بوابة الثانوية العامة المصرية

http://gedarnet.com/up/viewimages/aca3b62057.jpg

http://www.january-25.org/images/posts/3962_Large.jpg

عقبال عندكم
ويارب كل اللي لسة ماأتجوزش يتجوز
حتي لو ماعندهوش شقة
ولا ليه وظيفة تأكـَّـله عيش
وانشالله حتي يكون مش لاقي قوت يومه
وقرب يموت من الجوع
http://r15.imgfast.net/users/1511/58...les/898330.gif
المهم يكون حرك ومتفائل
وعنده شوية حاجات زي الحرية والإشتراكية
والديموقراطية والشفافية والوحدة
ودي هي اللي ممكن تؤهله انه يخش السجن
أقصد عش الزوجية
http://r15.imgfast.net/users/1511/58...les/898330.gif
ويارب كل الناس تفرح
زي ما الإنجليز فرحانين وسعداء
بزواج الأمير وليام وكيت ميدلتون
إللي بعد الزواج حاتبقي دوقة كمبريدج
ووليامز أيضا حايبقي دوق كمبردج
وأنا حانبقي دوق المر
http://r15.imgfast.net/users/1511/58...les/898330.gif
وبحسب تقاليد الصعايدة – آسف - قصدي الإنجليز
كل واحد يحاسب عا المشروب بتاعة
فانت حر
تشرب قهوة تشرب مر
تشرب من كيعانك
المهم تدفع الحساب
http://r15.imgfast.net/users/1511/58...les/787926.gif
ولأننا دائما ما نحتاج إلي أن نفرح
حتي لو لفرح غيرنا
ودي صفة كويسه علي ما أعتقد
ولذلك أصدرت الأسرة فرمانا
يدعو إلي الفرجة علي فرح الأمير وليام وكيت

http://www.dw-world.de/image/0,,15038970_1,00.jpg

أما إللي كان حازز في نفسي
إن أنا ما سمعتش ولا زغروطة تفرحهم
خاصة وإن الأمير كان شكله مخضوض
http://r15.imgfast.net/users/1511/58...les/787926.gif
وده إللي بصراحة عايز حد يجاوبني عليه
ليه كله مخضوض اليومين دول ؟؟!!
http://r15.imgfast.net/users/1511/58...les/787926.gif
أعتقد ياجماعة بل أكيد
إن الأميرة ديانا قبل ما تموت
نكشت شعرها وغطت بيه وشها
وقعدت تدعي لوليام ابنها ساعة المغربية
بأن ربنا يفرَّج عليه خلقه
و زي ما بيقولوا ديانا كانت طيبة وبنت حلال

http://www.mushahed.com/wp-content/u...9/05/diana.jpg

عشان كده ربنا استجاب لدعاها
ووليام إتفرج عليه سكان الكرة الأرضية كلها
أما كيت ميدلتون حاتكون أسعد واحدة
لأنها مش حتتعامل مع حما
http://r15.imgfast.net/users/1511/58...les/787926.gif
ومع الفارق بين حما والأخري
إلا إنهن في النهاية حموات
ونحن في النهاية بشر
وإن اختلفت اللغات والبشرات
وعشان كده الجماعة سابوا اللي وراهم
وسابوا اللي قدامهم وأجـِّلوا الغدا
* ياجماعة الغدا
ولا حد بيرد
* ياجماعة ياللي هنا الغدا
ولا حد بيرد
http://r15.imgfast.net/users/1511/58...les/787926.gif
* ياناس ياللي في البيت الغدا
** استني بس لما نشوف الفرح
* ياجماعة جعنا اعملوا لنا الغدا
** لو مش عاجبك ابعت هات أكل جاهز
* يعني انتوا تتفرجوا علي الفرح
وانا أستلف آخر الشهر

http://www.daralhayat.com/files/imag...5067708800.jpg

وقعدوا يتابعوا حفل الزفاف
ومش حاقولك علي التعليقات اللي بتتقال
لأن كل واحد منكم سيد العارفين
قعدوا يتكلموا عن العربية الحنطور
http://www.elnashra.com/arts/images2/hh_41897.jpg
يعني هو مش قادر يجيب له عربية ملاكي
تكون أمريكاني أوياباني آخر موديل
دي العربية الحنطور اللي علي البحر أشيك منها
طيب كانوا يقولوا
وكنا بعتنا لهم كام عربية حنطور
من بتاعة السياحة
إللي من أول الثورة وهي واقفة
وكنا عملناها لهم نقطة وأهي تبقي جـِميلة
حاكم احنا جدعان قوي
ونعرف الواجب والأصول
- ياستي هما جم في عربية رولزرويس
وبعدين نزلوا منها وركبوا العربية الحنطور
هو ده النظام الإنجليزي بتاعهم
http://www.youm7.com/images/issuehtm...m2942011/8.jpg

- نظام إيه ياأخويا
ده باين البنزين خلص من التنك بتاع العربية
عشان مش مفولين العربية كويس
لان البنزين بقي غالي اليومين دول
وكل ده عشان المشاكل إللي في ليبيا
- والا البوفيه والتورتة
ياتري التورتته بتاعته والا تورتة أمه !!
http://r15.imgfast.net/users/1511/58...les/787926.gif
لكن اللي لافت نظري في هذا الحفل
هو عدد الخيول السودا

* أيوه صحيح !
إيه الحِصِنة – الخيول - السودة دي كلها
كل دي حصنة سودة ؟!! معقولة !!
انفجرت ضاحكا حتي كاد قلبي أن يتوقف
أكثر ماهو واقف خلقة
**- أمال يعني حمير و صابغينها
ولا تكونش حمير وصابغينها
http://r15.imgfast.net/users/1511/58...les/898330.gif
*بس دي حصنة سودة كتير قوي
** ياستي هم مبسوطين
إن عندهم حصنة سودة وبيضا وبني كتير
لكن إحنا عندنا حمير أكتر
وعلي كل لون
ومش مصبوغة
لكن طبيعي وحياتك
http://r15.imgfast.net/users/1511/58...les/898330.gif
والله أنا خايف يا جدعان ومتردد
لا يكونوا خدوا شوية حمير وصبغوهم
* لا لا .. دي ما تحصلش من الإنجليز أبدا
http://r15.imgfast.net/users/1511/58...les/787926.gif
يادي الفضايح ياجدعان
هوه فيه ناس عندنا كانت بتعمل الحكاية دي
أكيد ربنا تاب عليهم من زمان
وبقوا فلة شمعة منورة
بس الخوف يا جدعان انه في هذا الأوان
يكون فية ناس بدل ما يصبغوا الحمير
بقوا بيصبغوا البني أدمين
وناس تانيين
بقوا يصبغوا ضمايرهم وذمتهم ويلمعوها
زي لاموآخذة ...
http://r15.imgfast.net/users/1511/58...les/787926.gif
** بلاش نعيب في حد وخلونا نتفرج بقي

***
وعلي راي الجماعة ناس فرحانة لزواج الأمير
وناس فرحانة بحبس الورور وأبوه الكبير
ولله في خلقه شئون
http://r15.imgfast.net/users/1511/58...les/787926.gif
كان الحفل يبعث علي البهجة
الناس شكلها نضيف وكأنها لسه مستحمية
يشبهوا لناس أعرفهم
وماسكين أعلام بلدهم
اثنان مليار بيتفرجوا علي زواج أمير وأميرة
واحنا لسه بنتفرجوا علي فرح اللمبي
إللي مراته بقت حماة دلوقتي
واللي في حفلة زفافه هو وعروسته
كان بيشد الجوزة
وإحنا بنشد في شعرنا
http://r15.imgfast.net/users/1511/58...les/898330.gif
إيه ياجدعان
هو انتم كدا تحبوا تقلبوا كل حاجة الي نكد
وتنشنوا علي الكلوبات بمزاج واحترافية شديدة
ياجماعة إفرحوا
بطلوا هواية التنشين علي الكلوبات
http://r15.imgfast.net/users/1511/58...les/898330.gif
حاولوا تفرحوا الفرح بيعْدي
ويْعَدِّي بسرعة
- بيعْـدي من العدوي .. ويْعَدِّي يعني يمر
مشتقة من المرور
إيه إللي جاب سيرة المرور دلوقتي
http://r15.imgfast.net/users/1511/58...les/898330.gif
مش باقولكم احنا مواهب في ضرب الكلوبات
قصدي في التنشين علي الكلوبات
نشنتوا علي إيه ياللي في بالي ؟!!!
http://r15.imgfast.net/users/1511/58...les/898330.gif
وعلي رأي فضة المداوي
وله حمووووووو إضرب الكلوبات يالــــه
http://r15.imgfast.net/users/1511/58...les/898330.gif