشوف اننا بنضحك و نهزر سواء فى المواقف الصعبة او المفرحة .. و ده و ان دل يدل ان شعبنا كان مرفه و مش محروم من اى حاجة ههههههههههه.. لا بجد ده يدل اننا لو مكناش بنخرج من مشاكلنا بالطريقة دي كنا هنطق و نموت من اللى بيحصل فينا .. و هو الضحك سمة اساسية فى شعبنا من سمات حلوة كتير .. زي الشهامة و الرجولة .. الخ بس المفروض يبقى ليها حدود يعنى نضحك و كل حاجة بس نشتغل مش نقضيها خفة دم على طول .. و بالنسبة للمواقف دي .. فى مواقف بتضحكني و بتمر عادي . و موقف ممكن يضحك ناس تانية بس بيضاقني اوي زي اللى يتريق على واحد أعمى مثلا او يضحك على واحد عنده أعاقة .. دي مش بتبقى بقى خفة دم دي بتبقة خفة عقل و أدب ^^ و ربنا ما يحرمنا من الضحك بس نشتغل شوية بقى ^^ معلش طولت اذا كان عاجبك ^^ ههههههه حبيبي يا أمجود و الله ^^ :friendsxs3: |
موضوع جميل يا امجد كالعاده طبعــــــــــــا اقتباس:
زى ما جوبت ع السؤال الانسان عايش علشان يأثر ويتأثر شكرا يا امجد ع الموضوع الرائع |
اقتباس:
بما اني مواطنة مصرية اصيلة فاكيد بضحك ! :d احنا بنضحك من كتر ماهو الموقف يحزن ! زي مايقولوا شر البلية مايضحك اقتباس:
هتنرفز من ايه ولا من ايه ؟ يبقى هعيش طول حياتي منكدة ! :( اقتباس:
اقتباس:
اقتباس:
اه نضحك ونفضل الشعب ابو دم خفيف لكن لازم نحط حد للضحك دا مش تبقى الحاجة غلط ونسكت ونضحك ! دي السلبية بعينها ويارب تتصلح الاحوال ونتغير للاحسن الفترة الجاية شكرا عالموضوع الرائع كالعادة ^^ |
موضوع اكثر من رائع ومواقف مضحكه وبتحصل
|
ولا موقف منهم مريت بيه بصراحة
وبعدين اى حكايتك انت بالشعب المصرى نص توبيكاتك تريقة عليه وانا مش عاوزة اقول كلها خليها نصها بس مع انى مشفتش لحضرتك غير توبيكات كدة:d بس يعنى الحق يقال التوبيك ضحكنى:d لانى قريته على اعتبار دة مش علينا هههههههههه وبيفكرنى بالافلام الكوميدية بتاعت اليومين دول قلت ميييت مرة محدش يغلط فى الشعب المصرى دة تبعى :d وطبعا مش كله فى الصفات دى ههههههههه شكرا على التوبيك |
| جميع الأوقات بتوقيت GMT +2. الساعة الآن 11:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.