|
سؤال محيرنى ادبى ولا علمى؟؟!
السلام عليكم انا ف اولى ثانوى وخلاص هملى الاستمارة قريب جدا ومحتارة جدا لحد دلؤتى ادخل ادبى ولا علمى انا كل ماحد يكلمنى ادخل علمى اقتنع وحد يكلمنى ادخل ادبى اقتنع انا ف البداية عايزة ادخل هندسة ولكن بيقولولى انها كلية متعبة جدا للبناات وبصراحة انا اقتنعت وانا مش من النوع اللى يموت نفسة ف المزاكرة .. غير كدة انا بحب المواد الادبية جدا كماان بس الكليات العليا ف الادبى اللى عايزة ادخلها زى سياسة واقتصاد ف القاهرة وانا من اسكندرية وصعب بالنسبالى السفر ولكن ....انا عايزة حد يقولى كلام مش متكرر ويكون محايد .. وكمان عايزة اعرف هو السنة الجاية هيلغو التحويل من علمى لادبى ولا لا ؟؟!! :bosyht9: |
اول حاجة سيبك من الناس شوفى انتى عايزة كلية وميولك ايه
كويسة فى المواد العلمى الى عايزة فهم كيمياا ورياضة وكدة ولا بتكرهيها وبالنسبة لهندسة انا اول مرة اسمع موضوع متعبة للبنات ده بس اكيد مفيش كلية سهلة وخدى بالك ان فى ناس كتيييير بتقعد تتكلم وتفتى من غير ما تكون جربت او يكون عندها معلومات بجد علشان كدة اسالى ناس فى هندسة وناس علمى وناس ادبى وشوفى وباذن الله لسه فى وقت موضوع العلمى والادبى ده بيتحدد رسمى من الاستمارة بتاعة تانية الاستمارة بتاعت اولى ديه بتبقى للمدرسة علشان تقسيم الفصول بس ... وبالتوفيق باذن الله ... |
شكرا ليك جدا
.. بس عايزة اقول ان انا بحب الفهم اكتر لكن ف سنة اولى ثانوى مجبتش درجات كويسة ف الكيمياء ودة اللى مخوفنى لكن جبت درجة كويسة جداف الاحياء وانا بحب الاحياء جدا والعلوم كلها وديما بجيب درجات كويسة فيها ومش بحب الحفظ ولكن ف اولى ثانوى حبيت التاريخ والجغرفيا وجبت ف التاريخ درجة كويسة جدا ولكن ف السنين اللى قبل كدة كنت بنقص فيها .. انا مش عارفة ميولى اية انا بحب ف العلمى مواد والادبى موااد :( |
طالما محتاره ومفيش ميول او حاجه معينه !!
ادخلي ادبي احسن !! |
فى البدايه بس انا كمان فى اولى وبرضو بحلم بكليه هندسه وان شاء الله بتوفيق ربنا هحقق حلمى
شفتى التفاؤل ده يابنتى اقعدى مع نفسك وقررى ولما تسألى اسألى حد يكون عارف مستواكى فى المواد مش اى حد وخلاص اصل الناس بتفتى كتير وعلى العموم ربنا يوفقك وقولى يارب نتقابل فى كليه الهندسه |
اقتباس:
لكن بحب التاريخ والجغرفيا لما يتفهموا وطبعا ف الامتحنات هكتب اللى حفظاة لان هينقصو لو كتبت اللى فهمااة لازم اكتب اللى ف الكتاب بالنص وانا اصلا بنسى بسرعة ... انا حيرتكوا معايا والله :bosyht9: |
اقتباس:
..مش بخوفك والله بس بقول اللى سمعتة |
اقتباس:
ومش شرط انك علشان جبتى درجة وحشة فى الكيمياا فى اولى انك هتجيبى درجة وحشة برضو فى تانية اولى ديه مش مقياس خالص لان معظم الناس بتبقى عايزة تنجح وخلاص ... |
كنت نفسى ادخل هندسة لكن مش لاقية حد يفائلنى اصلا ف موضوع كليه الهندسة دى :078111rg3: ... ولكن غير الهندسة انا نفسى ادخل صيدلة او فنون جميلة .
|
اقتباس:
حلوة جملة الادبى حفظ دا بوصى من الاخر الادبى حفظ اة لكن العلمى حفظ اكتر مليون مرة و هتحفظى حاجات مانتيش فاهماها و لا لمساه ويبقى اهبل اللى يقولك الكيميا فهم لانك لو حفظتيها و مفهمتيش هتجيبى فيها مجموع انما لو فهمتى بس قولى على نفسك يالا السلام لكن الادبى حفظ لظواهر حاساها ولمساها حواليكى |
طبعا عندك حق لازم احفظ ف الكيمياء كمااااان لكن الكيمياء مش بتعتمد على الحفظ يعنى لو حفظتى حاجة ونستيها ممكن تكتبى اللى فهماة انما المواد الادبية بتعتمد على الحفظ ف كل حاجة وبعدين الفهم
|
حضرتك بتفكريني بنفسي و انا فى أولي ثانوي حتى المواد اللى كنتي شاطرة فيها و المواد اللى ضيعفة فيها .. يعني تقريبا نفس الموقف ..^^ بس انا دخلت أدبي .. بعد ليالي من التفكير .. لاني شايف ان اللى يدخل علمي ده .. 1. يبقى محدد هدفه كويس و عارف هو عايز يدخل كلية ايه من القمة و يبقى عاوز كلية من كليات القمة طب او هندسة او صيدلة و يبقى محدد كمان أى كلية مش يقول انا هدخل على أساس طب و لو مجبتش مجموع فى تانية ابقى احول رياضية 2 و أدخل هندسة و لو مجبتش مجموع حلو بالمرة احول أدبي و خلاص .. انا شايف اللى يفكر كده يدخل أدبي من الاخر 2. انه يبقى حابب المذاكرة الكتير يعنى يقعد بالساعات و كده و مايزهقش بسرعة.. و يبقى حابب المواد العلمية أكتر من الادبية بس مش بالكلام اللى هو انا بحب كذا و كذا .. يبقى بالدرجات و يوزن بين الدرجات علمي و أدبي و انا كنت زيك بحب الاحياء و مازلت بس مابحبش الرياضية ولا الكيمياء و لا الفيزياء .. و انا لقيت نفسي مش متوفرة فيا الحاجتين دول و مش عاوز كلية من كليات القمة و لقيت نفسي مش بحب المذاكرة الكتير و ان الكلية اللى نفسي فيها ( فنون جميلة ) ممكن أدخلها من أدبي برضه فأختصرت المشوار و دخلت أدبي ^^ و اعرف ناس كانت برضه مش متوفره فيهم الحاجتين دول و دخلوا علمي على اساس " نجرب مش هنخسر حاجة " و جربوا و ياريتهم ما جربوا .. لان فيهم اللى شال السنة و اللى شال مواد و اللى جاب فى الستينات و كده .. بس ربنا يعينهم و يوفقهم السنادي .. و على فكرة الادبي مش زي مالناس فاكرة حفظ وبس .. لا و الله هو جميل جدا من وجهة نظري و 50 % حفظ و 50 % فهم .. و أسألي مجرب :d بس ركزي فى النقطتين دول وشوفي نفسك و فكري كويس .. و ربنا يوفقك يارب فى اللى هتختاريه ^^ |
اقتباس:
مين قالك الكلام ده ؟؟؟؟؟؟؟؟ الادبي لو انتى فاهمة كويس و عبرتي بطريقتك هتاخدي الدرجة كاملة .. التاريخ و المواد الادبي مش نص قرآني علشان يتكب بالظبط .. و علشان أطمنك أكتر انا كنت واحد تاريخ فى سنة تانية .. و كنت بذاكر بس مش بحفظ بالنص .. كنت أفهم الاول و بعدين أشوف الحاجات الاساسية فى الاجابة اللي تتحفظ و بعدها أعبر بطريقتي .. و كنت أعرف ناس حافظة الكتاب حفظ .. يعنى حافظاه بالنص من الجلدة للجلدة و جابو فى التاريخ فى التلاتينات و انا بقولك كنت بذاكر بس مكنتش بحفظ بالنص و جبت الحمد لله 49.5 من 50 .. هما أفتكروني بذاكر من وراهم و الكلام ده مع انهم كانوا حافظين الكتاب .بس طالما مش فاهمين كويس مش هيحلوا كويس .. طالما انتى بتفهمي الادبي كويس .. أدخليه و كلنا بننسي بسرعة على فكرة .. انا كنت اذاكر الفصل فى التاريخ تمام بعد يومين أحس اني نسيت كل كلمة فيه بس الحمد لله .. و ربنا يوفقك مرة تانية و آسف ع الاطالة :d |
انا زيك فى اولى ثانوى دلوقت والحمد لله حددت انى هاخد تاريخ من الترم الاول
لانى بكره الكيميا وبقرف من الفيزيا وبنتخنق من الرياضه والتاريخ برتاح فيه هو و الجغرافيا فانىت تختارى حسب حبك للمواد لانك لو دخلتى حاجه مش بتحبيها يستحيل تجيبى مجموع فيها |
اقتباس:
والكيمياء والفزياء بحب افهمهم لكن طول عمرى متعقدة من الكيمياء |
| جميع الأوقات بتوقيت GMT +2. الساعة الآن 12:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.