مسابقة الكويت
 

كل انسان عنده الطموح اللى يخليه احسن واحد لكن انا مش عارف احنا قمنا بالثورة عشان نطور بلدنا مش عشان نسيبها ونمشى وبعدين نروح فين الدنيا كلها مولعه فى كل دوله يعنى نكون فى امان وبعد كده نروح فين لا لازم نفكر صح عايزين نغير من القوانين اللى تعبتنا من 30سنه وبلاش هروب

5/2 ان شاء الله
1-تثبيت جميع العقود
2-رفع الحد الادنى للمعلم
3-حصانة المعلم
موعدنا يوم كرامة المعلم ان شاء الله

طيب
السفر على حساب مين

مسابقة الكويت
 

السلام عليكم ورحمة الله وبركاته حد يا جماعه يعرف اى اخبار عن مسابقة الكويت هل اللجنة جت ولا لأ وهل تم الاتصال باى احدمن المتقدمين لانى اتصلت بالسفارة قالت لسه الاسماء متبعتتش واللجنة المفروض جايه اول 7 لو حد عند معلومة او حد السفارة كلمته او يعرف ان الاسماء اتبعتت يعرفنا والسلام عليكم ورحمة الله

اللجنة موجودة فى فندق سفير

برضه عاوزة اسافر واسيبها

زمايلنا سافرو النهاردة بدون اتصال من السفارة والامن مدخلوش الا اللى اتصلو بيهم فقط لاغير وهناك فى كشوفات مع مندوب السفارة فى الفندق ( الاستاذ احمد ) مكتوب فيها قوائم باللى اتصلو بيهم فى اليوم ده بس لا قبل ولا بعد ومفيش تأجيل مقابلات على فكرة .... المندوب بياخد البطاقات الشخصية منكم وانتم واقفين امام الفندق ويتأكد من وجود الاسم فى الكشف وبعدين بتدخل تقابل اللجنة وتطلع بعدها لو ربنا كرمك واتقبلت بيقوللك امضى فى الكشف ولو ورقك جاهز معاك بيستلموه منك او بيقلولك تعالى بعد يومين تكتب العقد باذن الله ولو لاقدر الله فشلت بيقولك شكرا وبتطلع من نفس الباب
ملحوظة :
اللغة الانجليزية مطلوب فيها 30 مدرسة ونجح حتى اليوم 14 وجارى الاتصال بالباقى باذن الله لحد استيفاء العدد من تقديرات جيد
اللغة الفرنسية بدأو الاتصال بتقديرات جيد من اليوم واللى اتقبلو حتى اليوم 9 بنات و11 ذكور وباقى 31 بنات و9 ذكور
الكترونات تم التعاقد اليوم مع 6 مدرسين ولازم خريج هندسة الكترونات للعمل كمدرس او مهندس فى الوزارة هناك
التخاطب مهم جدا يا جماعة الى الان لم ينجح سوى 2 والاحتياج 10 مدرسين ضرورى ولازم شرط اساسى خريج كلية اداب قسم صوتيات ولايقبلو الدبلومة المهنية فئات خاصة
تربية موسيقية لازال محتاجين حتى استيفاء العدد وجارى الاتصال بمن تنطبق عليه الشروط
تربية رياضية محتاجين 30 مدرسة تربية رياضية وحتى الان نجح 10 وجارى الاتصال بهم وخاصة ( سباحة ضرورى ) وباقى التخصصات اكيد
لغة عربية وعلوم شرعية ( تم الاكتفاء بالتعاقد المحلى هناك ) ومفيش تقديم هنا للغة العربية او العلم الشرعية خلاص

يعني يا استاذه بحراويه مينفعشي اروح امتحن يوم الخميس بدلا من يوم الثلاثاء اصل هما كلموني وحددوا لي ميعاد يوم الثلاثاء
وبالنسبه لتخصصي انا تخصص رياضيات

ده اللى حصل لزمايلى وكل اللى كانو جايين بدون اتصال .. الكل مدخلشى لان الموضوع بيتحدد بالاتصال وكمان الاستيفاء هو اللى بيحدد حيتصلو بحد تانى ولا لا....... يا خوخة اتكلى على الله وروحى فى ميعادك احسن لانك مش ضامنة هل حيدخلوكى بعدها او لا وكمان هل تم استيفاء الاعداد المطلوبة ولا لان كان فى مدرس موسيقى جاى بعد معاده مع انه جه فى الميعاد بس اجلها باذن منهم ولكن لم يحالفه الحظ انه يدخل لانه اتاخر والامن مكنشى سامح بدخوله وبالنسبة للرياضيات العدد الكلى المطلوب 100 مدرسة بنات يعنى اللى كانو موجودين كتير منهم نجحو فحاولى تلتزمى بمعادك وربنا يوفقك ويوفقنا جميعا

حضرتك يا استاذه بحراوية
بتقولى اتعاقدوا مع 6 من مادة الالكترونيات ذكور ولا اناث
لان كان فى خبر فى جريدة القبس بالاعداد
انهم استكفوا من الذكور مش عارف خبر مين اللى صح
ارجو التوضيح ؟

اخت بحراويه هو شرط اساسي فى التربيه الرياضيه التقدير
انا مثلا
معي دورتين
واحده اصابات رياضيه وتاهيل بدني
ودوره تدريب وبتقديرات
ولا مش هيتصلوا باللى جايب مقبول فى التربيه الرياضيه ؟
رجاء الرد

لو موجوده ردي + فى موضوع المسابقه بتاعتهم طلبوا تربيه بدنيه اناث وذكور مش اناث بس عندك فكره عن الموضوع دا

السلام عليكم لوسمحت ممكن تقولي ماهي نوعية الاسئلة التي تكون في هذا الاختبار لان اختي هتروح يوم الثلاثاء ومش عارفة ماهو النظام

والله مش عارف الأستاذه بحراوية من دمنهور على الرغم ان انا من محافظة البحيرة بس مش عارف جابت الأخبار دى منين بتاعت الأعداد المطلوبة انا روحت فندق سفير بالدقى واللجنة بتمتحن الناس كلها المذكورة فى الكشوفات يعنى لو عطوا لك ميعاد لازم تلتزم بالميعاد وممنوع تأجيلة وعلى فكرة اللجنة مستمرة حتى يوم 22-7 والعايز يقدم يقدم فى السفار ة بالدقى وحيقبلوا الورق فى كل التخصصات اما بالنسبة للسفر يوم 18-8 والمرتب حيكون 450 دينار غير بدل سكن 150 دينار والله ولى التوفيق